ପିଏମଇଣ୍ଡିଆ

ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ନୋଏଡାଠାରେ ଆୟୋଜିତ ପେଟ୍ରୋଟେକ 2019ରେ ନିମ୍ନଲିଖିତ ବକ୍ତବ୍ୟ ପ୍ରଦାନ କରିଛନ୍ତି ।

ନମସ୍କାର

ପ୍ରାରମ୍ଭରୁ ସଂଚାଳନଗତ ସମସ୍ୟା କାରଣରୁ ବିଳମ୍ବ ହେତୁ ମୁଁ କ୍ଷମା ପ୍ରାର୍ଥନା କରୁଛି ।

ଭାରତର ପ୍ରମୁଖ ହାଇଡ୍ରୋକାର୍ବନ ସମ୍ମିଳନୀର ତ୍ରୟୋଦଶ ସଂସ୍କରଣ ପେଟ୍ରୋଟେକ-2019ରେ ଆପଣମାନଙ୍କୁ ସ୍ୱାଗତ କରି ମୁଁ ଅତ୍ୟନ୍ତ ଆନନ୍ଦିତ ।

ଶକ୍ତି କ୍ଷେତ୍ରକୁ ତାଙ୍କ ଅବଦାନ ଏବଂ ଭବିଷ୍ୟତର ଅନ୍ତର୍ଦୃଷ୍ଟି ଲାଗି ମୁଁ ମାନ୍ୟବର ଡଃ ସୁଲତାନ ଅଲ ଜାବେରଙ୍କୁ ଅଭିନନ୍ଦନ ଜଣାଉଛି ।

ଆମେ ଶକ୍ତି କ୍ଷେତ୍ରରେ ସମ୍ମୁଖୀନ ହେଉଥିବା ସମସ୍ୟାଗୁଡ଼ିକର ସମାଧାନ ସମ୍ବନ୍ଧରେ ଆଲୋଚନା ଲାଗି ପେଟ୍ରୋଟେକ ଗତ ଶତାଦ୍ଦୀର ଏକ ଚତୁର୍ଥାଂଶରୁ ଅଧିକ ସମୟ ଧରି ଏକ ଭିତ୍ତିଭୂମି ଭାବେ ସେବା ପ୍ରଦାନ କରିଛି ।

ପ୍ରତ୍ୟେକଟି ସଂପୃକ୍ତ ଦେଶମାନଙ୍କରେ ଆମେ ଆମର ନାଗରିକମାନଙ୍କୁ ସୁଲଭ, ସମର୍ଥ, ସ୍ୱଚ୍ଛ ଏବଂ ନିଶ୍ଚିତ ଶକ୍ତି ଯୋଗାଣ ଲାଗି ଚେଷ୍ଟା କରିଥାଉ ।

60ଟି ଦେଶ ଏବଂ 7000ରୁ ଉର୍ଦ୍ଧ୍ଵ ପ୍ରତିନିଧି ଏଠାରେ ଉପସ୍ଥିତି ରହିବା ଏହି ସାଧାରଣ ଉଦ୍ଦେଶ୍ୟକୁ ପ୍ରତିଫଳିତ କରିଥାଏ ।

ଅନେକ ଦଶନ୍ଧି ଧରି ସାଧାରଣ ଜୀବନରେ କାର୍ଯ୍ୟ କରିବା ଦ୍ୱାରା ମୁଁ ସ୍ଥିର ନିଶ୍ଚିତ ହୋଇଛି ଯେ ଶକ୍ତି ହେଉଛି ସାମାଜିକ-ଅର୍ଥନୈତିକ ପ୍ରଗତିର ଏକ ପ୍ରମୁଖ ପରିଚାଳକ । ଅର୍ଥବ୍ୟବସ୍ଥାର ଦୃତ ପ୍ରଗତି ପାଇଁ ଉପଯୁକ୍ତ ମୁଲ୍ୟ, ସ୍ଥାୟୀ ଓ ସତତ ଶକ୍ତି ଯୋଗାଣ ଅତ୍ୟନ୍ତ ଆବଶ୍ୟକ । ଅର୍ଥନୈତିକ ପ୍ରଗତିର ଅଂଶବିଶେଷ ହେବା ପାଇଁ ଏହା ସମାଜର ଗରିବ ଓ ଅବହେଳିତ ବର୍ଗଙ୍କୁ ସହାୟତା ପ୍ରଦାନ କରିଥାଏ ।

