ভারতকী প্রধানমন্ত্রী

ভারত্তা গ্লোবেল ইন্তরপ্রিনরশিপ সম্মিত ২০১৭ (জিইএস–২০১৭) পুন্না হোস্ত ওইমিন্নবগী ভারত অমসুং য়ুএসএগী মরক্তা এমওয়ু মন্ত্রীমন্দলনা য়াখ্রে 

ভারত্তা গ্লোবেল ইন্তরপ্রিনরশিপ সম্মিত ২০১৭ (জিইএস) পুন্না হোস্ত ওইমিন্নবগী ভারত অমসুং য়ুএসএগী মরক্তা খুৎয়েক পিনখিবা মেমোরেন্দম ওফ অন্দর্সতেন্দিং (এমওয়ু) অদুগীদমক প্রধানমন্ত্রী শ্রী নরেন্দ্র মোদীনা লুচিংবা কেন্দ্রগী মন্ত্রীমন্দলনা মসিগী ওইবা এক্স–পোস্ত ফেক্তো এপ্রুবেল পিখ্রে । মীফম অসি অপনবা য়াওদনা পাংথোক্নবগীদমক্তা পার্তিশিংগী মরক্তা লোজিস্তিক অমসুং পাংথোক্লিবা মফমগা মরি লৈনবা মথৌতাবশিং এমওয়ু অসিগা য়াওরি ।

জিইএস-২০১৭ অসিনা ইন্তরপ্রিনরশিং অমসুং ইভেস্তরশিংদা গ্লোবেল ইন্দস্ত্রী লিদরশিং উন্নবগী, নেতৱার্কিং সেসনশিং, পিৎচিং কম্পিতিসনশিং, স্ত্রেতেজিক ৱার্কসোপশিং অমসুং অনৌবা কোল্লাবোরেসন ফোর্গ তৌবগী সেক্তর-স্পেসিফিক প্রোগ্রামশিংগী খ্বাইদগী ফবা খুদোংচাবা অদু ফংহল্লে । মীফম অদুনা নহাওইরিবা ইন্তরপ্রিনরশিং অখন্ননা নুপী ইন্তরপ্রিনরশিং অমসুং মতম শাংনা থবক তৌরবা মর্জিনেলাইজ গ্রুপশিংদা শেলথুমগী ওইবা খুদোংচাবশিং হেঙ্গৎহন্নবা ফোরম অমা ফংহল্লে ।

য়ুমফম

জিইএস-২০১৭ অসি হাইদ্রবাদতা ইং ২০১৭ কী নবেম্বর ২৮ দগী ৩০ ফাওবা পাংথোকখি । মসিদা এমএনসিশিংগী সিইওশিং, পোলিসি মেকরশিং অমসুং সরকারগী অধিকারিশিংগী মথক্তা লৈবাক ১৫০ দগী রেজিস্তার তৌরবা দেলিগেৎ ১৫০০ হেনবনা শরুক য়াখি ।

ইং ২০১৭ তা ভারত্তা জিইএসকী নিপালশুবা এদিসন হোস্ত তৌনবা ৱারেপ অসি জোইন্ত দিক্লারেসনগী মখাদা ইং ২০১৬ কী জুন ৭ তা প্রধানমন্ত্রী শ্রী নরেন্দ্র মোদী অমসুং মতমদুগী য়ুএসকী রাষ্ট্রপতি বারাক ওবামা অনি উন্নখিবা অদুদা লৌখিবনি । মসিবু প্রধানমন্ত্রীনা ইং ২০১৭ কী জুন ২৫ দগী ২৭ ফাওবা চৎখিবা মহাক্কী অমেরিকা খোংচৎ অদুদা নৌহৌনা নিংশিংখি অমসুং য়ুএস প্রসিদেন্তকী এদভাইজর মিসেজ ইভানকা ত্রম্পপু ভারত্তা পাংথোক্কদৌরিবা জিইএসতা য়ুএস দেলিগেসনবু লুচিংদুনা লাকপিনবা বার্তন তৌরমখি ।

জিইএস অসি ইন্তরপ্রিনরশিংবু ইমর্জ তৌনবা প্রি-ইমিনেন্ত ফোরম অমনি । মীফম অসিনা গ্লোবেল ইন্দস্ত্রী লুচিংবশিং, ইন্তরনেস্নেল ইন্তরপ্রিনর্সকী নেতৱার্কিং, ইন্নোবেতরশিং, ইনভেস্তরশিংগা লোইননা উন্নবগী খুদোংচাবা অমা ফংহনখি । মীফম অদুনা নহাওইরিবা ইন্তরপ্রিনরশিং অখন্ননা নুপী ইন্তরপ্রিনরশিং অমসুং মতম শাংনা থবক তৌরবা মর্জিনেলাইজ গ্রুপশিংদা শেলথুমগী ওইবা খুদোংচাবশিং হেঙ্গৎহন্নবা ফোরম অমা ফংহল্লে ।