ପିଏମଇଣ୍ଡିଆ
ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ଆଜି ଛତିଶଗଡ଼ ଗସ୍ତ କରିଛନ୍ତି । ଜାଞ୍ଜଗୀର-ଚମ୍ପାଠାରେ ସେ ଏକ ପାରମ୍ପରିକ ହସ୍ତତନ୍ତ ଏବଂ କୃଷି ପ୍ରଦର୍ଶନୀ ପରିଦର୍ଶନ କରିଥିଲେ । ସେ ଜାତୀୟ ରାଜପଥ ପ୍ରକଳ୍ପ ଏବଂ ପେଣ୍ଡ୍ରା-ଅନୁପ୍ପୁର ତୃତୀୟ ରେଳଲାଇନ ପାଇଁ ଭିତ୍ତିପ୍ରସ୍ତର ସ୍ଥାପନ କରିଥିଲେ । କେନ୍ଦ୍ର ଏବଂ ରାଜ୍ୟ ସରକାରଙ୍କ ବିଭିନ୍ନ କଲ୍ୟାଣମୂଳକ ଯୋଜନାର ହିତାଧିକାରୀମାନଙ୍କୁ ମଧ୍ୟ ପ୍ରଧାନମନ୍ତ୍ରୀ ପ୍ରମାଣପତ୍ର ବଣ୍ଟନ କରିଥିଲେ ।
ପ୍ରଧାନମନ୍ତ୍ରୀ ବିଶାଳ କିସାନ ସମ୍ମେଳନରେ ଉଦବୋଧନ ଦେଇ ପୂର୍ବତନ ପ୍ରଧାନମନ୍ତ୍ରୀ ଶ୍ରୀ ଅଟଳ ବିହାରୀ ବାଜପେୟୀଙ୍କ ସ୍ମୃତିଚାରଣ କରିଥିଲେ, ଯିଏକି ତିନୋଟି ରାଜ୍ୟ-ଉତ୍ତରାଖଣ୍ଡ, ଝାଡ଼ଖଣ୍ଡ ଏବଂ ଛତିଶଗଡ଼ ସୃଷ୍ଟି କରିଥିଲେ । ତାଙ୍କର ଦୂରଦୃଷ୍ଟି କାରଣରୁ ଏହି ରାଜ୍ୟଗୁଡ଼ିକ ଏବେ ଦ୍ରୁତଗତିରେ ବିକାଶ ଲାଭ କରୁଛି ବୋଲି ପ୍ରଧାନମନ୍ତ୍ରୀ କହିଥିଲେ ।
ପ୍ରଧାନମନ୍ତ୍ରୀ ଦୋହରାଇଥିଲେ ଯେ କେନ୍ଦ୍ର ସରକାର ବିକାଶ ପ୍ରତି ସମର୍ପିତ ଏବଂ ଲୋକମାନଙ୍କ ଆଶା ପୂରଣ କରିବାକୁ ଚାହାନ୍ତି । ଆମେ ଲୋକମାନଙ୍କ ସହଜ ଜୀବନଧାରଣକୁ ସମ୍ପ୍ରସାରିତ କରିବାକୁ ଚାହୁଁଛୁ ବୋଲି ପ୍ରଧାନମନ୍ତ୍ରୀ କହିଥିଲେ ।
ଶ୍ରୀ ନରେନ୍ଦ୍ର ମୋଦୀ କହିଥିଲେ ଯେ ଭୋଟ ବ୍ୟାଙ୍କ ପାଇଁ କିମ୍ବା ନିର୍ବାଚନ ଜିତିବା ଲାଗି ଯୋଜନା ପ୍ରଣୟନ କରିବାରେ ସରକାର ବିଶ୍ୱାସ କରନ୍ତି ନାହିଁ । ସେ କହିଥିଲେ ଯେ ଏକ ନୂଆ ଏବଂ ଆଧୁନିକ ଛତିଶଗଡ଼ ନିର୍ମାଣ ପାଇଁ ଲକ୍ଷ୍ୟ ରହିଛି ।
ଆମେ ସବକା ସାଥ, ସବକା ବିକାଶ ଲକ୍ଷ୍ୟ ନେଇ ଆଗକୁ ବଢ଼ୁଛୁ ବୋଲି ପ୍ରଧାନମନ୍ତ୍ରୀ କହିଥିଲେ । ସେ ଆହୁରି କହିଥିଲେ ଯେ କେନ୍ଦ୍ର ସରକାର ମୂଲ୍ୟ ସମ୍ବର୍ଦ୍ଧନ ଜରିଆରେ କୃଷକମାନଙ୍କ ପାଇଁ ଲାଭ ସୁନିଶ୍ଚିତ କରିବା ଦିଗରେ କଠିନ ପରିଶ୍ରମ କରୁଛନ୍ତି । ପ୍ରଧାନମନ୍ତ୍ରୀ କିସାନ ସମ୍ପଦା ଯୋଜନା କୃଷକମାନଙ୍କୁ ଏହି ଅଭିଯାନ ଦିଗରେ ସହାୟକ ହେଉଛି ବୋଲି ସେ କହିଥିଲେ । ପ୍ରଯୁକ୍ତିଭିତ୍ତିକ ହସ୍ତକ୍ଷେପ ଜରିଆରେ କୃଷକମାନଙ୍କ କଲ୍ୟାଣ ସୁନିଶ୍ଚିତ କରାଯାଉଛି ବୋଲି ପ୍ରଧାନମନ୍ତ୍ରୀ କହିଥିଲେ । ସେ ଆହୁରି କହିଥିଲେ ଯେ ମୃତ୍ତିକା ସ୍ୱାସ୍ଥ୍ୟ କାର୍ଡ ଏବଂ ଫସଲ ବୀମା ଯୋଜନା ଭଳି ପଦକ୍ଷେପ ବ୍ୟାପକ ଭାବେ କୃଷକଙ୍କୁ ଲାଭାନ୍ୱିତ କରୁଛି ।
