ভারতকী প্রধানমন্ত্রী

প্রধান মন্ত্রী শ্রী নরেন্দ্র মোদীনা লুচীংবা কেন্দ্রগী মন্ত্রীমন্দলনা ইন্সুরেন্স রেগুলেতোরী অমসুং দিবেলপমেন্ত ওথোরিতী ওফ ইন্দিয়া (আই.আর.দি.এ.আই.) অমসুং য়ু.এস.এ.গী ফেদরেল ইন্সুরেন্স ওফিসকী মরক্তা তৌনবা য়ানা চেরোলদা খুয়েক পীবদা অয়াবা পীখ্রে।

শাফুঃ

য়ানা চেরোল অসিনা ওথোরিতী পুম্নমক্কী ওভর্ভ্যু অমসুং অতৈ লোফুল ওইবা থৌদাংশিংগী মতাংদা ই-পাউ অমসুং রিসর্সকী মতেং পীথোক-পীশিন তৌনবা য়াওনা তেংবাং পীনবা অমসুং শরুক য়ামিন্ননবগীদমক্তা ফ্রেমৱর্ক অমা পীগনি। য়ানবা অসিগী মনুংদা লৈবাক অনিনা তোঙান তোঙানবা রেগুলেতোরী ফঙ্কসনশিংদা মখোয়গী খঙ-হৈবশিং অদু য়েন্থোক্কনি অমসুং ত্রেনিংগী থবক-থৌরমশিং য়াওনা লৈবাক অনিগী মরক্তা তেংবাং পীনগনি। ভারত অমসুং য়ু.এস.এ.না মালেমগী থাক্তা শেমগৎপগা মরি লৈনবা থবক-থৌরমশিংদা তেংবাং পীনবা মখা তানা চৎথবা, ফাইনান্সিয়েল স্তেবিলিতী অমসুং ইন্সুরেন্সকী লমদা অচেৎপা প্রুদেন্সিয়েল রেগুলেসনগী থোংদা কঞ্জুমর প্রোতেক্সনগী চাউখৎ-থৌরাং অমসুং থবক্তা ওন্থোকপদসু য়ানখ্রে।

য়ুম্ফমঃ

ভারত্তা ইন্সুরেন্স অমসুং রি-ইন্সুরেন্স ব্যুজিনেলপু লাকশিন্নবা, মসিবু ইনোৎ হাপ্ননবা অমসুং চাউখৎহন্নবগীদমক্তা ইন্সুরেন্স রেগুলেতোরী অমসুং দিবেলপমেন্ত ওথোরিতী এক্ত, ১৯৯৯গী মখাদা আই.আর.দি.এ.আই. অসি লিংখৎখি। মতৌ অসুম্না য়ু.এস.এ.দা ফেদরেল ইন্সুরেন্স ওফিস (এফ.আই.ও.) লৈ, মসিনা ইন্সুরেন্সকী লম পুম্নমক্কী মরুওইবা খুদিংমক য়েংশিনবা অমসুং ইন্তর্নেস্নেল ইন্সুরেন্সকী প্রুদেন্সিয়েল এসপেক্তশিংদা য়ু.এস.এ.গী মহুৎ শিন্নবগী হক পাইরি।