ভারতকী প্রধানমন্ত্রী

প্রধান মন্ত্রী শ্রী নরেন্দ্র মোদীনা লুচীংবা কেন্দ্রগী মন্ত্রীমন্দলনা নেস্নেল ইন্সতিত্যুৎ ওফ দিজাইন (এন.আই.দি.) এক্ত, ২০১৪গী মনুংদা ইন্সতিত্যুৎ মরি – নেস্নেল ইন্সতিত্যুৎ ওফ দিজাইন, অমরাবতী/বিজয়ৱারা, আন্ধ্রা প্রদেশ, নেস্নেল ইন্সতিত্যুৎ ওফ দিজাইন, ভোপাল, মধ্য মপ্রদেশ, নেস্নেল ইন্সতিত্যুৎ ওফ দিজাইন, জোরহাত, অসম অমসুং নেস্নেল ইন্সতিত্যুৎ ওফ দিজাইন, কুরুক্ষেত্র, হরিয়ানা অসি পুশিল্লক্নবা অমসুং নেস্নেল ইন্সতিত্যুৎ ওফ দিজাইন, অহমদবাদকুম্না ইন্সতিত্যুৎ ওফ নেস্নেল ইম্পোর্ৎতেন্স (আই.এন.আই) হায়বদি জাতিগী থাক্তা পুখৎনবা এন.আই.দি. এক্ত ২০১৪ শেমদোক্নবা সংসদতা বিল অমা পুথোকপদা অয়াবা পীখ্রে। এক্ত শেমদোক্নবগী পুখৎলক্লিবা ৱাফম অসিদা এন.আই.দি. বিজয়ৱারাবু এন.আই.দি. অমরাবতী হায়না মমিং হোংদোকপা য়াওরি। লোইননা, বিল অসিদা প্রিন্সিপল দিজাইনরগী ফম অসি প্রেফেসরগা থাক মন্নহন্নবগী ৱাফমসু য়াওরি।

লৈবাক অসিগী তোঙান তোঙানবা মফমশিংদা অনৌবা নেস্নেল ইন্সতিত্যুৎ ওফ দিজাইন লিংখৎপা অসি নেস্নেল ইম্পোর্তেন্স অমগুম্না পাংথোকপা অসিনা দিজাইনগী লমদা অদুক্কী মতিক স্কিল মেনপাৱর পুথোকপদা মতেং ওইরগনি। মসিদগী ক্রাফ, হেন্দলুম, রুরেল তেক্নোলোজী, স্মোল, মেদিয়ম অমসুং লার্জ স্কেল ইন্তর্প্রাইজশিংগীদমক্তা তুং কোইবা দিজাইনগী পাম্বৈশিং ফংহন্দুনা হকথেংনবা অমদি নাকোইনবা মওংদা থবক পীবগী খুদোংচাবা ফংহল্লগনি। লোইননা মসিনা মরম ওইদুনা কেপাসিতী, কেপাবিলিতী অমসুং ইন্সতিত্যুস্নেল বিল্দিংগীদমক্তা তোঙান তোঙানবা থবক–থৌরমশিংদসু মপাঙ্গল হাপ্লগনি।