ବୃହତ ଅର୍ଥରେ ଶକ୍ତି କ୍ଷେତ୍ର ସମୃଦ୍ଧି କ୍ଷେତ୍ରରେ ପ୍ରମୂଖ ଭୂମିକା ଗ୍ରହଣ କରିଥାଏ ।

ବନ୍ଧୁଗଣ,

ଆମେ ଯେତବେଳେ ଏଠାରେ ବୈଶ୍ୱିକ ଶକ୍ତିର ବର୍ତ୍ତମାନ ଏବଂ ଭବିଷ୍ୟତ ସମ୍ବନ୍ଧରେ ଆଲୋଚନା କରିବା ପାଇଁ ଏକାଠି ହୋଇଛେ, ସେତବେଳେ ବୈଶ୍ୱିକ ଶକ୍ତି କ୍ଷେତ୍ରରେ ପରିବର୍ତ୍ତନର ହାୱା ବହୁଥିବାର ପରିଦୃଶ୍ୟ ହେଉଛି ।

ଶକ୍ତି ଯୋଗାଣ, ଶକ୍ତି ଉତ୍ସ ଏବଂ ଶକ୍ତି ଖର୍ଚ୍ଚର ପ୍ରକ୍ରିୟାରେ ପରିବର୍ତ୍ତନ ହେଉଛି । ବୋଧହୁଏ ଏହା ହେଉଛି ଏକ ଐତିହାସିକ ପରିବର୍ତ୍ତନ ।

ଶକ୍ତି ଖର୍ଚ୍ଚ ପଶ୍ଚିମରୁ ପୂର୍ବ ଆଡକୁ ମୁହାଁଉଛି । ସେଲ ବିପ୍ଳବ ପରେ ଯୁକ୍ତରାଷ୍ଟ୍ର ଆମେରିକା ବିଶ୍ୱର ସର୍ବବୃହତ୍ ତୈଳ ଓ ଗ୍ୟାସ ଉତ୍ପାଦକରେ ପରିଣତ ହୋଇଛି ।

ସୌର ଶକ୍ତି ଏବଂ ଅନ୍ୟାନ୍ୟ ଅକ୍ଷୟ ଶକ୍ତି ଅଧିକ ପ୍ରତିଦ୍ଵନ୍ଦ୍ଵୀତାପୂର୍ଣ୍ଣ ହୋଇଛି । ଏଗୁଡ଼ିକ ପାରମ୍ପରିକ ଶକ୍ତିର ସତତ ଅତିରିକ୍ତ ଉର୍ଜା ଭାବେ ଉଭା ହୋଇଛନ୍ତି ।

ବୈଶ୍ୱିକ ଶକ୍ତି ମିଶ୍ରଣରେ ପ୍ରାକୃତିକ ଗ୍ୟାସ ଦୃତ ଗତିରେ ଏକ ବୃହତ ଇନ୍ଧନରେ ପରିଣତ ହେଉଛି ।

ଏହା ହେଉଛି ସୁଲଭ ଅକ୍ଷୟ ଶକ୍ତି, ବୈଷୟିକ ଜ୍ଞାନ ଏବଂ ଡିଜିଟାଲ ପ୍ରୟୋଗ ମଧ୍ୟରେ ସମ୍ମିଶ୍ରଣର ସୂଚନା ଯେଉଁଥିରେ କି ଅନେକ ସତତ ବିକାଶ ଲକ୍ଷ୍ୟ ହାସଲକୁ ଦୃତ କରିବାର ସମ୍ଭାବନା ରହିଛି ।

ପାଣିପାଗ ପରିବର୍ତ୍ତନର ମୁକାବିଲା କରିବା ପାଇଁ ଦେଶମାନେ ଏକାଠି ହେଉଛନ୍ତି । ଭାରତ ଏବଂ ଫ୍ରାନ୍ସ ପ୍ରୋତ୍ସାହନରେ ଆନ୍ତର୍ଜାତିକ ସୌର ମେଣ୍ଟ ଭଳି ବୈଶ୍ୱିକ ଭାଗୀଦାରୀତା ପରିଦୃଶ୍ୟମାନ ହେଉଛି ।

