ভারতকী প্রধানমন্ত্রী
প্রধান মন্ত্রী শ্রী নরেন্দ্র মোদীনা লুচিংবা কেন্দ্রগী মন্ত্রীমন্দলনা য়াম্লবদা নুমীৎ তরেৎনিগী ওর্বিতেল পেরিওদ অমদগী হৌরগা মিসন মতম অমগীদমক অনেম্বা আর্থ ওর্বিৎতা ইন্দিয়ান হ্যুমেন স্পেসফ্লাইৎ কেপেবিলিতী উত্থোকপগা লোয়ননা গগনয়ান প্রোগ্রাম অয়াবা পীখ্রে। মীওইবনা চাং লেপ্পা জি.এস.এল.ভি. এম.কে-III অসি ওর্বিতেল মোদুল পুনবগীদমক শিজিন্নরগনি মদুনা মিসনগী মতম মনুংগীদমক মেম্বর ৩গী ক্রিয়ু অমা পুনবগীদমক মথৌ তাবা অদু ফংলগনি। গগনয়ান প্রোগ্রাম সপোর্ত তৌনবা ক্রিয়ু ত্রেনিং, ফ্লাইৎ সিস্তেমশিংগী রিয়েলাইজেসন অমসুং গ্রাউন্দ ইনফ্রাস্ত্রকচরগীদমক দরকার ওইবা ইনফ্রাস্ত্রকচর শেমগৎলগনি। ইসরোনা গগনয়ান প্রোগ্রাম ওবজেক্তিবশিং মপুং ফাহন্নবগীদমক নেস্নেল এজেন্সিশিং, লেবোরেতরীশিং, একাদেমীয়া অমসুং ইন্দস্ত্রীগা লোয়ননা থবক তৌমিন্নগনি।
চাদিং:
গগনয়ান প্রোগ্রামগীদমক দরকার ওইরিবা অপুনবা ফন্দ অসি লুপা কোতি ১০,০০০গী মনুংদা লৈ অমদি মসিদা তেক্নোলোজী দিবেলপমেন্ত, ফ্লাইৎ হার্দৱেয়র রিয়েলাইজেসন অমসুং মথৌতাবা ইনফ্রাস্ত্রকচর এলিমেন্তশিংগী মমল য়াওরি। গগনয়ান প্রোগ্রামগী শরুক ওইনা মী য়াওদবা ফ্লাইৎ অনি অমসুং মী য়াওবা ফ্লাইৎ অমা শিজিন্নগনি।
কানবশিং:
• গগনয়ান প্রোগ্রামনা ইসরো, একাদেমিয়া, ইন্দস্ত্রী, নেস্নেল এজেন্সীশিং অমসুং অতোপ্পা সাইন্তিফিক ওর্গনাইজেসনশিংগী মরক্তা পুন্না থবক তৌমিন্নবগীদমক পাক চাওরবা ফ্রেমৱার্ক অমা শেমগৎলগনি।
• মসিনা রিসর্সকী খুদোংচাবশিং অমসুং তেক্নোলোজী দিবেলপমেন্তদা চাওনা শরুক য়াবা ঙমহন্দুনা মশিং য়াম্লবা মহৈরোইশিং অমসুং রিসর্স তৌরিবশিংদা কানহল্লগনি।
• ফ্লাইৎ সিস্তেম রিয়েলাইজেসন অদু ইন্দস্ত্রীগী খুত্থাংদা পাংথোক্কনি।
• মসিনা এদভান্স তেক্নোলোজীশিংদা এমপ্লোইমেন্ত অমসুং ত্রেন হ্যুমেন রিসোর্সশিং জেনরেৎ তৌরগনি হায়না থাজবা থম্লি।
• মসিনা মশিং য়াম্লবা নহা ওইরিবা মহৈরোইশিংবু জাতিগী চাওখৎ থৌরাংগীদমক সাইন্স অমসুং তেক্নোলোজী কেরিয়রশিং খনবদা পুক্নিং থৌগৎলগনি।
• গগনয়ান প্রোগ্রাম অসি জাতি অসিনা হোৎনরিবা অমনি অমদি লৈবাক্কী মফম কয়াদা লৈরিবা ইন্দস্ত্রী, একাদেমিয়া অমসুং নেস্নেল এজেন্সীশিংনা শরুক য়াগনি।
