ভারতকী প্রধানমন্ত্রী

প্রধান মন্ত্রী শ্রী নরেন্দ্র মোদীনা লুচীংবা কেন্দ্রগী মন্ত্রীমন্দলনা ঙসি কশেলগী ঙাক–শেল অমসুং নাদ–য়েক্তনা লৈনবগী মতাংদা ভারত অমসুং জাপান সরকারগী কনগৱা প্রিফেকচরেলগী মরক্তা তৌনবা য়ান–চেরোলদা অয়াবা পীখ্রে।

থবক পাইখৎপগী লাল্লোং অমসুং পান্দমশিং:

খুৎয়েক পীনরবা য়ানচেরোলগী কোপী ফংলবা মতুংদা নাকল অনিমক্কী থবক–থৌরম পাংথোকপা হৌগনি। লৈবাক অনিনা হৌগদৌরিবা থবকশিং অদু য়ানচেরোল অদুগী মনুং চন্না পাংথোক্কনি। য়ানচেরোল অসিগী মতম লোইদ্রিফাওবা মসি মখা তানা চৎথখিগনি।

মরু ওইবা শাফুঃ

য়ানচেরোল অসিনা মমাংঙৈদগী চৎনরক্লবা হিদাক–লাংথক্কী লমদা লৈবাক অনিগী মরক্তা নাকল অনিগী ওইবা তেংবাং পীনবা হেনগৎল্লগনি। মসি লৈবাক অনিমক্কী ওইনা য়াম্না মরু ওই।

চংগদবা চাদিং:

মসিদা অহেনবা ফাইনান্সিয়েল ইমপ্লিকেসন অমত্তা য়াওদে। রিসর্স, ত্রেনিং, কনফ্রেন্সশিং/মীফমশিংগী অখঙ–অহৈ হাপ্পদা চংগদবা চাদিংশিং আয়ুশ মন্ত্রালয়গী বজেৎতগী পাংথোক্কনি।

য়ুম্ফমঃ

ভারত্তা মমাংঙৈদগী চৎনরক্লবা হিদাক–লাংথক্কী চৎন–কাংলোন লৈজৈ। গ্লোবেল হেল্থ সিনারিওদা মসিগী মপান নাইদ্রবা ওইথোকপশিং লৈরি। আয়ুশ মন্ত্রালয়না অসিগুম্বা থাইনদগী চৎনরক্লবা হিদাক–লাংথক্কী চৎন–কাংলোন অসিবু য়োকখৎনবা, শন্দোক্নবা অমসুং মসিবু মালেমগী থাক্তা পুখৎনবগীদমক মতিক চাবা খোংথাং পাইখৎলি। থাইনদগী চৎনরক্লবা হিদাক–লাংথক্কী চৎন–কাংলোন অসিদা তেংবাং পীননবগীদমক লৈবাক ১৪গা য়ানা চেরোল ইনখ্রে।

ভারত অমসুং জাপানগী মরক্তা লৈবাক অনিগী ওইবা মরি অসিগী লীরবা পুৱারি লৈরক্লি। মসিগী য়ুম্ফম অদুদি – ধর্মগী ওইবা নুংশিনবা লোইননা অচেৎপা চৎনবী–নাৎ অমসুং সিবিলাইজেসনগী মরি অসিনি। ভারত অমসুং জাপানগী মরক্তা পোলিতিকেল, শেনমিৎলোন, সাইন্সকা মরি লৈনবা অমসুং চৎনবী নাৎকী মরি অসি য়াম্না মরু ওই। অচেৎপা থাইনদগী চৎনরক্লবা হিদাক–লাংথক্কী কাংলোনগী মরুমদা জাপান্দা আয়ুর্বেদ অমসুং য়োগগী মাইকৈদা হৈনীংবা নোংম–নোংমগী হেনগৎলক্লি।