ଆମେ ଏବ ବୃହତ୍ ଶକ୍ତି ଉପଲବ୍ଧତାର ସମୟରେ ପ୍ରବେଶ କରୁଛେ ।

ମାତ୍ର ବିଶ୍ୱରେ 10 କୋଟିରୁ ଉର୍ଦ୍ଧ୍ଵ ଜନସାଧାରଣଙ୍କ ପାଖରେ ଏବେ ବି ବିଦ୍ୟୁତ ଶକ୍ତି ପହଂଚି ପାରିନାହିଁ । ଅନେକଙ୍କର ସ୍ୱଚ୍ଛ ରନ୍ଧନ ଗ୍ୟାସ ସୁବିଧା ନାହିଁ ।

ଶକ୍ତି ଉପଲବ୍ଧତାକୁ ନେଇ ଏହି ସମସ୍ୟାଗୁଡ଼ିକର ସମାଧାନ କ୍ଷେତ୍ରରେ ଭାରତ ନେତୃତ୍ୱ ଭୂମିକା ଗ୍ରହଣ କରୁଛି । ଆମ ସଫଳତାରେ ମୁଁ  ବିଶ୍ୱ ପାଇଁ ଆଶାବାଦ ଦେଖୁଛି ଯେ ଶକ୍ତି ଉପଲବ୍ଧତାର ସମସ୍ୟାକୁ ସଠିକ ଢ଼ଙ୍ଗରେ ସମାଧାନ କରାଯାଇ ପାରିବ ।

ଜନସାଧାରଣଙ୍କ ପାଖରେ ସହଜରେ ସ୍ୱଚ୍ଛ, ସୁଲଭ ଏବଂ ସମାନ ପରିମାଣର ଶକ୍ତି ପହଂଚିବା ପିଶ୍ଚିତ ଭାବେ ଆବଶ୍ୟକ ।

ଶକ୍ତି ନ୍ୟାୟ ଆଧାରିତ ଏକ ଯୁଗ ଆରମ୍ଭ ନେଇ ଭାରତର ଯୋଗଦାନ ତାତ୍ପର୍ଯ୍ୟପୂର୍ଣ୍ଣ ।

ସମ୍ପ୍ରତି ଭାରତ ହେଉଛି ଦୃତ ଗତିରେ ବୃଦ୍ଧି ପାଉଥିବା ବିଶ୍ୱର ସର୍ବବୃହତ୍ ଅର୍ଥବ୍ୟବସ୍ଥା । ଆଗାମୀ ଦିନରେ ଏହି ଧାରା ବଜାୟ ରହିବ ବୋଲି ଆଇଏମଏଫ ଏବଂ ବିଶ୍ୱବ୍ୟାଙ୍କ ଭଳି ପ୍ରମୁଖ ଏଜେନ୍ସିମାନେ ଅନୁମାନ କରୁଛନ୍ତି ।

ଏକ ଅନିଶ୍ଚିତତାମୁଳକ ବୈଶ୍ୱିକ ଅର୍ଥନୈତିକ ପରିବେଶରେ, ଭାରତ ବିଶ୍ୱ ଅର୍ଥବ୍ୟବସ୍ଥାର ଏକ ଆଧାର ଭାବେ ନିଜକୁ ଦୃଢ଼ ଭାବେ ପ୍ରତିଷ୍ଠିତ କରିପାରିଛି ।

ସମ୍ପ୍ରତି ଭାରତ ବିଶ୍ୱର ଷଷ୍ଠ ସର୍ବବୃହତ ଅର୍ଥବ୍ୟବସ୍ଥାରେ ପରିଣତ ହୋଇଛି । ଏଇ ନିକଟରେ ପ୍ରକାଶିତ ଏକ ରିପୋର୍ଟ ଅନୁଯାୟୀ 2030 ସୁଦ୍ଧା ଭାରତ ଦ୍ୱିତୀୟ ସର୍ବବୃହତ୍ ବିଶ୍ୱ ଅର୍ଥବ୍ୟବସ୍ଥାରେ ପରିଣତ ହୋଇପାରେ ।

ଆମେ ମଧ୍ୟ ହେଉଛି ବିଶ୍ୱର ତୃତୀୟ ସର୍ବବୃହତ୍ ଶକ୍ତି ଉପଭୋକ୍ତା ଏବଂ ବାର୍ଷିକ ଆମର ଶକ୍ତି ଚାହିଦା ଶତକଡା 5 ପ୍ରତିଶତରୁ ଅଧିକ ବୃଦ୍ଧି ପାଉଛି ।

