ভারতকী প্রধানমন্ত্রী

নোইদাগী পব্লিক ত্রান্সপোর্ত ইনফ্রাস্ত্রকচরদা চাউনা ইনোৎ হাপ্পা অমা ওইনা প্রধান মন্ত্রী শ্রী নরেন্দ্র মোদীনা লুচীংবা কেন্দ্রগী মন্ত্রীমন্দলনা দিল্লী মেত্রো কোরিদোরবু নোইদা সিতী সেন্তরদগী সেক্তর-৬২, নোইদা উত্তর প্রদেশ ফাওবা লুপা কোতি ১,৯৬৭ চংনা কিলোমীতর ৬.৬৭৫ শাংদোকহনবদা অয়াবা পীখ্রে। গ্রান্ত অমদি সবওর্দিনেৎ দেবতকী একাউন্তা ভারত সরকারগী লাইবেলিতী অসি লুপা কোতি ৩৪০.৬০ ওইগনি।

মচা খাইবা ৱাফম:

1. দিল্লী মেত্রো কোরিদোরবু নোইদা সিতী সেন্তরদগী সেক্তর-৬২, নোইদা উত্তর প্রদেশ ফাওবা কিলোমীতর ৬.৬৭৫ শাংদোকহনবদা অয়াবা পীবা।
2. প্রোজেক্ত অসিগী অপুনবা শেনফম অসি লুপা কোতি ১,৯৬৭নি।

• প্রোজেক্ত অসি দিল্লী মেত্রো রেল কোওপরেসন লিমিতেদ (দি এম আর সি), ভারত সরকারগী স্পিসিয়েল পর্পজ ভেহিকল (এস পি ভি) অমসুং দিল্লীগী গবর্নমেন্ত ওফ নেস্নেল কেপিতেল তেরিতোরীনা ইমপ্লিমেন্ত তৌগনি।

1. প্রোজেক্ত অসি সেন্ত্রেল মেত্রো এক্তশিং ওইরিবা, মেত্রো রেলৱেজ (কন্সত্রকসন ওফ ৱার্ক্স) এক্ত, ১৯৭৮ অমসুং মেত্রো রেলৱেজ (ওপরেসন এন্দ মেন্তিনেন্স) এক্ত, ২০০২গী মখাদা মতম মতমগী এমেন্দমেন্ত ওইনা কোনশিনগনি।

চাউনা থেংনরিবা:

দিল্লী মেত্রো কোরিদোরবু নোইদা সিতী সেন্তরদগী সেক্তর-৬২, নোইদা ফাওবা কিলোমীতর ৬.৬৭৫ শাংদোকহনবা অসি দিল্লী মেত্রো সিস্তেমগী দ্বারকা-নোইদা সিতী সেন্তর লাইনদা শাংদোকহনবনি। মদুগী মহৈ ওইনা রিজন অসিদা রেসিদেন্সিয়েল অমদি কমর্সিয়েল কমপ্লেক্স কয়া দিবেলপ তৌরগনি। মেত্রো রেল থম্বনা লম্বীশিংদা গারী মশিং হন্থহন্দুনা মী চিনবা হন্থহল্লগনি, চত্থোক চৎশিনগী মতম অমসুং চাদিং হন্থহল্লগনি, ফোসিল ফুয়েলগী কঞ্জুমপ্সন হন্থহল্লগনি অমদি এনভাইরনমেন্তেল পোল্লুসন হন্থহল্লগনি। লাইন শাংদোকহনবা অসিনা নোইদা অমসুং অকোয়বদা লৈরিবা মীওইশিংদা চাউনা কান্নবা ফংহল্লগনি। প্রোজেক্ত সাইত্তা ইঞ্জীনিয়রশিং য়াওনা চাউরাক্না স্তাফ ৮০০ এঙ্গেজ তৌরগনি। তুংদা কোরিদোর অসিগী ওপরেসন অমসুং মেন্তিনেন্সকীদমক চাউরাক্না এমপ্লোই ২০০ রোম লৌনবগী থৌরাং দি এম আর সিনা পায়খৎলগনি।

য়ুমফম:

উত্তর প্রদেশ রাজ্যগী গৌতম বুদ্ধ নগর জিলাদা লৈরিবা নোইদা সহর অসি উত্তর প্রদেশ ইন্দস্ত্রীয়েল এরিয়া দিবেলপমেন্ত এক্তকী মখাদা শেমখিবনি। মসিনা নেস্নেল কেপিতেল রিজন (এন সি আর)দা দিল্লীগী খ্বাইদগী মোর্দন ওইবা সবঅর্বানশিংগী মরক্তা অমনি। ২০১১গী সেনসসকী মতুং ইন্না নোইদাগী অপুনবা মীশিং অসি লাখ ৬.৪২নি। সহর অসি অশং অমানতনা থল্লবা অমদি ওপন এরিয়া ওইবনা দিল্লী অমসুং অকোয়বা মফম কয়াগী মীয়ামনা নোইদাবু মখোয়গী লৈফম ওইনা খল্লি।

নোইদাবু অর্বনাইজেসন তৌবগী থবক য়াম্না কন্না চত্থরি। ইন্দস্ত্রী অমদি ইন্সতিত্যুস্নেল য়ুনিৎ কয়াসু সহর অসিদা লিংখৎলক্লি। নোইদা অসি মরু ওইনা দিল্লী অমদি উত্তর প্রদেশকী নক্নবা মফমশিং অমসুং হরিয়ানা রাজ্যগা লম্বী থোংদা শম্নরি। অতোপ্পা মফম কয়াদগী মীয়ামনা নোইদাদা থবক তৌবা লাক্নরি অমদি নোইদাদগী অতোপ্পা মফম কয়াদা থবক তৌবা চৎনরি। নোইদা অসি মেত্রো রেলনা শম্নহল্লি অমদি ত্রেনশিংনা নোইদা সিতী সেন্তর (সেক্তর ৩২ নোইদা) ফাওবা চেল্লি। মেত্রো কোরিদোর অসি নোইদা সিতী সেন্তরদগী নোইদা সেক্তর ৬২ ফাওবা স্তেসন ৬কা লোয়ননা কিলোমীতর ৬.৬৭৫ শাংদোক্নবা প্রপোজ তৌরি। নোইদাদা রেলৱে স্তেসন লৈতে অমদি খ্বাইদগী নকপা স্তেসন অসি ন্যু দিল্লীগী হজরত নিজামুদ্দিন্নি, মদু চাউরাক্না কিলোমীতর ১৫ লাপ্পি। খ্বইদগী নকপা এয়ারপোর্ত ওইরিবা দিল্লী এয়ারপোর্ত অসি নোইদাদগী কিলোমীতর ৩৫ লাপ্পি। লাক্কদৌরিবা চহি খরা অসিদা নোইদা রিজনদা মীশিং য়াম্না হেঙ্গৎলবা য়ারি।