ভারতকী প্রধানমন্ত্রী

 প্রধান মন্ত্রী শ্রী নরেন্দ্র মোদীনা লুচিংবা কেন্দ্রগী মন্ত্রীমন্দলনা য়ুনিয়ন তেরিতোরীশিংগী লেফতনেন্ত গবর্নরশিংগী তলব অমসুং এলাৱেন্সশিং নৌহৌননা য়েংশিনবদা অয়াবা পীখ্রে। মসিনা লেফতনেন্ত গবর্নরশিংগী তলব অমসুং এলাৱেন্সশিং অদু ভারত সরকারদা সেক্রেতরী ওইবা অমগা থাক মান্নরগনি।

মচা নাইনা তাকপা:

মন্ত্রীমন্দলনা য়ুনিয়ন তেরিতোরীশিংগী লেফতনেন্ত গবর্নরশিংগী তলব অমসুং এলাৱেন্সশিং ২০১৬কী জনুৱারী ১দগী হৌরগা, পোৎ তাংবগী এলাৱেন্স থাগী লুপা ৪০০০গী চাংদা দিয়র্নেস এলাৱেন্স অমসুং লোকেল এলাৱেন্স পুন্সিল্লগা ফংলিবা থাগী লুপা ৮০,০০০ অদুদগী হেঙ্গৎলগা পোৎ তাংবগী এলাৱেন্স থাগী লুপা ৪০০০গী চাংদা দিয়র্নেস এলাৱেন্স অমসুং ভারত সরকারগী সেক্রেতরীগী থাক্তা ফংলিবা লোকেল এলাৱেন্সকা লোয়ননা থাগী লুপা ২,২৫,০০০ ওইহন্নবা হায়জরকপা অদু অয়াবা পীখ্রে।

য়ুমফম:

য়ুনিয়ন তেরিতোরীশিংগী লেফতনেন্ত গবর্নরশিংগী তলব অমসুং এলাৱেন্সশিং অসি ভারত সরকারদা সেক্রেতরীগী রেঙ্কতা লৈবা ওফিসারশিংগা মান্ননা চৎলি। তেরিতোরীশিংগী লেফতনেন্ত গবর্নরশিংগী তলব অমসুং এলাৱেন্সশিং অসি মন্ত্রীমন্দলনা অয়াবা পীদুনা ইকোন কোনবা ওইনা হৌখিবা ২০০৬কী জানুৱারী ১দগী থাগী লুপা ২৬,০০০/- (ফিক্স)তগী দিয়র্নেস এলাৱেন্স, থাগী লুপা ৪০০০গী চাংদা পোৎ তাংবগী এলাৱেন্স অমসুং লোকেল এলাৱেন্স য়াওনা থাগী লুপা ৮০,০০০(ফিক্স)দা রিভাইজ তৌখি।

ভারত সরকারগী সেক্রেতরীগী থাক্তা লৈবা ওফিসরশিংগী তলব অসি সি.সি.এস. (রিভাইজ) পে রুল্স, ২০১৬গী মতুং ইন্না ০১.০১.২০১৬তগী হৌরগা লুপা ৮০,০০০দগী থাগী লুপা ২,২৫,০০০দা রিভাইজ তৌখি।