ଶକ୍ତି କମ୍ପାନୀମାନଙ୍କ ପାଇଁ ଭାରତ ଏକ ଆକର୍ଷଣୀୟ ବଜାର ଭାବେ ରହିଆସିଛି ଏବଂ 2040 ବେଳକୁ ଶକ୍ତି ଚାହିଦା ଦୁଇଗୁଣରୁ ଅଧିକ ହେବାର ଆଶା କରାଯାଉଛି ।

ଶକ୍ତି ଯୋଜନାକୁ ନେଇ ଆମେ ଏକ ସମନ୍ୱିତ ଧାରା ଗ୍ରହଣ କରିଛୁ । 2016 ଡିସେମ୍ବରରେ ଅନୁଷ୍ଠିତ ହୋଇଥିବା ଶେଷ ପେଟ୍ରୋଟେକ ସମ୍ମିଳନୀରେ ମୁଁ ଭାରତର ଶକ୍ତି ଭବିଷ୍ୟତର 4ଟି ସ୍ତମ୍ଭ ସମ୍ବନ୍ଧରେ ପ୍ରକାଶ କରିଥିଲି । ଏଗୁଡ଼ିକ ହେଉଛି- ଶକ୍ତି ଉପଲବ୍ଧତା, ଶକ୍ତି ସାମର୍ଥ୍ୟ, ଶକ୍ତି ସ୍ଥାୟୀତ୍ୱ ଏବଂ ଶକ୍ତି ସୁରକ୍ଷା ।

ବନ୍ଧୁଗଣ,

ଶକ୍ତି ନ୍ୟାୟ ହେଉଛି ମୋର ଏକ ଗୁରୁତ୍ୱପୂର୍ଣ୍ଣ ଉଦ୍ଦେଶ୍ୟ ଏବଂ ଭାରତ ପାଇଁ ଏକ ପ୍ରମୁଖତା । ଏହାର ଶେଷବେଳକୁ ଆମେ ଅନେକ ନୀତି ସ୍ଥିର କରିଛୁ ଏବଂ ଏଗୁଡ଼ିକର ପ୍ରଣୟନ କରିଛୁ । ଏଗୁଡ଼ିକର ଫଳାଫଳ ଏବେ ପରିଦୃଶ୍ୟ ହୋଇଛି ।

ଆମର ସମସ୍ତ ଗ୍ରାମୀଣ ଅଂଚଳମାନଙ୍କରେ ବିଦ୍ୟୁତ ଶକ୍ତି ପହଂଚି ପାରିଛି ।

ଚଳିତ ବର୍ଷ ସୌଭାଗ୍ୟ କାର୍ଯ୍ୟକ୍ରମ ଅଧୀନରେ ଆମେ ଭାରତର ପ୍ରତ୍ୟେକଟି ଗୃହରେ ଶତକଡା 100 ପ୍ରତିଶତ ବିଦ୍ୟୁତୀକରଣ ହାସଲ କରିବାର ଲକ୍ଷ୍ୟ ନିର୍ଦ୍ଧାରିତ କରିଛୁ ।

ଉତ୍ପାଦନ ବୃଦ୍ଧି କରୁଥିବା ବେଳେ ସମ୍ପ୍ରସାରଣ ଏବଂ ବଂଟନ ବେଳେ ଶକ୍ତି ନଷ୍ଟ ନହେବା ନେଇ ଆମେ ଲକ୍ଷ୍ୟ ରଖିଛୁ । ଉଦୟ ଯୋଜନା ଅନ୍ତର୍ଗତ ଆମେ ଏହି ଲକ୍ଷ୍ୟ ପୂରଣ ହେବା ଦିଗରେ କାର୍ଯ୍ୟ କରୁଛୁ ।

ଭାରତର ବିଶ୍ୱ ବ୍ୟାଙ୍କ ବିଦ୍ୟୁତ ଶକ୍ତି ପାଇବାର ସହଜତା ମାନ୍ୟତାରେ ଉନ୍ନତି ଘଟଛି । ଏହା 2014ରେ  111 ଥିଲାବେଳେ 2018ରେ 29ରେ ପହଂଚିଛି ।

