ভারতকী প্রধানমন্ত্রী
ভারতকী রাস্ত্রপতিনা জস্তিস রঞ্জন গোগোইবু ভারতকী মথংগী চীফ জস্তিস ওইনা হাপখ্রে। মহাক হৌজিক্কী চীফ জস্তিস, জস্তিস দীপক মিশ্রানা থবক্তগী পোৎথারবা মতুং, ওক্তোবর ৩, ২০১৮দগী ওফিস পাইবা হৌগনি।
নবেম্বর ১৮, ১৯৫৪দা পোকখিবা জস্তিস গোগোই ১৯৭৮দা উকিল অমা ওইনা মিং চনখি। মহাক্না গৌহাতী হাই কোর্ত্তা কন্সতিত্যুস্নেল, তেক্সেসন অমসুং কম্পেনীগী মতাংদা প্রাক্তিস তৌখি। মহাক ফেব্রুৱারী ২৮, ২০০১দা গৌহাতী হাই কোর্তকী পার্মানেন্ত জজ ওইনা খনখি। সেপ্তেম্বর ৯, ২০১০দা মহাক পঞ্জাব অমসুং হরিয়ানা হাই কোর্ত্তা ত্রান্সফর তৌখি। মহাক ফেব্রুৱারী ১২, ২০১১দা পঞ্জাব অমসুং হরিয়ানা হাই কোর্তকী চীফ দস্তিস ওইনা খনখি। এপ্রিল ২৩, ২০১২দা মহাক ভারতকী সুপ্রীম কোর্তকী জজ ওইনা খনখি।
