ভারতকী প্রধানমন্ত্রী

২০১৯গী ফেব্রুৱারী ৩দা প্রধান মন্ত্রী জম্মু, শ্রীনগর অমসুং লেহদা চৎকনি। মফম অদুদা মহাক্না তোঙান তোঙানবা দিবেলপমেন্ত প্রোজেক্তশিং শঙ্গাগনি/উরেপ উয়ুং তমগনি। মহাক্না শ্রীনগরদা দাল লেক্কী ফিভমসু য়েংশিংনগনি।

প্রধান মন্ত্রীনা এইম্স বিজয়পুর অমসুং এইম্স অৱন্তিপোরা উরেপ উয়ুং তম্বগী খুদম ওইনবা প্লেক মায়খুম হাংদোক্কনি। প্রধান মন্ত্রী শ্রী নরেন্দ্র মোদীনা লুচিংবা কেন্দ্রগী মন্ত্রীমন্দলনা জম্মুগী বিজয়পুরদা এইম্স অমসুং কাশ্মিরগী পুলৱামাদা লৈবা অৱান্তিপুরদা এইম্স শানবা অয়াবা পীখি। অনৌবা এইম্সশিং লিংখৎপনা রিজন অসিদা হেল্থ কেয়ার ফেসিলিতীশিং, হেল্থ এজুকেসন অমসুং ত্রেনিংদা অহোংবা পুরক্লগনি।

প্রধান মন্ত্রীনা প্লেক মায়খুম হাংদোক্তুনা জম্মুদা ইন্দিয়ান ইন্সতিত্যুৎ ওফ মাস কম্মুনিকেসনগী নোরদর্ন রিজনেল সেন্তর কেম্পস শানবা উরেপ উয়ুংসু তমগনি।

প্রধান মন্ত্রীনা লদাখকী য়ুনিবর্সিতী হৌদোক্কনি। মসিনা য়ুনিবর্সিতী ওফ লদাখ এক্ত ২০১৮গী মখাদা লিংখৎপা, লদাখ লমদমদা ইহান হানবা য়ুনিবর্সিতী ওইরগনি। মসিনা লেহ, কারগিল, নুব্রা, জান্সকার, দ্রাস অমসুং খাল্তসিগী দিগ্রী কোলেজশিংগী মনুং চনবা অপুনবা য়ুনিবর্সিতী অমা ওইগনি।

প্রধান মন্ত্রীনা রাস্ত্রীয়া উচছাত্র সিক্ষা অভিয়ান (রুসা)গী মখাদা তোঙান তোঙানবা প্রোজেক্তশিংসু দিজিতেল ওইবা মওংদা হৌদোক্কনি।

প্রেস বত্তন নমদুনা প্রধান মন্ত্রীনা মায়খুম হাংদোক্কদবা প্লেকশিংদি:

অনৌবা মোদেল দিগ্রী কোলেজ ৫৪, প্রোফেস্নেল কোলেজ ১১ অমদি লৈবাক অসিদা ৱুমেন্স য়ুনিবর্সিতী ১গী উরেপ উয়ুং তম্বা।

মোদেল দিগ্রী কোলেজ ১৬, লৈবাক অসিদা ইন্তরপ্রিনরশিপ, ইনোবেসন অমসুং কেরীয়র হব ৬৬ শঙ্গাবা।
জম্মু অমসুং কাশ্মিরগী কিশ্তৱার, কুপৱারা অমসুং বারামুল্লাদা মোদেল দিগ্রী কোলেজ ৩গী উরেপ উয়ুং তম্বা।
জম্মু য়ুনিবর্সিতীদা ইন্তরপ্রিনরশিপ, ইনোবেসন অমসুং কেরীয়র হবকী উরেপ উয়ুং তম্বা।

প্রধান মন্ত্রীনা য়ুনিবর্সিতী ইন্সতিত্যুৎ ওফ ইঞ্জিনীয়রিং এন্দ তেক্নোলোজী, কাথুৱা জাতিদা খুৎশিন্নগনি। মদুগী মতুংদা মহাক্না প্লেক মায়খুম হাংদোক্তুনা কাশ্মীর ভেল্লীদা কাশ্মীরি মাইগ্রেন্ত এমপ্লোইশিংগীদমক ত্রান্সিৎ একোমোদেসন শানবগীদমক উরেপ উয়ুং তমগনি। সৌভাগ্য স্কিমগী মখাদা জম্মু অমসুং কাশ্মীর রাজ্যদা য়ুমথোং খুদিংমক চাদা ১০০ মৈ ফংহল্লে হায়না মহাক্না লাওথোক্কনি।

প্রধান মন্ত্রীনা জম্মু অমসুং কাশ্মীরগী কিশ্তৱারদা ৬২৪ মেগা ৱাৎ কিরু হাইদ্রোইলেক্ত্রিক প্রোজেক্তকী উরেপ উয়ুং তমগনি। মসি চেনাব তুরেলদা পায়খৎপা রিভর প্রোজেক্ত অমনি অমদি শাবা হেক লোইবগা চহীগী ওইনা ইলেক্ত্রিসিতীগী য়ুনিৎ মিলিয়ন ২২৭২ জেনরেৎ তৌগনি।

