ভারতকী প্রধানমন্ত্রী

প্রধান মন্ত্রী শ্রী নরেন্দ্র মোদীনা লুচীংবা কেন্দ্রগী মন্ত্রীমন্দলনা পোৎকী মমল তাংখৎলকপা অসিগী য়েংদুনা কেন্দ্র সরকারগী শিন্মীশিংগীদমক্তা দিয়রনেস এলাৱেন্স (দি.এ.) অমসুং পেন্সনরশিংগীদমক্তা দিয়রনেস রিলিফ (দি.আর.)গী অহেনবা ইন্সতোলমেন্ত থাদোক্নবা অয়াবা পীখ্রে, মদু বেসিক পে/পেন্সনগী লৈরিবা ৭% অদুদা ২% হেনগৎলগনি। মসি ০১.০৭.২০১৮দগী চৎনবা হৌগনি।

দিয়রনেস এলাৱেন্স অমসুং দিয়রনেস রিলিফ অসিনা সরকারগী পুক্কৈদা পীবা অপুনবা শাফু অসি চহি খুদিংগী লুপা ক্রোর ৬১১২.২০ অমসুং শেনবা চহি ২০১৮-১৯ (জুলাই ২০১৮দগী ২০১৯ ফাওবগী থা ৮গী মতম ফাওবগীদমক্তা)দা লুপা ক্রোর ৪০৭৪.৮০ ওইরগনি।

মসিনা কেন্দ্র সরকারগী চাউরাক্না শিন্মী লাখ ৪৮.৪১ অমসুং পেন্সনর লাখ ৬২.০৩দা কান্নবা ফংহল্লগনি।
হেনগৎলকপা অসি অয়াবা পীরবা ফোর্মুলাগী মতুং ইন্ননি, মদু ৭ শুবা সেন্ত্রেল পে কমিশনগী রিকোমেন্দেসনগী মখা পোন্ননি।

***