ଉଜ୍ଜ୍ୱଳା ଯୋଜନାରେ ଦେଶବ୍ୟାପୀ ଏଲଇଡି ବଲ ବଂଟନ କରାଯିବା ଦ୍ୱାରା ବାର୍ଷିକ 7 ହଜାର କୋଟି ଟଙ୍କା ତଥା ପାଖାପାଖି 2.5 ବିଲିଅନ ଡଲାର ସଂଚୟ କରାଯାଇ ପାରିଛି ।

ସ୍ୱଚ୍ଛ ରନ୍ଧନ ଗ୍ୟାସ ଉପଲବ୍ଧ ହେବା ଦ୍ୱାରା ବିଶେଷ କରି ମହିଳା ଏବଂ ପିଲାମାନଙ୍କୁ ଲାଭ ମିଳିଛି ଏବଂ ସେମାନେ ଧୂଆଁ ଜନିତ ପ୍ରଦୂଷଣରୁ ରକ୍ଷା ପାଇପାରିଛନ୍ତି ।

ଉଜ୍ଜ୍ୱଳା ଯୋଜନାରେ 3 ବର୍ଷରୁ କମ ସମୟ ମଧ୍ୟରେ 6.4 କୋଟି ପରିବାରଙ୍କୁ ଏଲପିଜି ସଂଯୋଗ ପ୍ରଦାନ କରାଯାଇଛି । ଏକ ‘ନୀଳ ଶିଖା ବିପ୍ଳବ’ ଆଗାମୀ ଦିନରେ ସୃଷ୍ଟି ହେବ । ଏଲପିଜି କଭରେଜ ଶତକଡା 90 ପ୍ରତିଶତରୁ ଊର୍ଦ୍ଦ୍ଵ ଘରେ ପହଂଚିଛି, ଯେତବେଳେ କି 5 ବର୍ଷ ପୂର୍ବେ ଏହା ଶତକଡା 55 ପ୍ରତିଶତ ଥିଲା ।

ସ୍ୱଚ୍ଛ ପରିବହନକୁ ଗତି ମିଳିଛି । 2020 ଏପ୍ରିଲ ସୁଦ୍ଧା ଆମେ ବିଏସ 4ରୁ ବିଏସ 6କୁ ସିଧାସଳଖ ଭାବେ ଲମ୍ଫ ପ୍ରଦାନ କରିବା । ଏହା ୟୁରୋ 6 ସ୍ତରର ସମକକ୍ଷ ।

କେବଳ ଜନସାଧାରଣଙ୍କ ଯୋଗଦାନ ଫଳରେ ଶତକଡା ଶହେ ପ୍ରତିଶତ ବିଦ୍ୟୁତକରଣ ଏବଂ ଏଲପିଜି କଭରେଜରେ ବୃଦ୍ଧି ସମ୍ଭବ ହୋଇପାରିଛି । ଜନସାଧାରଣ ଯେତବେଳେ ସେମାନଙ୍କର ସାମୂହିକ ଶକ୍ତି ବାବଦରେ ଅବଗତ ହେବେ ସେତବେଳେ ଯାଇଁ ଶକ୍ତି ନ୍ୟାୟକୁ ହାସଲ କରାଯାଇ ପାରିବ । ଏହି ବିଶ୍ୱାସକୁ ବାସ୍ତବିକତାରେ ପରିଣତ କରିବା ନେଇ ସରକାର ହେଉଛନ୍ତି କେବଳ ଏକ ମାଧ୍ୟମ ।

ଗତ 5 ବର୍ଷ ମଧ୍ୟରେ ଭାରତର ତୈଳ ଓ ଗ୍ୟାସ କ୍ଷେତ୍ରରେ ପ୍ରମୁଖ ସଂସ୍କାର ଗ୍ରହଣ କରାଯାଇଛି । ଆମେ ଆମର ବିକାଶଗତ ନୀତି ଏବଂ ନିୟମରେ ବ୍ୟାପକ ପରିବର୍ତ୍ତନ ଆଣିଛୁ । ଏହି କ୍ଷେତ୍ରରେ ସ୍ୱଚ୍ଛତା ଏବଂ ପ୍ରତିଦ୍ୱନ୍ଦ୍ୱିତା ଆଣିବା ପାଇଁ ଆମେ ହାଇଡ୍ରୋକାର୍ବନ ଅନ୍ୱେଷଣ ଏବଂ ଲାଇସେନ୍ସ ନୀତିର ଶୁଭାରମ୍ଭ କରିଛୁ ।

