ভারতকী প্রধানমন্ত্রী
চাউখৎ–থৌরাংগীদমক স্পেস তেক্নোলোজী শান্তি ওইনা শীজিন্ননবা ভারত অমসুং তাজকিস্থানগী মরক্তা মতেং পীননবা এম ও য়ু তৌনবা প্রধান মন্ত্রী নরেন্দ্র মোদীনা লুচীংবা কেন্দ্রগী মন্ত্রীমন্দলনা অয়াবা পীরে। এম ও য়ু অদু ২০১৮গী ওক্তোবর ৮দা তাজকিস্থানগী দুসানবেদা খুৎয়েক পীনখিবনি।
অকুপ্পশিং:
অচৌবা ইথিল :
খুৎয়েক পীনখ্রবা এম ও য়ু অসিনা পৃথিবীগী রিমোত সেন্সিং, সেতিলাইত নেভিকেসন, স্পেস সাইন্স, প্লানেত থিবগী লমদা অনৌবা থবক কয়া পায়খৎপদা মতেং ওইগনি।
কান্নবশিং:
এম ও য়ু অসিনা মীওইবা খুন্নাইগী য়াইফনবা স্পেস তেক্নোলোজীশিং শীজিন্নবদা পুন্না থবক পায়খৎমিন্নবা ঙমহনগনি। মসিনা থবক ওইনা পায়খৎনবা অকক্নবা মতম অমা লেপথোকপা য়াওনা তৌগদবা থবকশিং থৌরাং তৌবা ঙমহনগনি অমসুং মসিগী য়ানচে অসিগী প্রোবিসনশিং থবক ওইনা পায়খৎহনগনি।
নুংগীৱারোল :
স্পেস তেক্নোলোজীগী লমদা মতেং পীননবা তাজকিস্থান্না পুখৎলকপা ৱাফমশিং অমুক হন্না য়েংশিনবদা , তাজকিস্থান্না মসিগী ওফিসিয়েলশিং লম শীজিন্নবা, লৌউ-শিংউগী মেনেজমেন্ত অমসুং দিজাস্তর মেনেজমেন্তগী লমদা ত্রেনিং পীবা পাম্লি। এম ই এগী আই তি ই সি প্রোগ্রামগী মখাদা ২০১৭গী জুলাই-দিশেম্বর ফাওবগী মনুংদা তাজকিস্থানগী ওফিসিয়েল ৬০(বেতচ ৩) ইসরোগী ইন্দিয়ান ইন্সিতিতুৎ ওফ রিমোত সেন্সিং(এম আর এস)না অতেনবা মতমগী ত্রেনিং পীখ্রে।
চৈরক অসিদা , তাজকিস্থানদা লৈবা ভারতকী এম্বেসেতর অমসুং এম ই এগী জোইন্ত সেক্রেতরি (য়ুরেসিয়া)না তাজকিস্থানগা স্পেসগী লমদা মতেং পীনবগী এম ও য়ু অসি থবক ওইনা হৌনবা খঙহনখি অমসুং ২০১৬গী নবেম্বরদা তাজকিস্থানদা লৈবা ভারতকী মিসন্না স্পেসগী মতেং পীনবগী দ্রাফ তৌরবা এম ও য়ু অদু ফংখি। নাকল অনিমক্না সরকারশিংগী মরক্কী এম ও য়ু অদু য়ানখি অমসুং মদু খুৎয়েক পীনখি অমসুং ভারতকী প্রসিদেন্দনা তাজকিস্থানদা চৎপদা খুৎশীন্নখি।
