ভারতকী প্রধানমন্ত্রী

মন্ত্রীমন্দলনা ভারত অমসুং কনাদাগী মরক্তা আই পি আর শিংগী লমদা তৌনবা য়ানা চেরোলদা অয়াবা পীখ্রে
প্রধান মন্ত্রী শ্রী নরেন্দ্র মোদীনা লুচিংবা কেন্দ্রগী মন্ত্রীমন্দলনা ভারত অমসুং কনাদাগী মরক্তা তৌনবা য়ানা চেরোলদা মখা তানা অয়াবা পীখ্রে। য়ানা চেরোল অদু ইন্তেলেকচুয়েল প্রোপর্তী (আই পি)গী লমদা বাইলেতরেল কোওপরেসন এক্তিবিতীশিং লিংখৎনবা ইং ২০১৮গী ফেব্রুৱারী ২৩দা খুৎয়েক পীনখিবনি। য়ানা চেরোল অসিনা লৈবাক অনিমক্কী ইনোবেসন, ক্রিয়েতিবিতী অমসুং শেল-থুমগী ফিভম ফগৎনবা থৌরাং তৌরি। য়ানা চেরোল অসিনা পাক চাউরবা অমসুং ফ্লেক্সিবল ওইবা ফ্রেমৱার্ক অমা শেমগৎলি। য়ানা চেরোল অসিগী মখাদা মাংজিল থারিবা ইনিসিয়েতিবশিং অদুদি:

i. লৈবাক অনিমক্কী মীয়াম, ললোন ইতিক অমসুং মহৈ তম্ফম লুপশিংগী মরক্তা আই পি এৱার্নেস মতৌ করম্না হেঙ্গৎহনগনি হায়বগী মতাংদা খ্বাইদগী ফবা থবক-থৌরমশিং, খঙ-হৈবশিং অমসুং ৱাখল্লোনশিং পীথোক-পীশিন তৌবা;

ii. থোইদোক হেন্দোকপা আই পিগী লমশিংদা হ্যুমেন রিসোর্স এঙ্গেজ তৌবগা লোয়ননা ইন্তরেক্সনগীদমক এক্সপার্তশিং একচেঞ্জ তৌবা;

iii. শরুক য়ারিবশিংনা লনায় নত্রগা পুন্না শিল লাংলিবা প্রোগ্রামশিংদা শরুক য়াবগী খুত্থাংদা ইন্দস্ত্রী, য়ুনিবর্সিতীশিং, রিসর্স অমসুং দিবেলপমেন্ত ওর্গনাইজেসনশিং অমদি স্মোল এন্দ মীদিয়ম-সাইজ ইন্তরপ্রাইজেস (এস এম ই এস)কা লোয়ননা আই পিদা খ্বাইদগী ফবা প্রেক্তিসশিং, এক্সপরিয়েন্সশিং অমসুং ৱাখল্লোন একচেঞ্জ তৌবা;

iv. আই পিগী মেনেজমেন্তকীদমক আই পি অমসুং প্রোসেদ্যুরশিংদা মোর্দনাইজেসন প্রোজেক্তশিং, অনৌবা অমদি হৌজিক লৈরিবা দোকুমেন্তেসন অমসুং ইনফোর্মেশন সিস্তেমশিং দিবেলপ তৌবদা তেংবাং পীনবা;

v. মতৌ করম্না ত্রেদিস্নেল ওইবা ৱাখল্লোন ঙাক-শেল্লিবগে হায়বদু খঙননবা তেংবাং পীনবা;

vi. লোকেল আই পি অমসুং বিজিনেস কমুনিতীশিংগীদমক আই পিগা মরি লৈনবা ত্রেনিংদা তেংবাং পীনবা, অমসুং

vii. য়ানা চেরোল অসিগী স্কোপকী মনুং চন্না নাকল অনিমক্না ৱারেপ্নরবা অতোপ্পা থৌওংশিংদা তেংবাং পীনবা।