ভারতকী প্রধানমন্ত্রী

প্রধান মন্ত্রী শ্রী নরেন্দ্র মোদী এপ্রিল ১২দা তামিল নাদুদা চৎকনি। মহাক্না কাঞ্চীপুরম জিলাদা লৈবা চেন্নৈগী তিরুবিদন্থলদা দিফেন্স এক্সপোগী ১০শুবা এদিসন, দেফএক্সপো-২০১৮ হৌদোক্কনি। চহি অসিগী দেফএক্সপোগী তেগ লাইন অসি “ইন্দিয়া: দ ইমর্জিং দিফেন্স মেনুফেকচরিং হব”নি। মালেমগী একজিবিতর ১৫০ য়াওনা একজিবিতর ৬৭০ হেনবনা দেফএক্সপো অসিদা শরুক য়াগনি।

ভারতকী ওইনা শরুক য়ারিবশিংদা তাতা, এল & তি, কল্যানী, ভারত ফোর্জ, মহিন্দ্রা, এম কে য়ু, দি আর দি ও, ঐচ এ এল, বি ই এল, বি দি এল, বি ই এম এল, এম দি এল, জি আর এস ই, জি এস এল, ঐচ এস এল, মিধানী, ওর্দিনান্স ফেক্তরিশিং, অমসুং অতোপ্পা কয়া অমা য়াওরি। অচৌবা মালেমগী কম্পেনীশিংদা, লোকহীদ মার্তিন, বোইং (য়ু এস এ), সাব (স্বিদেন), এয়রবস, রাফেল (ফ্রান্স), রোসোনবোরোন এক্সপোর্তস, য়ুনাইতেদ শিপবিলদিং (রসিয়া), বি এ ই সিস্তেমস (য়ু কে), সিবাৎ (ইজরেল), ৱার্তসিলা (ফিন্দলেন্দ), রোহদ এন্দ স্বার্জ (জর্মনি) য়াওনা অতোপ্পা কয়া অমনা দেফএক্সপো ২০১৮দা শরুক য়ারি।

প্রধান মন্ত্রীনা চেন্নৈগী অদ্যারদা লৈরিবা কেন্সর ইনস্তিত্যুৎতশু চৎকনি। মহাক্না শ্রীপেরুমবদুরদা দাইমন্দ জুব্লী বিলদিং, পেলিয়েতিব কেয়র সেন্তর (মহাবীর অশ্রে), অদ্যার কেন্সর ইনস্তিত্যুৎতা দে কেয়র সেন্তর অমসুং নর্স ক্বাতর শঙ্গাবগী মায়খুম হাংদোক্কনি।