ভারতকী প্রধানমন্ত্রী

প্রধান মন্ত্রী নরেন্দ্র মোদীনা লুচিংবা কেন্দ্রগী মন্ত্রীমন্দলনা পুন্না কিলোমিতর ২৭.৮৭ শাংবা কোরিদোর অনি (১)কিলোমিতর ১৪.৯৯ শাংবা কারোন্দ সার্কলদগী এ আই আই এম এস ফাউবা (২) কিলোমিতর ১২.৮৮ শাংবা বাদবাদা ইসক্বারদগী রতনাগিরিতিরাহা ফাউবগী ভোপাল সহরগী মরুওইবা মফমশিং শম্নগদবা ভোপাল মেত্রো রেল প্রোজেক থবক ওইনা পায়খৎপা য়াবা পীরে ।
অকুপ্পা ৱারোলশিং :
1. কারোন্দদগী এ আই আই এম এস ফাউবগী অশাংবা অসি কিলোমিতর ১৪.৯৯নি অমসুং অয়াম্বা শরুক অৱাংবা শরুকনি অমসুং ভোপাল রেলৱে স্তেসন অমসুং বস স্তেসন ময়াদা লৈনুংদা লৈগনি অমসুং মথক্তা স্তেসন ১৪ অমসুং লৈনুংদা স্তেসন ২ য়াউনা পুন্না স্তেসন ১৬ লৈগনি ।
2. বাদবাদা-রতনাগিরিতিরাহাগী অশাংবা অসি কিলোমিতর ১২.৮৮নি অমসুং মথক্তা ঙাক্তা স্তেসন ১৪ লৈগনি ।
3. প্রোজেক অসিনা সহর অসিদা অহোংবা, মতম চাবা, অশোয়-অঙাম থোক্লোইদবা চৎথোক-চৎশিনগী খুদোংচাবা ফংহনগনি অমসুং খুদোংথিবা, নুংশিৎ মোৎপা, চৎপগী মতম, ইনর্জি মাংহনবা অমসুং খুন্নাইনা য়াদবা থবকশিং হন্থহনগনি অমসুং সহর পাকথোকপা অমসুং লম শীজিন্নবা নিয়ম চুম্না পাংথোকতুনা তুংকোইনা চৎনগদবা মওংদা চাউখৎহনগনি ।
4. প্রোজেক অসিগী চংগদবা শেনফম্না লুপা ক্রোর ৬৯৪১.৪০নি অমসুং প্রোজেক অসি চহি মরিগী মনুংদা লোইশিনগনি ।
কান্নবশিং :
মেত্রো রেল প্রোজেক অসিনা অপুনা মীশিং লাখ ২৩ লৈবা ভোপাল হকথেংননা নৎত্রগা নাকোইননা কান্নবা পীগনি। কোরিদোরশিং অসিদা রেলৱে স্তেসনশিং, বি আর তি এস স্তেসনশিং, বসশিংগী ফিদ্দর নেতৱার্কশিং, ইন্তরমিদিয়েত পব্লিক ত্রান্সপোর্ত(আই পি তি) অমসুং নন-মোতোরাইজ ত্রান্সপোর্ত(এন এম তি ) লৈগনি । প্রোজেক অসিনা রেন্তেল অমসুং এদভরতাইজমেন্তদগী নন-ফিয়র বোক্স রিভিনিউ লৈগনি অমসুং ত্রান্সিৎ ওরিয়েন্তেদ দিবলপমেন্ত(তি ও দি) অমসুং ত্রান্সফর ওফ দিবলপমেন্ত রাইতস(তি দি আর)গী খুৎথাংদা ভেলু কেপচর ফাইনান্সিং (ভি সি এফ) লৈগনি ।
মেত্রো রেল কোরিদোর অসিগী ময়াদা লৈবা য়ুমশিং প্রোজেক অসিগী কান্নবা ফংগনি অমসুং হায়রিবা মফমশিং অসিগী মীওইশিং সহর অসিগী মফম কয়াদা ত্রেনদা চৎপগী খুদোংচাবা ফংলগনি ।
কারোন্দদগী এ আই আই এম এস কোরিদোর অসি সহর ময়াই ফাউদুনা চেনগনি অমসুং মী লন্না তাবা মফমশিং বস স্তেসন, রেলৱে স্তেসন অমসুং এ আই আই এম এসকা শম্নগনি । বাদবাদাদগী রতানাগিরি কোরিদোর অসিনা স্মার্দ সিতি এরিয়া বেজ দিবলপমেন্তগা বি এফ আই ই এল অমসুং অকোয়বগী উদোক্কী মফমশিংগা শম্নগনি । মেত্রো অসিনা মীয়ামদা, লমকোয়বশিংদা অমসুং শিন্মীশিংদা খুদোংচাবা পীগনি ।
খুমাংচাউশিনবা :
• প্রোজেক অসি থবক ওইনা পায়খৎনবা মৈধ্য প্রদেস মেত্রো রেল কো লিমিতেদ(এম পি এম আর সি এল) কৌবা এস পি ৱাই অমা শেম্লে ।
• ভোপাল মেত্রো রেল প্রোজেক্কী শেনফম অসি কেন্দ্র সরকার অমসুং মৈধ্য প্রদেস সরকার অনিনা চাং মান্না পুথোক্কনি অমসুং শরুক খরনা লোন ওইনা য়ুরোপিয়ান ইনভেসমেন্ত বেঙ্ক(ই আই বি)না পুথোক্কনি ।
• দি বি ইন্জিনিয়ারিং এন্দ কন্সলতিংগা লোয়ননা লুইজ বরজর এস এ এস অমসুং জিওদেতা ইন্জিনিয়ারিং এস পি এ অসি ভোপাল মেত্রো রেল প্রোজেক্কী কন্সলতেন্ত ওইনা হাপ্লে ।
• অহানবা সিবিল ৱার্ক হৌনবা তেন্দর কৌরে অমসুং অথুবা মতমদা থবক হৌরগনি ।