ভারতকী প্রধানমন্ত্রী

বি.জে.পি.গী শোৎথৌরবা কাংলুপকী পর্লিয়মেন্তরিয়ানশিং অমসুং লুচিংবশিংগী মীহুৎ কাংবু অমনা ঙসি নই দিল্লীদা প্রধান মন্ত্রী শ্রী নরেন্দ্র মোদীগা উখ্রে।

মীহুৎ কাংবু অদুনা ও.বি.সি. কমিশনবু কন্সতিত্যুসনেল স্তেতস পীবগীদমক প্রধান মন্ত্রীবু থাগৎপা ফোংদোকখি। মীহুৎ কাংবু অদুনা হায়খি মদুদি পুৱারী ওইরিবা খোংথাং অসিনা ও.বি.সি. কাংলুপ্পু মপাঙ্গল কলহনবদা মতেং ওইরগনি।

প্রধান মন্ত্রীনা মীহুৎ কাংবু অদুদা মখোয়না থাগৎখিবা অমসুং মতেং পাংখিবগীদমক থাগৎপা ফোংদোকখি। প্রধান মন্ত্রীনা ও.বি.সি. কাংলুপ চাউখৎনবগীদমক অখন্নবা মওংদা মখোংদগী হৌনা থবক তৌনবগীদমক মীহুৎ কাংবু অদুগী পুক্নীং থৌগৎখি। মহাক্না মীহুৎ কাংবু অদুদা মখোয়গী হক্কী মতাংদা কাংলুপশিংগী মরক্তা ই-পাউ খঙহনবা হেনগৎহন্নবা ফোংদোকখি।

কেন্দ্রগী মন্ত্রী শ্রী ধমেন্দ্র প্রধান অমসুং রাজ্য মন্ত্রী (মনীং তম্বা) শ্রী সন্তোষ কুমার গঙ্গৱারসু থৌরম অদুদা শরুক য়াখি।

***