ভারতকী প্রধানমন্ত্রী

প্রধান মন্ত্রী শ্রী নরেন্দ্র মোদীনা লুচিংবা কেন্দ্রগী মন্ত্রীমন্দলনা ভারত অমসুং য়ুক্রেনগী মরক্তা এগ্রীকলচর অমসুং ফুদ ইন্দস্ত্রীদা তেংবাং পীননবগীদমক্তা য়ানা ৱারোলদা খুৎয়েক পীনবদা অয়াবা পীখ্রে।

পুখৎলক্লিবা য়ানা ৱারোল অসিনা এগ্রীকলচর অমসুং ফুদ ইন্দস্ত্রীগী তোঙান তোঙানবা লমশিংদা তেংবাং পীনবা ফংহল্লগনি। লৈবাক অনিমক্তগী মীহুৎশিং য়াওবা জোইন্ত ৱার্কিং গ্রুপ অমা শেমগনি। ৱার্কিং গ্রুপ অসিগী মীফমশিং য়ামদ্রবদা চহী অনি খুদিংগী রিপব্লিক ওফ ইন্দিয়া অমসুং য়ুক্রেনদা অমগী মথং অমদা পাংথোক্কনি। য়ানা ৱারোল অসি খুৎয়েক পীনবা তাংদগী মথৌ হৌগনি অমদি চহী মঙাগী মতম অমা চৎনগনি, অহেনবা চহী মঙাগী মতম অমা মথন্তা শাংদোক্কনি। এর্গীমেন্ত অসি পার্তী অমা হেক্তনা তর্মিনেৎ তৌনিংবা লৈরগদি নোতিফিকেসন রিসিপ্ত তৌখিবা তাংগী থা তরুক্কী মতুংদা য়ানা ৱারোল অসি তর্মিনেৎ তৌবা য়াই।

***