ବିଡିଂ ସର୍ତ୍ତକୁ ରାଜସ୍ୱ ଭାଗିଦାରୀରେ ପରିବର୍ତ୍ତିତ କରାଯାଇଛି । ଏହାଫଳରେ ସରକାରୀ ହସ୍ତକ୍ଷେପ ହ୍ରାସ ପାଇଛି । ଏକ ମୁକ୍ତ ଆକରେଜ ଲାଇସେନ୍ସ ନୀତି ଏବଂ ଏକ ଜାତୀୟ ତଥ୍ୟ ରିପୋଜିଟୋରୀ ଭାରତୀୟ କ୍ଷେତ୍ରମାନଙ୍କରେ ଅନ୍ୱେଷଣ ବୃଦ୍ଧି କରିବାରେ ସହାୟତା କରୁଛି ।

ଗ୍ୟାସ ଦରରେ ସଂସ୍କାର ମଧ୍ୟ ଆରମ୍ଭ କରାଯାଉଛି । ପରିବର୍ଦ୍ଧିତ ତୈଳ ଉତ୍ତୋଳନ ନୀତିର ଲକ୍ଷ୍ୟ ହେଉଛି ଅପଷ୍ଟ୍ରିମ କ୍ଷେତ୍ରରେ ଉତ୍ପାଦକତା ବୃଦ୍ଧି କରିବା ପାଇଁ ଅତ୍ୟାଧୁନିକ ବୈଷୟିକ ଜ୍ଞାନର ବ୍ୟବହାର ।

ଆମର ପଛୁଆ କ୍ଷେତ୍ରରେ ସମ୍ପୂର୍ଣ୍ଣ ଭାବେ ଉଦାରୀକରଣ ପ୍ରକ୍ରିୟା ଲାଗୁ କରାଯାଇଛି । ବଜାର ପରିଚାଳିତ ପେଟ୍ରୋଲ ଓ ଡିଜେଲ ଦର ଆନ୍ତର୍ଜାତିକ ଅଶୋଧିତ ତୈଳର ମୂଲ୍ୟକୁ ପ୍ରତିଫଳିତ କରିଥାଏ । ଭାରତ ପାଖରେ ବିଶ୍ୱର ଚତୁର୍ଥ ସର୍ବାଧିକ ଶୋଧନ ସାମର୍ଥ୍ୟ ରହିଛି । 2030 ସୁଦ୍ଧା ଏହା 200 ମିଲିଅନ ମେଟ୍ରିକ ଟନକୁ ପୁନଃ ବୃଦ୍ଧି ପାଇବ ।

ଚଳିତ ବର୍ଷ ଏକ ଜାତୀୟ ବାୟୋ ଇନ୍ଧନ ନୀତି ନିର୍ଦ୍ଧାରଣ କରାଯାଇଛି ।  ବାୟୋଇନ୍ଧନର ଦ୍ୱିତୀୟ ଏବଂ ତୃତୀୟ ଜେନେରେସନ ଉପରେ ଗବେଷଣାକୁ ପ୍ରୋତ୍ସାହିତ କରାଯାଉଛି । 11ଟି ରାଜ୍ୟରେ ଦ୍ୱିତୀୟ ଜେନେରେସନ ବାୟୋ-ବିଶୋଧନାଗାର ପ୍ରତିଷ୍ଠା କରାଯାଉଛି । ଏଥାନଲ ବ୍ଲେଣ୍ଡିଙ୍ଗ ଏବଂ ବାୟୋଡିଜେଲ କାର୍ଯ୍ୟକ୍ରମ କାର୍ବନ ନିର୍ଗମନ ହ୍ରାସ କରାଇବା ସହ କୃଷକମାନଙ୍କ ରୋଜଗାରରେ ବୃଦ୍ଧି କରୁଛି । ଆମର ସିଭିଲ ଆଭିଏସନ କ୍ଷେତ୍ରରେ ବାୟୋ ଆଭିଏସନ ଟର୍ବାଇନ ଇନ୍ଧନକୁ ପରୀକ୍ଷା କରାଯାଇ ସାରିଛି ।

