ভারতকী প্রধানমন্ত্রী

প্রধান মন্ত্রী নরেন্দ্র মোদীনা লুচীংবা কেন্দ্রগী মন্ত্রীমন্দলনা মখাগীশিং অসি অয়াবা পীরে:

i. পব্লিক প্রাইবেৎ পার্তনরশিপ এপ্রাইজেল কম্মিতি (পি পি পি এ সি)গী খুৎথাংদা পব্লিক প্রাইবেৎ পার্তনরসিপ(পি পি পি)গী মখাদা এ এ আইগী এয়রপোর্ত তরুক হায়বদি, অহমদেবাদ, জয়পুর, লখনৌ, গুৱাহাতী, তিরুবন্তপুরম অমসুং মেঙ্গলুরু এয়রপোর্তশিং মথৌ তৌনবা, শিন-লাংবা অমসুং শেমগৎনবগী লীজ পীবা ইন-প্রিন্সিপল ওইনা য়ারে।

ii. পি পি পি এ সি অসিগী পান্দমগী ৱাংমদা লাকপা থবক খুদিংমক য়েংশিন্নবা নিতি অয়োগকী সি ই ও, সিবিল এভিয়েসনগী সেক্রেতরী, ইকনোমিক এফিয়র্সকী সেক্রেতরী অমসুং এক্সপেন্দিচর দিপার্তমেন্তগী সেক্রেতরীনা লুচীংবা শক্তি লৈরবা সেক্রেতরীশিংগী গ্রুপ অমা শেম্লে।

কান্নবশিং :

1. ইনফ্রস্ত্রকচর প্রোজেক্তশিংদা পি পি পি ওইনা পায়খৎপা অসিনা থবক মতম চানা লোইশিনবা অমসুং মগুন লৈনবা থবক তৌবগী মথক্তা পব্লিক সেক্তরদা শেন থাদবা ঙমহল্লি।

2. এয়রপোর্তশিং শেমগৎপগী থবকশিংদা পি পি পি ওইনা চৎথবা অসিনা মালেমগী থাক্কী ইনফ্রাস্ত্রকচরশিং এয়রপোর্তশিংদা ফংহল্লি, মতম চাবা অমসুং অফবা থবকশিং পেসেঞ্জরশিংদা ফংহল্লি, শেল হেন্না থাদবনা এয়রপোর্ত ওথোরিতী ওফ ইন্দিয়াগী অহেনবা শেন ফংবা ঙমহল্লি। হায়রিবা এয়রপোর্তশিং অসিগী মনুংদা হায়দ্রবাদ অমসুং বেঙ্গলুরুদি গ্রিনফিল্দ এয়রপোর্তশিংনি। হৌজিক পি পি পি ওইনা থবক তৌরিবা এয়রপোর্তশিংগী মনুংদা দিল্লী, মুম্বাই, বেঙ্গলুরু, হায়দ্রবাদ অমসুং কোচিন য়াওরি।

3. এয়রপোর্ত সর্বিস ক্বালিতী(এ এস ক্যু)গী মতাংদা এয়রপোর্তস কাউন্সিল ইন্তর্নেসনেল(এ সি আই)গী মতুংইন্নবা ভারতকী পি পি পি এয়রপোর্তশিং মকোক থোংবা মঙাগী মনুংদা য়াওরি।

4. হায়রিবা পি পি পিগী চাংয়েংশিং অসিনা এয়রপোর্তশিং মালেমগী থাক্তা শেমগৎপদা মতেং পাংলি, মসিনা এ এ আইগী রেভিন্যু হেনগৎহনবদা মতেং পাংলি অমসুং লৈবাক্কী মফম অতৈদা এয়রপোর্তশিং শেমগৎপা অমসুং এয়র নেভিকেসনগী মচাকশিং শেমগৎপদা মতেং পাংলি।

নুংগী ৱারোল :

লৈবাক মনুংগী অমসুং মালেমগী ওইনা নোংথক্কী চৎথোক-চৎশিন অসি ভারত্তা হেনগৎলকপদগী এয়রপোর্ত অয়াম্বা চিনবা হেনগৎলক্লে অমসুং এয়রপোর্তশিংদা চৎথোক-চৎশিন চাদা ৫ হেনগৎলকপদগী হৌখিবা চহি ১০ অসিদগী মালেমগী ওপরেতরশিং অমসুং শেন থাদবা মীওইশিংগী পুক্নিং চীংশিল্লে। ইনফ্রাস্ত্রকচর সেক্তরদা এয়রপোর্ত অসি মালেমগী শেন থাদবশিংনা খ্বাইদগী পাম্নবা সেক্তর অমা ওইরি। মালেমগী ওপরেতরশিং অমসুং শেন থাদবশিংনা পেসেঞ্জর মিলিয়ন ৩-৪দগী হেন্না চনবা এয়রপোর্তশিং পাকথোক-চাউথোকপগী থবকশিংদা হেন্নবা পাম্লি। পি পি পিগী মখাদা এয়রপোর্ত সেক্তর অসি ফোরেন দাইরেক ইনভেসমেন্ত লাক্নবগী খুদোংচাবা অমা পীরি।

মরম অদুনা এ এ আইগী এয়রপোর্ত তরুক হায়বদি অহমদবাদ, জয়পুর, লখনৌ, গুৱাহাতী, তিরুবন্তপুরম অমসুং মেঙ্গলুরু এয়রপোর্তশিং অহানবা তাঙ্কক্কী ওইনা শেমগৎপা, থবক তৌবা অমসুং অশিন-অরাং তৌবদা সরকারনা য়ারে। মসিনা এ এ আইগী রেভিন্যু হেনগৎহনগনি অমসুং থবক ফংহনবা অমসুং মরি লৈনবা ইনফ্রাস্ত্রকচর শেমগৎপগী খুদোংচাবা পীরগনি।