ভারতকী প্রধানমন্ত্রী

প্রধান মন্ত্রী নরেন্দ্র মোদীনা লুচীংদুনা ফমখিবা কেন্দ্রগী মন্ত্রী মন্দলগী মীফম্না তম্বীবা, লায়েংবা অমসুং মীয়ামগী হকশেলগী থৌরাংশিং ফগৎহন্নবা অমসুং কেন্দ্র সরকারগী অহৈবা দোক্তরশিং মীয়ামগী হকশেলগী থবকশিংদা শীজিন্নবদা কেবিনেৎনা অয়াবা পীরে।

মশাগী লমদা হৈথোই-শিংথোইবা কেন্দ্রগী মখাদা থবক তৌরিবা চহি ৬২ শুবা দোক্তরশিং মখোয়গী লম অদুদা থবক তৌহনগনি। মসি পাংথোক্নবা কেবিনেৎনা জুনগী ১৫দা লৌখিবা ৱারেপ অদু শেমদোক্কনি হায়রি।

মরুওইবা কান্নবা:

মসিনা কেন্দ্র সরকারগী দোক্তরশিং মশিং য়াম্না শেমগৎকনি অমসুং এক্সপিরিয়েন্স লৈরবা দোক্তরশিং মেদিকেল এজুকেসন, অনা-লায়েংবা অমসুং মীয়ামগী হকশেলগী থবকশিংদা শীজিন্ননবা মরাং কাইনা লৈরগনি।

কান্নবা ফংগদবশিং:

লৌরিবা ৱারেপ অসিনা এক্সপিরিয়েন্স লৈরবা দোক্তরশিং মেদিকেল এজুকেসন, অনা-লায়েংবা অমসুং মীয়ামগী হকশেলগী থবকশিংদা শীজিন্ননবা মরাং কাইনা লৈরগনি অমসুং খুন্নাইগী অচৌবা কান্নবা অমা ওইরগনি।

ওইরিবা ফিবম:

দোক্তর ৱাৎপা থেংননবা কেন্দ্রগী মন্ত্রী মন্দলনা জুন ১৫দা মীফম পাংথোক্তুনা কেন্দ্র সরকারগী দোক্তরশিং থবক্তগী পোৎথাবগী মতম চহি ৬৫দা শাংদোকখি। ২৭-০৯-২০১৭তা পাংথোকখিবা কেন্দ্রগী মন্ত্রী মন্দলগী মীফম্না কেন্দ্র সরকারগী তোঙান-তোঙানবা বিভাগশিংদা থবক তৌরিবা দোক্তরশিংগী থবক্তগী পোৎথাবা মতম চহি ৬৫দা ওইহনখি। চহি ৬২গী মথক্তা লৈবা দোক্তরশিং মেদিকেল এজুকেসন, লায়েংবা অমসুং মীয়ামগী হকশেলগী থৌরাংশিং ফগৎহনবা অমসুং কেন্দ্র সরকারগী অহৈবা দোক্তরশিং মীয়ামগী হকশেলগী থবকশিংদা শীজিন্ননবা ৱারেপ লৌরকখিবনি।

***