ভারতকী প্রধানমন্ত্রী

হৌজিক লৈরিবা সেন্ত্রেল কাউন্সিল ফোর ইন্দিয়ন মেদিসন (সি সি আই এম) অসি মহুৎ শিন্নবা ইন্দিয়ন সিস্তেম ওফ মেদিসিনবিল, ২০১৮গী দ্রাফ নেস্নেল কম্মসিন লিংখৎপা মন্ত্রীমন্দলনা ঙসি অয়াবা পীরে।

চাউরাকপা শক্তমশিং :

দ্রাফ বিল অদুনা নেস্নেল কম্মিসন অমগী কন্সতিতুসন লৈহনগনি অমসুং ওতোনোমস বোদি মরি লৈদুনা বোর্দ ওফ অয়ুর্বেদা এন্দ উনানি, বোর্দ ওফ উনানি, সিধা এন্দ সোৱারিগপাগী মখাদা অয়ুর্বেদা , সিধা অমসুং সোৱারিগপাগী ইজুকেসনগী থবকশিং পায়খৎকনি । মসিনা কম্মন বোর্দ অনি হায়বদি, ভারতকী লায়েং মখলশিংগী ইজুকেসনেল ইন্সতিতুৎশিং এসেস তৌনবা অমসুং অয়াবা পীনবা বোর্দ ওফ এসেসমেন্ত লৈগনি অমসুং বোর্দ ওফ ইথিক্স এন্দ রেজিস্ত্রেসন ওফ প্রাকতিসন্নরস ওফ ইন্দিয়ন সিস্তেম ওফ মেদিসিন্না নেস্নেল কম্মিসন ফোর ইন্দিয়ন মেদিসিনগী মখাদা লায়েং অসিগা মরি লৈনবা ইথিক্সশিং অমসুং দোক্তরশিং রেজিস্তর তৌবগী নেস্নেল রেজিস্তর য়েংশিনগনি ।

মসিনা গ্রেজুয়েতশিংনা প্রাকতিস তৌনবা লাইসেন্স লৌনবা একজিৎ একজাম অমা অমসুং কম্মন ইন্ত্রান্স একজাম পাংথোক্কনি । মখা তানা মসিনা ওজাশিং হাপত্রিঙৈ অমসুং প্রমোসন পীদ্রিঙৈদা মখোয়গী থাক য়েংনবা তিচর্স ইলিজিবিলি তেস্ত অমা পাংথোক্কনি ।

এল্লোপেথি সিস্তেমগী লিংখৎনবা হোৎনরিবা নেস্নেল মেদিকেল কম্মিসনগী মওংদা কম্মিসন অসিনা হোমিওপেথি মেদিকেল ইজুকেসনগী লমদা অওনবা কয়া পুরক্নবা পান্দম থম্লি । ওর্দিনান্স অমা অমসুং মখা তারকপা এমেন্দমেন্ত এক্তগী খুৎথাংদা সি সি ঐচ অসি মাংজৌননা বোর্দ ওফ গভর্নসশিংনা পায়শিনখ্রবনি ।

দ্রাফ বিল অসিনা এল্লোপেথি সিস্তেমগী লিংখৎনবা হোৎনরিবা নেস্নেল মেদিকেল কম্মিসনগী মওংদা ভারতকী মেদিসন সেক্তরদা মেদিকেল ইজুকেসনা অওনবশিং পুরক্নবা পান্দম থম্লি ।

লিংখৎনবা থৌরাং তৌরিবা রিগুলেতোরি স্ত্রকচর অসিনা মীয়ামগী য়াইফনবা অরোনবা লৈতনা অমসুং মরম চানা থবক তৌবা ঙমহনগনি । এন সি আই এমনা লৈবাক অসিগী মফম কয়াদা অহোংবা মমলদা অনা-লায়েংগী খুদোংচাবশিং ফংহনবদা চাউনা মতেং পাংগনি ।