ভারতকী প্রধানমন্ত্রী

প্রধান মন্ত্রী নরেন্দ্র মোদীনা লুচিংবা কেন্দ্রগী মন্ত্রী মন্দলনা নেস্নেল দিজিতেল কম্যুনিকেসন্স পোলিসী-২০১৮ (এন দি সি পি-২০১৮) অয়াবা পীরে অমসুং তেলিকোম কম্মিসন অসি ‘দিজিতেল কম্যুনিকেসন্স কম্মিসন’ হায়না নৌনা শেমদোকলে।

কান্নবা: 

এন দি সি পি-২০১৮না ভারতনা দিজিতেলগী মতেংনা অচৌবা ইকনোমী অমা শেমগৎপদা মতেং পাংগনি অমসুং নাগরিকশিংগী ই-পাউ ফাউদোক-ফাউজিনগী দরকার ওইবশিং ফংহনগনি অমসুং অহোংবা মমলদা অফবা দিজিতেল কম্যুনিকেসনগী মচাকশিং অমসুং থবকশিং ফংহনবা ঙমগনি।

কস্তমরদা মীৎয়েং থম্বা অমসুং থবক ওইনা পাংথোক্কদবা এন দি সি পি-২০১৮না অনৌবা ৱাখল্লোনশিং অমসুং থবকশিং পায়খৎকনি, অনৌবা তেক্নোলোজীশিং হায়বদি ৫-জি, আই ও তি, এম ২ এম হৌদোক্লবা মতুংদা ভারতকী তেলিকোম সেক্তরদা অওনবা লাক্কনি।

পান্দমশিং: 

থৌশিল অসিগী মরুওইবা পান্দমশিংদি: 

1. মীপুম খুদিংমক্কী ব্রোদবেন্দ;
2. দিজিতেল কম্যুনিকেসন সেক্তরদা অহেনবা থবক মিলিয়ন ৪ ফংহনবা;
3. ২০১৭তা ভারতকী জি দি পিদা দিজিতেল কম্যুনিকেসন সেক্তরনা চাদা ৬তগী চাদা ৮ ফাউবা মতেং পাংবা হেনগৎহনবা;
4. ২০১৭তা আই তি য়ুগী আই সি তি দিবলপমেন্ত ইন্দেক্সতা ১৩৪দা লৈরিবা অসিদগী ভারত অসি মকোক থোংবা লৈবাক ৫০গী মনুংদা লৈহনবা;
5. গ্লোবেল ভেলু চেনদা ভারতকী মতেং হেনগৎহনবা; অমসুং
6. দিজিতেলগী মনীংতম্বা ফংহনবা ।

২০২২দা ফংগদবা পান্দমশিং: 

থৌশিল অসিনা পান্দম থম্লিবশিং: 

• নাগরিক খুদিংমক্তা ৫০ এম বি পি এসকী ব্রোদবেন্দ কন্নেক্সন ফংহনবা;
• ২০২০ ফাউবদা গ্রাম পঞ্চায়ত খুদিংমক্তা ১ জিবিপিএসকী কন্নেক্সন পীবা অমসুং ২০২২ ফাউবদা ১০ জিবিপিএস য়ৌহনবা;
• থুংদ্রিবা মফমশিংদা কন্নেক্সন য়ৌহনবা;
• দিজিতেল কম্যুনিকেসন্স সেক্তরদা য়ু এস দোল্লর বিলিয়ন ১০০গী শেন থাদহনবা;
• অনৌবা মতমগী স্কিল লৈহন্নবা মীওই মিলিয়ন ১ ত্রেনীং পীবা;
• দিভাইস বিলিয়ন ৫ দা আই ও তি ফংহনবা;
• লনাই মীওইশিংগী অরোন-অথুপ অমসুং মনীং তম্বা ঙাক্নবা দিজিতেল কম্যুনিকেসনগী দেতা ঙাক-শেন্নবগী থৌশিল অমা শেমগৎপা;
• মালেমগী দিজিতেল ইকনোমীদা ভারতনা মপুং ফানা শরুক য়াহনবা;
• নাগরিকশিং অশোয়-অঙাম থোক্তনবা মরম চানা থবক পায়খৎপা; অমসুং
• দিজিতেল কম্যুনিকেসনগী মচাকশিং অমসুং থবকশিং ফংহনবা।

লাল্লোংশিং: 

থৌশিল অসিনা পাম্লিবদি: 

1. নেস্নেল ফাইবর ওথোরিতী অমা শেমদুনা নেস্নেল দিজিতেল গ্রিদ অমা লিংখৎপা;
2. অনৌবা শহরশিং অমসুং হায়ৱে প্রোজেক্তশিংদা কম্মন সর্বিস দকশিং শেমগৎপা;
3. কেন্দ্র, রাজ্যশিং অমসুং লোকেল বোদীশিংগী মরক্তা পুন্না থবক তৌমিন্ননবা থৌরাং পুথোকপা;
4. থবক পায়খৎপদা লাকপা অথিংবশিং লৌথোকপা;  অমসুং
5. ওপন এসেস নেক্স জেনরেসন নেতৱার্কশিং শেগৎপা।

নুংগী ৱারোল: 

হৌজিক্কী মালেম অসিদা তেলিকোম সেক্তরদা ৫-জি, আইওতি, এম ২ এমগী অনৌবা তেক্নোলোজীশিং লাক্লবা মতম অমসিদা ভারতকী তেলিকোম সেক্তরদা কস্তমরদা মীৎয়েং থম্বা অমসুং থবক ওইনা পাংথোক্কদবা থৌশিলদা মীৎয়েং থম্বা মথৌ তাই। মসিনা নৌনা থোরকলিবা খুদোংচাবশিং পাকথোক-চাউথোকহনবদা নত্তনা দিজিতেল ইন্দিয়াগী য়ুম্বী ওইরিবা তেলিকোমগী থবকশিং শেমগৎপা ঙমগনি।

মরম অসিনা অনৌবা নেস্নেল দিজিতেল কম্যুনিকেসন পোলিসী-২০১৮ অসি হৌজিক চৎনরিবা নেস্নেল তেলিকোম পোলিসী-২০১২গী মহুৎ শিন্দুনা শেমখিবনি, মসিনা ভারতকী অনৌবা মতমগী দিজিতেল কম্যুনিকেসন সেক্তরগী অৱাৎপশিং মেনখৎপা ঙমগনি।