খুৎশু খুৎলাইগী লালোং অমসুং পান্দমশিং:
গগনয়ান প্রোগ্রাম অসি ইসরোগা লোয়ননা স্তেক হোল্দর ওইনা ইন্দস্ত্রী, একাদেমীয়া, অমসুং অতোপ্পা সাইন্তিফিক এজেন্সীশিং অমদি লেবোরেতরিশিংগা লোয়ননা পুন্না থবক তৌমিন্নগদবা জাতি অসিনা হোৎনরিবা অমনি। ইসরোনা ইন্দস্ত্রীগী থোংদা ফ্লাইৎ হার্দৱেয়র রিয়েলাইজ তৌবগী থৌদাং লৌরি। ক্রিয়ু ত্রেনিং, হ্যুমেন লাইফ সাইন্স তেক্নোলোজী দিবেলপমেন্ত ইনিসিয়েতিবশিং লোয়ন লোয়ননা দিজাইন রিভ্যুশিংদা নেস্নেল এজেন্সীশিং, লেবোরেতরিশিং অমসুং একাদেমিয়ানা শরুক য়াগনি। অহানবা হ্যুমেন স্পেস ফ্লাইৎ দেমোন্সত্রেসন অসি সেঙ্কসন তৌখিবা তাংদগী থা ৪০গী মনুংদা লোইশিন্নবা পান্দম থম্লি।
থেংনরিবা:
• প্রোগ্রাম অসিনা সাইন্স অমসুং তেক্নোলোজী দোমেনশিংদা লৈবাক অসিগী মনুংদা রিসর্স অমসুং দিবেলপমেন্ত হেঙ্গৎহল্লগনি হায়না থাজবা থম্লি।
• মেদিসিন, এগ্রীকলচর, ইন্দস্ত্রীয়েল সেফতী, পোল্লুসন, ৱেস্ত মেনেজমেন্ত, ঈশিং অমসুং ফুদ রিসোর্স মেনেজমেন্ত অসিনচিংবা লমশিংদা তেক্নোলোজীগী মশা মরেংশিংগীদমক অচৌবা পোতেন্সিয়েল।
• হ্যুমেন স্পেসফ্লাইৎ প্রোগ্রামনা তুংগী তেক্নোলোজীশিংগীদমক চাংয়েংশিং পাংথোক্নবগীদমক স্পেসতা তোপ তোপ্পা মাইক্রো-গ্রেভিতী প্লেৎফোর্ম অমা ফংহল্লগনি।
• প্রোগ্রাম অসিনা লৈবাক মনুংদা এমপ্লোইমেন্ত জেনরেসন, হ্যুমেন রিসোর্স দিবেলপমেন্ত অমসুং ইন্দস্ত্রীয়েল কেপেবিলিতীশিং হেঙ্গৎহন্দুনা শেল থুমগী ফিভম ফগৎহল্লগনি হায়না থাজবা থম্লি।
• হ্যুমেন স্পেসফ্লাইৎ কেপেবিলিতীনা ভারতপু তুংদা গ্লোবেল স্পেস এক্সপ্লোরেসন ইনিসিয়েতিবশিংদা পুন্না চৎমিন্নবা পার্তনর অমগুম শরুক য়াবা ঙমহল্লগনি।
য়ুমফম:
ইসরোনা লোঞ্চ ভেহিকল জি.এস.এল.ভি. এম.কে-IIIগী দিবেলপমেন্ত মপুং ফানা লোইশিল্লে মদুনা লো আর্থ ওর্বিত্তা মেম্বর ৩গী ক্রিয়ু মোদুল অমা থাগৎনবগীদমক মথৌ তাবা প্লেলোদ কেপেবিলিতী অদু লৈরে। ইসরোনা হ্যুমেন স্পেস ফ্লাইৎকীদমক মরুওইবা তেক্নোলোজী অমা ওইরিবা অদুগুম্লবা ক্রিয়ু ইস্কেপ সিস্তেমসু চাংয়েং তৌরে। ক্রিয়ু মোদুলগী এরোদাইনামিক করেক্তরাইজেসন অদু জি.এস.এল.ভি. এম.কে-III X মিসন ফ্লাইৎকী শরুক ওইনা মপুং ফানা লোইশিল্লে। লাইফ সপোর্ত সিস্তেম অমসুং স্পেস সুইৎকী পোৎলমশিংশু রিয়েলাইজ অমসুং তেস্ত তৌরে।
