ভারতকী প্রধানমন্ত্রী

ইং ২০১৮গী ওক্তোবর ৩১দা গুজরাতকী কেভাদিয়াদা প্রধান মন্ত্রী শ্রী নরেন্দ্র মোদীনা মালেমদা খ্বাইদগী ৱাংবা মীতম “অপুনবগী মীতম” লৈবাক্কী মীয়ামদা কৎথোক্লগনি ।

গুজরাতকী নরমাদা জিলাগী কেভাদিয়াদা লৈবা মিতর ১৮২ ৱাংবা সারদার ভাল্লবভাই পতেলগী মীতম অসি মহাক্কী মপোক নুমিৎতা লৈবাক্কী মীয়ামদা কৎথোক্কনি ।

হৌদোকপা থৌরমদা, প্রধান মন্ত্রী অমসুং অতৈ শক্নাইরবশিংনা মীতম অদু মীয়াম কৎথোকপা ওইনা কালাসতা লৈবাক–লৈহাউ অমসুং নরমাদাগী ঈশিং হৈথগনি । মীতম অদু মমিংগী হৌদোকপা ওইনা প্রধান মন্ত্রীনা লেভর অমা নমগনি ।

মীয়ামদা প্রধান মন্ত্রীনা ৱা ঙাংগনি ।

মহাক্না ৱাল ওফ য়ুনিতিদা চৎতুনা মদু শঙ্গাগনি । অপুনবগী মীতম অদুগী মখোঙদা প্রধান মন্ত্রীনা অখন্নবা লাইশোন থৌরম অমা পাংথোক্কনি । মহাক্না মিউজম অমসুং একজিবিসন অমসুং গেল্লরি  য়েংগনি । মিতর ১৫৩ ৱাংবা গেল্লরি অসি মতম অমদা মীওই ২০০ ফাউবা য়েংবা য়াগনি । মসিদগী  সারদার সরোভর দাম,মসিগী রিজার্বর অমসুং সাতপুরা অমসুং বিনধ্য চিংশাং পরেংশিং উবা ফংগনি ।

কৎথোকপগী থৌরম অদুগী মরক্তা  এ আই এফকী এয়রক্রাফশিং পাইগনি অমসুং কলচরেল ত্রুপশিং থৌরমশিং উৎকনি ।