ପ୍ରଧାନମନ୍ତ୍ରୀ କହିଥିଲେ ଯେ ଏପରି ଏକ ସମୟ ଥିଲା ଯେତେବେଳେ ଖୁବ କମ ଲୋକ କଲ୍ୟାଣମୂଳକ ଯୋଜନାର ଲାଭ ପାଉଥିଲେ ଏବଂ ଦୁର୍ନୀତି ତଥା ଭ୍ରଷ୍ଟାଚାର ପ୍ରଶାସନିକ ବ୍ୟବସ୍ଥାକୁ ଧ୍ୱସ୍ତ କରିଦେଇଥିଲା । ଆମେ ସମସ୍ତଙ୍କ ବିକାଶ ପ୍ରତି ସମର୍ପିତ ବୋଲି ପ୍ରଧାନମନ୍ତ୍ରୀ ଦୋହରାଇଥିଲେ । 2022 ସୁଦ୍ଧା କେନ୍ଦ୍ର ସରକାର ପ୍ରତ୍ୟେକ ବ୍ୟକ୍ତିର ମୁଣ୍ଡ ଉପରେ ଛାତ ସୁନିଶ୍ଚିତ କରିବାକୁ ଚାହୁଁଛନ୍ତି ।
ପ୍ରଧାନମନ୍ତ୍ରୀ କହିଥିଲେ ଯେ ଶୌଚାଳୟ ନିର୍ମାଣ କାର୍ଯ୍ୟକୁ ଅଭିଯାନ ଆଧାରରେ ହାତକୁ ନିଆଯାଇଛି । ଉଜ୍ଜ୍ୱଳା ଯୋଜନାରେ ଗରିବମାନଙ୍କୁ ରନ୍ଧନ ଗ୍ୟାସ ସଂଯୋଗ ଦିଆଯାଉଛି ଏବଂ ବର୍ତ୍ତମାନ ସୌଭାଗ୍ୟ ଯୋଜନା ଅଧୀନରେ ପ୍ରତିଟି ଘରକୁ ବିଦ୍ୟୁତ ସଂଯୋଗ ସୁନିଶ୍ଚିତ କରାଯାଉଛି ବୋଲି ସେ ଉଲ୍ଲେଖ କରିଥିଲେ ।
**********
We do not believe in making schemes for a vote-bank or schemes to win elections.
— PMO India (@PMOIndia) September 22, 2018
We want to create a new, modern Chhattisgarh.
We are moving ahead with the mission of Sabka Saath, Sabka Vikas: PM
We are working hard to ensure that farmers benefit through value addition.
— PMO India (@PMOIndia) September 22, 2018
Pradhan Mantri Kisan Sampada Yojana is helping farmers in this mission: PM
Addressed a massive public meeting in @JanjgirDist. Talked at length about the efforts of the Central Government and the Chhattisgarh Government towards the welfare of the state’s farmers, youth and poor. Here is my speech. https://t.co/6zgmUzyzQI pic.twitter.com/LxwWfy1QG1
— Narendra Modi (@narendramodi) September 22, 2018
