ভারতকী প্রধানমন্ত্রী

প্রধান মন্ত্রী শ্রী নরেন্দ্র মোদীনা হয়েং এপ্রিল ২১দা বিজ্ঞান ভবনদা পাংথোকপা পব্লিক এদমিনিস্ত্রেসন্দা খ্বাইদগী ফবগীদমক মনাশিং য়েন্থোক্কনি। থৌরম অদুদা মহাক্না সিবিল সার্বেন্তশিংগী মফমদা ৱা ঙাংগনি।

পি এম এৱার্দস ফোর এক্সিলেন্স ইন পব্লিক এদমিনিস্ত্রেসন অসি কেন্দ্র অমসুং স্তেত সরকারশিংগী জিলাশিং অমসুং ওর্গনাইজেসনশিংনা মীয়ামগী য়াইফনবগীদমক তৌবা ফিদম্নফম ওইবা থবক অদুগীদমক অহানবা ওইনা পীবনি। মনা অসিগীদমক্তা মাংজিল থারিবা প্রোগ্রাম মরি খনগৎলে: i) প্রধান মন্ত্রী ফসল বিমা য়োজনা, ii) দিজিতেল পেমেন্তশিং প্রমোৎ তৌবা, iii) প্রধান মন্ত্রী অৱাস য়োজনা- আর্বান অমদি রুরেল, অমসুং iv) দীন দয়াল উপধ্যায় গ্রামিন কৌশল য়োজনানি। মসিগী মথক্তা জিলাশিং য়াওনা কেন্দ্র অমসুং রাজ্যশিংগী ওর্গনাইজেসনশিংগীদমক ইনোবেসনগী মনাশিং য়াওরি। চহি অসিদা শকখঙলবা মাংজিল থারিবা প্রোগ্রাম ৪গীদমক মনা ১১ পীরগনি। ইনোবেসনগীদমক কেন্দ্র/রাজ্য সরকার/ জিলাশিংগী ওর্গনাইজেসন্দা মনা অনি পীরগনি। মদুগী মনুংদা মনা অমদি শোত্থরিবা জিলা অমদা পীগনি।

থৌরম অদুদা প্রধান মন্ত্রীনা লাইরিক অনি ফোংগনি। অহানবা লাইরিক ‘ন্যু পাথৱেজ’ অসি শকখঙলবা মাংজিল থারিবা প্রোগ্রামশিং অমসুং ইনোবেসনশিং ইমপ্লিমেন্ত তৌবদা মায় পাকখিবা ৱারীশিংগী খোমজিল্লবা লাইরিক অমনি। অনিশুবা লাইরিক ‘এস্পিরেস্নেল দিস্ত্রীক্তস : অনলোক্কিং পোতেন্সিয়েল’ অসি শোত্থরিবা জিলাশিং ত্রান্সফোর্ম তৌনবগীদমক দিবেলপ তৌরিবা স্ত্রাতেজিশিংগী একাউন্ত অমনি।

***