ପିଏମଇଣ୍ଡିଆ

ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀଙ୍କ ସହିତ ଆଜି (ଶୁକ୍ରବାର) ମହାରାଷ୍ଟ୍ରର 10 ଜଣିଆ ଜନଜାତି ଛାତ୍ରଛାତ୍ରୀ ଦଳ ସାକ୍ଷାତ କରିଥିଲେ । ଛାତ୍ରଛାତ୍ରୀମାନେ ମହାରାଷ୍ଟ୍ର ସରକାରଙ୍କ ଆଦିବାସୀ ବିକାଶ ବିଭାଗର ‘ମିଶନ ଶୌର୍ଯ୍ୟ’ ପଦକ୍ଷେପର ଅଂଶବିଶେଷ । ଏହି ଛାତ୍ର ସମୂହର 5 ଜଣ ଛାତ୍ରଛାତ୍ରୀ ମଇ 2018ରେ ସଫଳତାପୂର୍ବକ ଏଭରେଷ୍ଟ ଶୃଙ୍ଗ ଆରୋହଣ କରିଥିଲେ ।

ଛାତ୍ରଛାତ୍ରୀମାନେ ପ୍ରଶିକ୍ଷଣ ଏବଂ ଏଭରେଷ୍ଟ ଶୃଙ୍ଗ ଚଢିବା ବେଳେ ନିଜର ଅନୁଭୂତିକୁ ପ୍ରଧାନମନ୍ତ୍ରୀଙ୍କ ଆଗରେ ବର୍ଣ୍ଣନା କରିଥିଲେ । ପ୍ରଧାନମନ୍ତ୍ରୀ ଛାତ୍ରମାନଙ୍କୁ ସେମାନଙ୍କ ଉପଲବ୍ଧି ପାଇଁ ଖୁସି ଜାହିର କରି ଶୁଭେଚ୍ଛା ଜଣାଇଥିଲେ । ଛାତ୍ରଛାତ୍ରୀମାନଙ୍କୁ ନିୟମିତ ଭାବେ କ୍ରୀଡା କ୍ଷେତ୍ରରେ ନିଜକୁ ନିୟୋଜିତ କରିବା ପାଇଁ ପ୍ରଧାନମନ୍ତ୍ରୀ ପ୍ରୋତ୍ସାହିତ କରିଥିଲେ । ଏହି ଅବସରରେ ପ୍ରଧାନମନ୍ତ୍ରୀ ପ୍ରତ୍ୟେକଙ୍କୁ ପୁରସ୍କୃତ କରିଥିଲେ ।

ମହରାଷ୍ଟ୍ର ମୁଖ୍ୟମନ୍ତ୍ରୀ ଦେବେନ୍ଦ୍ର ଫଡନବୀସ ଏବଂ କେନ୍ଦ୍ର ଗୃହ ରାଷ୍ଟ୍ରମନ୍ତ୍ରୀ ଶ୍ରୀ ହଂସରାଜ ଅହୀର ମଧ୍ୟ ଏହି ସମୟରେ ଉପସ୍ଥିତ ଥିଲେ ।

***