ভারতকী প্রধানমন্ত্রী

প্রধান মন্ত্রী নরেন্দ্র মোদী ২০১৯গী জনুৱারী ২৭তা কেরলাগী কোচিদা চৎকনি। খোংচৎ অসিগী মনুংদা মহাক্না ইন্তিগ্রেতেদ রিফাইনরী এক্সপান্সিয়ন কমপ্লেক্স, বি.পি.সি.এল. কোচি জাতিদা খুৎশিন্নবগী খুদম ওইনবা প্লেক ২০১৯গী জনুৱারী ২৭তা মায়খুম হাংদোক্কনি। মফম অদুমক্তদা মহাক্না পেত্রোকেমিকেল কমপ্লেক্সকীদমক উরেপ উয়ুংসু তমগনি। প্রধান মন্ত্রীনা আই.ও.সি.এল. এল.পি.জি. বোত্তলিং প্লান্ত, কোচিদা মোন্দেদ স্তোরেজ ভেসেল শঙ্গাগনি অমসুং ইত্তুমানুরদা স্কিল দিবেলপমেন্ত ইন্সতিত্যুৎকীদমক উরেপ উয়ুং তমগনি।

ইন্তিগ্রেতেদ রিফাইনরী এক্সপান্সিয়ন কমপ্লেক্স অসি মোদর্ন এক্সপান্সিয়ন কমপ্লেক্স ওইরগনি অমসুং কোচি রিফাইনরিবু ৱার্ল্দ ক্লাস স্তেন্দর্দকা লোয়ননা ভারত্তা খ্বাইদগী চাওবা পি.এস.য়ু. রিফাইনরী ওইনা ত্রান্সফোর্ম তৌরগনি। মসিনা ভারতকীদমক হেন্না শেংবা ফ্যুয়েল পুথোক্নবা মচাক লৈরগনি। মসিনা এল.পি.জি. অমসুং দিজলগী পোত্থোখ শরুক অনি ওইহল্লগনি।
মোন্দেদ স্তোরেজ ভেসেল, আই.ও.সি.এল. এল.পি.জি. বোত্তলিং প্লান্ত, কোচিনা মেত্রিক তন ৪৩৫০গী অপুনবা স্তোরেজ কেপাসিতী অমা লৈরগনি। প্লান্ত অসিদা লৈরিবা স্তোরেজ কেপাসিতী অসি প্লান্ত অসিগী চাওরাক্না নুমীৎ ৬কী বোত্তলিং কেপাসিতীগী মথৌতাবা এল.পি.জি. অদু ফংহন্নবা হেঙ্গৎলগলে।

পেত্রোকেমিকেল কমপ্লেক্স, বি.পি.সি.এল. কোচি রিফাইনরী অসি ইমপোর্ত্তা দিপেন্দ তৌরিবা অদু হন্থহনবদা মীৎয়েং থম্লিবা মেক ইন ইন্দিয়া ইনিসিয়েতিব অমনি। প্রোপাইলিন দেরাইবেতিব পেত্রোকেমিকেল অমসুং পোলীওল প্রোজেক্তনা দাউনস্ত্রীম ইন্দস্ত্রী কয়া অমা কেতালাইজ তৌরগনি।

পেত্রোকেমিকেল অমসুং নেচরেল গ্যাস মন্ত্রালয়না শৌগৎলিবা ইত্তুমানুরগী স্কিল দিবেলপমেন্ত ইন্সতিত্যুৎ অসিনা ভোকেস্নেল ত্রেনিংশিং ফংহনগনি অমসুং ওইল অমসুং গ্যাস অমদি অতোপ্পা ইন্দস্ত্রীশিংদা থবক ফংহনবা অমসুং ইন্তরপ্রিনরশিপ হেঙ্গৎহনগনি।

মসিগী ৱার্ল্দ ক্লাস ইন্সতিত্যুৎ অসি কেরলা সরকারনা মফম পুথোক্তুনা একর নিপালগী কেম্পস অমদা লিংখৎকনি। মসিনা তোঙান তোঙানবা স্কিল ২০দা চহী খুদিংগী চাওরাক্না নহা ১০০০বু স্কিল কেপাসিতী লৈহল্লগনি।

কোল্লাম বাইপাস শঙ্গানবা ২০১৯গী জনুৱারি ১৫দা প্রধান মন্ত্রী হান্ননা কেরলাদা লাকখি অমসুং থিরুবনান্থপুরমদা পদ্মনাভাস্বামী লাইশংদসু চৎখি।