ভারতকী প্রধানমন্ত্রী

প্রধান মন্ত্রী শ্রী নরেন্দ্র মোদী হয়েং জনুৱারি ১৫, ২০১৯দা কেরলাগী কোল্লাম অমসুং থিরুবনন্থাপুরমদা চৎকনি।

কোল্লামদা প্রধান মন্ত্রীনা নেস্নেল হাইৱে-৬৬তা কোল্লাম বাইপাস শঙ্গাগনি। প্রোজেক্ত অসি লুপা কোতি ৩৫২ চংখিবা কিলোমীতর ১৩ শাংবা লেন ২গী বাইপাসনি। মসিদা অপুনবা কিলোমীতর ১৫৪০ শাংবা অশ্থামুদী পাৎ মথক্তা শাবা অচৌবা থোং অহুম য়াওরি। প্রোজেক্ত অসিনা অলাপ্পুঝা অমসুং থিরুবনন্থাপুরমগী মরক্তা চত্থোক চৎশিনগী মতম হন্থহল্লগনি অমদি কোল্লম তাউন্দা ত্রাফিক চিনবা হন্থহল্লগনি।

থিরুবনন্থাপুরমদা প্রধান মন্ত্রী শ্রী নরেন্দ্র মোদীনা পদ্মানভাস্বামী লাইশংদা চৎকনি। মফমদুদা মহাক্না ভিজিতর ফেসিলিতী খরা হৌদোকপগী প্লেক অমা মায়খুম হাংদোক্লবা য়াই।

মসিনা কোল্লামদা প্রধান মন্ত্রীগী অহুমশুবা ওফিসিয়েল খোংচৎ ওইরগনি। সহর অসিদা মহাক্কী অহানবা খোংচৎ ২০১৫গী দিসেম্বর থাদা চৎখি, মদুদা মহাক্না আর. সঙ্করগী মীতম মায়খুম হাংদোকখি। মতুং তারকপদা প্রধান মন্ত্রীনা ২০১৬গী এপ্রিল থাদা মৈহৌ লাংপোক্কী থৌদোক থোকখ্রবা পুংজা খরগী মতুংদা কোল্লামদা চৎখি।

***