ভারতকী প্রধানমন্ত্রী
২০১৮, ওক্তোবর ৯দা প্রধান মন্ত্রী শ্রী নরেন্দ্র মোদী শমপ্লাগা লোয়ননা রোহতক্তা চৎকনি।
মহাক্না দিনবন্ধু সর ছোতু রামগী মীতম মাইখুম হাংদোক্কনি। সর ছোতু রাম অসি চোকথবা নাইদনা লৌমীশিং অমসুং শোৎথরবা কাংবুগী য়াইফনবা থবক তৌবীরম্বা শক্নাইরবা লুচীংবা অমনি। মহাক্না লাইরিক লাইশু তম্বা অমসুং অতোপ্পা খুন্নাইগী থবক কয়া তৌরমখি।
মীয়ামগী মীফম অমদা, প্রধান মন্ত্রীনা সোনেপত্তা রেল কোচ রিফরবিশিং কারখানা শানবগী উরেপ-উয়ুং তমগনি। মসি শাবা লোইরবা মতুংদা অৱাং থংবা লমদমদা রেল কোচশিং শেমজিনবগী মরুওইবা মফম অমা ওইরগনি। মসি প্রিফেব্রিকেতেদ কন্সত্রক্সন তেক্নিকশিং, অনৌবা মেছিনশিং অমসুং অকোয়বগী ফিবম কাইহন্দবা মওংদা পায়খৎকদবনি।