ସମଗ୍ର ତୈଳ ଏବଂ ଗ୍ୟାସ ମୂଲ୍ୟ ଶୃଙ୍ଖଳରେ ବେସରକାରୀ ଅଂଶଗ୍ରହଣ ପାଇଁ ଆମ ସରକାର ପ୍ରୋତ୍ସାହିତ କରୁଛନ୍ତି । ବୈଦେଶିକ ପୁଞ୍ଜି ନିବେଶ ପାଇଁ ଭାରତ ଏକ ଆକର୍ଷଣୀୟ ଲକ୍ଷ୍ୟସ୍ଥଳରେ ପରିଣତ ହୋଇଛି । ଏହି ମୂଲ୍ୟ ଶୃଙ୍ଖଳରେ ସାଉଦୀ ଆରାମକୋ, ଆଡନୋକ, ଟୋଟାଲ, ଏକ୍ସନ-ମୋବିଲ, ବିପି ଏବଂ ସେଲ ମାନଙ୍କ ଭଳି କମ୍ପାନୀ ସେମାନଙ୍କ ପୁଞ୍ଜିନିବେଶ ବୃଦ୍ଧି କରିବା ପାଇଁ ଚାହୁଁଛନ୍ତି ।

ଏକ ଗ୍ୟାସ ଆଧାରିତ ଅର୍ଥବ୍ୟବସ୍ଥାରେ ପରିଣତ ହେବା ପାଇଁ ଭାରତ ଦୃତ ଗତିରେ ଆଗେଇ ଚାଲିଛି । 16 ହଜାର କିଲୋମିଟରରୁ ଅଧିକ ଗ୍ୟାସ ପାଇପଲାଇର ନିର୍ମାଣ କରାଯାଇ ସାରିଲାଣି ଏବଂ ଅତିରିକ୍ତ 11 ହଜାର କିଲୋମିଟର ଏବେ ନିର୍ମାଣାଧୀନ ରହିଛି ।

ପୂର୍ବ ଭାରତରେ 3,200 କିଲୋମିଟର ଦୀର୍ଘ ଗ୍ୟାସ ପାଇପଲାଇନ ନିର୍ମାଣ କାର୍ଯ୍ୟ ଆରମ୍ଭ ହୋଇସାରିଛି । ଏହା ଉତ୍ତର-ପୁର୍ବ ଭାରତକୁ ଜାତୀୟ ଗ୍ୟାସ ଗ୍ରୀଡ ସହିତ ସଂଯୁକ୍ତ କରିବ ।

ସହର ଗ୍ୟାସ ବଂଟନର ଦଶମ ବିଡ ଏକ ମାସ ସମୟ ମଧ୍ୟରେ ପୁରଣ ହେବ । ଏହା 400ରୁ ଉର୍ଦ୍ଧ୍ଵ ଜିଲ୍ଲାକୁ ପରିବ୍ୟାପ୍ତ ହେବ । ଏହା ଦ୍ୱାରା ସହର ଗ୍ୟାସ ବଂଟନ ଜନସଂଖ୍ୟାର ଶତକଡା 70 ପ୍ରତିଶତ ଅଂଶକୁ କଭର କରିବାରେ ସମ୍ପ୍ରସାରିତ ହେବ ।

ଆମେ ଚତୁର୍ଥ ପିଢିର ଶିଳ୍ପ ବିପ୍ଲବ ଆଡକୁ ଆଗେଇ ଚାଲିଛେ । ନୂତନ ଜ୍ଞାନକୌଶଳ ଏବଂ ପ୍ରକ୍ରିୟା ମାଧ୍ୟମରେ ଏହା ଶିଳ୍ପମାନଙ୍କର ପରିଚାଳିତ ଢ଼ଙ୍ଗକୁ ପରିବର୍ତ୍ତିତ କରିବ । ସାମର୍ଥ୍ୟ ଓ ନିରାପତ୍ତା ବୃଦ୍ଧି ଏବଂ ମୂଲ୍ୟ ହ୍ରାସ କରିବା ପାଇଁ ଆମ କମ୍ପାନୀଗୁଡ଼ିକ ଅତ୍ୟାଧୁନିକ ବୈଷୟିକ ଜ୍ଞାନର ବ୍ୟବହାର କରୁଛନ୍ତି ।  ପରିଚାଳନା ଏବଂ ରିମୋଟ ପରିଚାଳନା ନିଶ୍ଚିତ କରିବା ପାଇଁ ଡାଉନଷ୍ଟ୍ରିମ ରିଟେଲ ଓ ଅପଷ୍ଟ୍ରିମ ତୈଳ ଓ ଗ୍ୟାସ ଉତ୍ପାଦନ କ୍ଷେତ୍ରରେ ଏହା କରାଯାଉଛି ।

