ভারতকী প্রধানমন্ত্রী

লৈবাক অসিগী কোনুংদা লৈরিবা বিগ্যান ভবন্দা হয়েং প্রধান মন্ত্রী নরেন্দ্র মোদীনা দ দিল্লী এণ্ড তি বি সমিৎ হৌদোক্কনি। সমিৎ অসি হকশেল অমসুং য়াইফ-য়ুম্বাল মন্ত্রালয়, দবল্যু এচ ও সাউথ ইস্ত এসিয়া রিজনেল ওফিস (এস ই এ আর ও) অমসুং স্তোপ তি বি পার্তনরশিপনা পুন্না য়ুম্বু ওইদুনা পাংথোক্কনি।
থৌরম অসিদা প্রধান মন্ত্রীনা ত্যুবরকুলোসিস ফ্রী ইন্দিয়া কেম্পেন হৌদোক্কনি। তি বি ফ্রী ইন্দিয়া কেম্পেন্না মিসন চত্থদুনা তি বি মুত্থৎনবা মাং থানা চংশিন্নবগীদমক নেস্নেল স্ত্রাতেজিক প্লানগী থবক থৌরমশিং পায়খৎকনি। তি বি মুত্থৎনবগীদমক নেস্নেল স্ত্রাতেজিক প্লান অসি মথংগী চহি অহুমগী ওইনা লুপা কোতি ১২,০০০ থাদদুনা তি বিনা নারবা মীপুম খুদিংমকপু ক্বালিতী লৈবা দাইগ্নোসিস, ত্রিতমেন্ত অমসুং মতেং ফংহন্নবা থবক পাইখৎপনি।

ইং ২০২৫ ফাওবদা তি বি মুত্থৎনবা প্রধান মন্ত্রীগী মীৎয়েং থম্লি। এস দি জিগী রিভাইজ নেস্নেল ত্যুবরকুলোসিস প্রোগ্রাম্না ১৯৯৭তগী হৌরগী অনাবা মীওই কোতি ২ হেন্না লায়েংখ্রে।