ভারতকী প্রধানমন্ত্রী

প্রধান মন্ত্রী শ্রী নরেন্দ্র মোদীনা লুচিংবা কেন্দ্রগী মন্ত্রীমন্দলনা ভারত অমসুং সাও তোম অমদি প্রিন্সিপকী মরক্তা হিদাক ওইনা শিজিন্নবা পাম্বীশিংগী লমদা তেংবাং পীননবা য়ানা ৱারোল চৎনহনবদা মখোয়গী ওইবা অয়াবা পীখ্রে। য়ানা ৱারোল অসি ১৪.০৩.২০১৮দা খুৎয়েক পীনখিবনি।

য়ুম্ফম:

ভারত অসি বাইওদাইবর্সিতীগী মতাংদা মালেম অসিদা খ্বাইদগী ইনাক খুনবা লৈবাক্নি, মসিগী এগ্রো-ক্লাইমেৎ জোন ১৫ লৈরি। লৈ শাৎপা পাম্বীগী মখল ১৭০০০-১৮০০০গী মনুংদা ৭০০০তি অয়ুরবেদ, য়ুনানী, সিদ্ধ অমসুং হোমিওপেথীগুম্বা মেদিসিনগী সিস্তেমশিংদা শিজিন্নৈ। হিদাক ওইনা শিজিন্নবা পাম্বীগী চাউরাক্না মখল ১১৭৮দি ললোন ইতিক তৌরি, মদুগী মনুংদা মখল ২৪২গী ওইনা চহিগী শিজিন্নরিবা অসি মেত্রিক তন ১০০ হেল্লি। হিদাক ওইনা শিজিন্নবা পাম্বীশিং অসি ত্রেদিস্নেল মেদিসিন অমসুং হর্বল ইন্দস্ত্রীগীদমক অচৌবা রিসোর্স বেজ অমা ওইবতা নত্তনা ভারতকী মীওইশিংগী চাউরবা শরুক অমদা হিংনবা পাম্বৈ অমসুং হেল্থ সেক্যুরিতী পীরি।

সাও তোম অমসুং প্রিন্সিপতা মেদিসিন অমসুং মেদিসিনেল প্লান্ত সেক্তরগী, আয়ুস সিস্তেমগী প্রমোসন অমসুং প্রোপাগেসনগীদমক মথৌ তাবা অদু য়েংদুনা দেমোক্রেতিক রিপব্লিক ওফ সাও তোম অমসুং প্রিনসিপকী মরি লৈনবা ওথোরিতীশিংগা লোয়ননা হিদাক শিজিন্নবা পাম্বীশিংগী লমদা লৈবাকশিংগী মরক্তা তেংবাং পীননবা য়ানা চেরোল দ্রাফ তৌখি।