ভারতকী প্রধানমন্ত্রী

২০১৯গী ফেব্রুৱারী ১১দা প্রধান মন্ত্রীনা উত্তর প্রদেশকী গ্রেতর নোইদাদা লৈরিবা ইন্দিয়া এক্সপো সেন্তরদা পেত্রোতেক-২০১৯ হৌদোক্কনি।

থৌরম অদুগী হৌদোকপগী সেসনদসু মহাক্না ৱা ঙাংগনি।

পেত্রোতেক-২০১৯ অসি ভারতকী ফ্লেগশিপ হাইদ্রোকার্বোন কনফরেন্সগুম্না খন্নৈ। ১৩শুবা ইন্তর্নেস্নেল ওইল এন্দ গ্যাস কনফরেন্স অমসুং একজিবিসন, পেত্রোতেক-২০১৯ অসি ভারত সরকারগী পেত্রোলিয়ম অমসুং নেচরেল গ্যাস মন্ত্রালয়গী মখাদা ওর্গনাইজ তৌবনি।

২০১৯গী ফেব্রুৱারী ১০দগী ১২ ফাওবা নুমীৎ হুম্নি পাংথোক্কদবা অচৌবা থৌরম অসিনা ভারতকী ওইল অমসুং গ্যাস সেক্তরদা হৌজিক ওইরিবা মার্কেৎ অমসুং ইনবেস্তর ফ্রেন্দলী দিবেলপমেন্তশিং উৎকনি। পার্তনর লৈবাকশিংদগী ইনর্জী মন্ত্রী ৯৫ হেন্না অমদি চাউরাক্না লৈবাক ৭০দগী দেলিগেৎ ৭০০০না পেত্রোতেক-২০১৯গী শরুক ওইগনি।

কনফরেন্স অসিগা লোয়ননা থৌরম অসিদা স্ক্ব্যার মীতর ২০,০০০ হেন্না শন্দোক্লিবা গ্রেতর নোইদাগী ইন্দিয়ন এক্সপো মার্ত্তা একজিবিসন অমা পাংথোক্কনি।

পেত্রোতেক-২০১৯ একজিবিসন অসিদা লৈবাক ১৩ হেনবদগী পেবিলিয়োনশিং অমসুং লৈবাক ৪০ হেনবদগী একজিবিতর ৭৫০গী ময়ানা মেক ইন ইন্দিয়া অমসুং রিন্যুয়েবল ইনর্জীগী থিমগী ওইবা লমশিংদা শরুক য়াগনি।

হৌখিবা ২০১৬কী দিসেম্বর ৫দা প্রধান মন্ত্রীনা পেত্রোতেক-২০১৬গী ১২শুবা এদিসন হৌদোকখি।

মহাক্না হায়খি মদুদি, “তুংগী ভারতকী ইনর্জীগীদমক ঐহাক্কী মীৎয়েং অসি য়ুম্বী মরি লৈরি:

ইনর্জী এসেস, ইনর্জী ইফিসিয়েন্সী, ইনর্জী সস্তেনেবিলিতী অমসুং ইনর্জী সেক্যুরিতী।”

প্রধান মন্ত্রীনা মালেমগী হাইদ্রোকার্বোন কম্পেনীশিংবু মেক ইন ইন্দিয়াদা লাক্নবা বার্তন তৌখি অমদি ঐখোয়গী পান্দমদি রেদ তেপ্পু রেদ কার্পেৎনা মহুৎ শিন্দোকপনি হায়না থাজবা পীখি।