প্রধান মন্ত্রীনা মেগা ৱাৎ ৯গী দাহ হাইদ্রোইলেক্ত্রিক প্রোজেক্ত শঙ্গাগনি। দাতাং খুঙ্গংগা নক্ননা দাহদা লৈরিবা প্রোজেক্ত অসি জম্মু এন্দ কাশ্মির স্তেত পৱার দিবেলপমেন্ত কোর্পোরেসন লিমিতেদনা পায়খৎপা রিভর স্কিম অমনি। প্রধান মন্ত্রীনা ২২০ কে.ভি. শ্রীনগর- অলুস্তেং- দ্রাস- কার্গিল- লেহ ত্রান্সমিসন সিস্তেম জাতিদা খুৎশিন্নগনি। মসিগী মশক নাইরবা প্রোজেক্ত অসিগী উরেপ উয়ুংসু মহাক্না ২০১৪গী ওগস্ত থাদা তমখি। প্রধান মন্ত্রীনা ৪০০ কে.ভি. দি./সি. জলন্ধর- সম্বা- রজৌরি- শোপিয়ান- অমরগর (সোপোর) ত্রান্সমিসন লেন জাতিদা খুৎশিন্নগনি। প্রোজেক্ত অসিনা জম্মু অমসুং কাশ্মিরদা গ্রীদ কনেক্তিবিতী চাওথোকহল্লে।

প্রধান মন্ত্রীনা সেজৱালদা চেনাব তুরেল মথক্তা ১৬৪০ মীতর স্পান দবল লেন ব্রিজকী উরেপ উয়ুং তমগনি। প্রোজেক্ত অসিনা সেজৱল অমসুং ইন্দ্রি পাত্তিয়ানগী মীয়ামগীদমক অতোপ্পরা রুৎ অমা ফংহল্লগনি। থোং অসি শাবা লোইবনা সেজৱল অমসুং ইন্দ্রি পাত্তিয়ানগী মরক্তা অরাপ্পা মমাংদা কিলোমীতর ৪৭ ওইরম্বা অদু কিলোমীতর ৫দা হন্থহল্লগনি।

প্রধান মন্ত্রীনা নেস্নেল রিভর কঞ্জার্বেসন প্লান (এন.আর.সি.পি.)গী মখাদা দেবিকা অমসুং তাৱি তুরেলশিংগী পোল্লুসন হন্থহনবদা মীৎয়েং থম্বা প্রোজেক্তকী উরেপ উয়ুং তমগনি।

প্রধান মন্ত্রীনা প্লেক মায়খুম হাংদোক্তুনা লেহগী কুশোক বকুলা রিম্পোচী (কে.বি.আর.) এয়ারপোর্তকী অনৌবা তর্মিনেলগীদমক উরেপ উয়ুং তমগনি। অনৌবা তর্মিনেল অসি স্ক্ব্যার মীতর ১৮,৯৮৫গী মোদুলর, ইনর্জী ইফিসিয়েন্ত অমসুং সেল্ফ-সস্তেনিং বিলদিং অমা ওইগনি।

তুংদা প্রধান মন্ত্রীনা লদাখতা অনৌবা তিরিস্ত অমসুং ত্রেক্কিং রুৎশিং হাংদোক্কনি। মসিনা লদাখতা লমকোইবা লাকপা হেঙ্গৎহল্লগনি। মসিনা খুঙ্গং কয়াদা হেন্না ফবা হিংনবগী পাম্বৈসু ফংহল্লগনি।

প্রধান মন্ত্রীনা রুরেল বি.পি.ও, বন্দিপোরা হৌদোক্নবগীদমক খুদোংচাবশিং হৌদোক্কনি। মসিনা বন্দিপোরা অমসুং য়ুমলোন্নবা জিলাশিংদা লৈরিবা নহাশিংগীদমক থবক ফংহন্নবগী খুদোংচাবা হেঙ্গৎহল্লগনি।

প্রধান মন্ত্রীনা সেফোরা, গান্দরবলদা মল্তিপরপজ ইন্দোর স্পোর্তস ফেসিলিতী শঙ্গাগনি। ইন্দোর স্পোর্তস ফেসিলিতী অসি গান্দরবল জিলাগী নহাশিংগীদমক্তা মমল নাইদ্রবা লন অমা ওইরগনি, মদুদা মখোয়না ইন্দোরগী মশান্নশিংশান্নবগী খুদোংচাবা ফংলগনি।

শ্রীনগরদা প্রধান মন্ত্রীনা অসম, গুজরাত, হরিয়ানা, ওরিশা, মহারাস্ত্রা অমসুং তেলঙ্গানা রাজ্যশিংদগী লাকপা মহৈরোইশিংগা উনদুনা ৱারি শান্নগনি। মহাক্না নৌনা খল্লবা সর্পঞ্চশিংগসু ৱারি শান্নগনি।

প্রধান মন্ত্রীনা মমাংদা রাজ্য অসিদা তোঙান তোঙানবা ইনফ্রাস্ত্রকচর প্রোজেক্তশিং উরেপ উয়ুং তম্নবগীদমক ২০১৮গী মে ১৯দা জম্মু, শ্রীনগর অমসুং লেহদা চৎখি।

****