ভারতকী প্রধানমন্ত্রী

সংসদকী নোংজুম মীফমদা লৈবাক্কী মরুওইবা ৱাফম কয়া কুপ্না খন্নবা দরকার ওই। হেন্না খন্নরিবমখৈ, হাউসগী অহল ওইরবা অমসুং হৈশিংলবা মেম্বরশিংগী ৱাফম কয়া তাবা ফংগনি অমসুং মদুগী কান্নবা লৈবাক অসিনা ফংগনি। সরকারগী ৱারেপশিংদা অফবা পাউতাকশিং পীরকপগী কান্নবা সরকারনা ফংগনি। মরুওইবা থবকশিং পাংথোক্তুনা রাজনীতি দলশিংনা হাউসগী মতম ফজনা শীজিন্নগনি হায়না ঐনা থাজবা থম্লি। খুদিংমক্না মপুং ফানা মতেং পাংগনি অমসুং সংসদকী থৌরমশিং পুক্নিং থৌগৎনীংঙাই ওইগনি অমসুং মসি রাজ্যশিংগী এসেমব্লীশিংগী তমজনফম অমা ওইগনি। রাজনীতি দল খুদিংমক্না মদু পাংথোক্কনি হায়না ঐনা থাজৈ। অমুক হন্না ঐগী থাজবশিং অমসুং অপাম্বশিং থম্লি অমসুং মদু ফংনবা কন্না হোৎনরি। ঙসিসু অমুক হন্না ঐগী থাজবশিং নখোয়গী অশাগী মমাংদা থম্লি। মদু ফংনবা ঐখোয়না অমুক হন্না হোৎনগনি অমসুং ঐখোয়না লেপ্পা লৈতনা হোৎনগনি। রাজনীতি দল অমা নৎত্রগা মেম্বর অমনা পাম্বা ৱাফম অমা হেক্তা খন্ননবা অমসুং নৈননবা সরকার অসিনা থৌরাং তৌদুনা লৈরি। চৎলিবা নোংজু থা অসিদা লৈবাক্কী মফম খরদা নোং কন্না চুরি অমসুং মফম খরদনা নোং ৱাৎনা তারি। হায়রিবা ৱাফমশিং অসিগী মতাংদা খন্নবা চুনগনি হায়না ঐনা থাজৈ। থাগৎচরি।