ଏଇ ନିକଟ ବର୍ଷମାନଙ୍କରେ ଆମେ ଆନ୍ତର୍ଜାତିକ ଶକ୍ତି ଏଜେନ୍ସି ଏବଂ ଓପିଇସି ଆଦି ସଙ୍ଗଠନମାନଙ୍କ ସହ ଆମର ଆନ୍ତର୍ଜାତିକ ସମ୍ପର୍କକୁ ଗଭୀର କରିଛୁ । ଆମେ 2016ରୁ 2018 ପର୍ଯ୍ୟନ୍ତ ଆନ୍ତର୍ଜାତିକ ଶକ୍ତି ଫୋରମର ଅଧ୍ୟକ୍ଷତା କରିଛୁ । ଦ୍ୱିପାକ୍ଷିକ ପୁଞ୍ଜିନିବେଶ ମାଧ୍ୟମରେ ଆମେ ଆମ ପାରମ୍ପରିକ କ୍ରେତା-ବିକ୍ରେତା ସମ୍ପର୍କକୁ  ରଣନୈତିକ ଭାଗୀଦାରୀତାରେ ପରିବର୍ତ୍ତିତ କରିଛୁ । ଆମେ ମଧ୍ୟ ନେପାଳ, ବାଂଲାଦେଶ, ଶ୍ରୀଲଙ୍କା, ଭୁଟାନ ଏବଂ ମିଆଁମାର ସହିତ ଆମ ଶକ୍ତି ଭାଗୀଦାରୀତାକୁ ବୃଦ୍ଧି କରି ଆମ ‘ପଡୋଶୀ ପ୍ରଥମେ’ ନୀତିକୁ ବଳ ଦେଇଛୁ ।

ତୈଳ ଏବଂ ଗ୍ୟାସ କ୍ଷେତ୍ରର ବୈଶ୍ୱିକ କାର୍ଯ୍ୟାଧିକାରୀମାନଙ୍କ ସହିତ ମୁଁ ନିୟମିତ ଭାବେ ସମ୍ପର୍କରେ ରହିଆସିଛି । ବୈଶ୍ୱିକ କାର୍ଯ୍ୟାଧୀକାରୀ ମାନଙ୍କ ସହିତ ମୋର ଭାବ ବିନିମୟ ବେଳେ ମୁଁ ସବୁବେଳେ ଗୁରୁତ୍ୱାରୋପ କରିଆସିଛି ଯେ ତୈଳ ଓ ଗ୍ୟାସ କେବଳ ବ୍ୟବସାୟିକ ଜିନିଷ ନୁହନ୍ତି ବରଂ ଏଗୁଡ଼ିକ ହେଉଛନ୍ତି ଅତ୍ୟାବଶ୍ୟକତା । ରୋଷଇ ଘର ପାଇଁ ହେଉ, ଜଣେ ସାଧାରଣ ଲୋକ ପାଇଁ ହେଉ, କିମ୍ବା ବିମାନ ପାଇଁ ହେଉ, ଶକ୍ତି ଏକ ଅତ୍ୟାବଶ୍ୟକ କଞ୍ଚାମାଲ ।

ଅନେକ ଦିନ ଧରି ଅଶୋଧିତ ତୈଳର ମୂଲ୍ୟରେ କ୍ରମାଗତ ହ୍ରାସ-ବୃଦ୍ଧିକୁ ବିଶ୍ୱ ଦେଖିଆସିଛି । ଆମକୁ ଏକ ଦାୟିତ୍ୱ ସମ୍ପନ୍ନ ମୂଲ୍ୟଧାର୍ଯ୍ୟ ଆଡକୁ ଆଗେଇବାକୁ ପଡିବ ଯାହାକି ଉଭୟ ଉତ୍ପାଦକ ଏବଂ ଉପଭୋକ୍ତା ଉଭୟଙ୍କ ସ୍ୱାର୍ଥକୁ ସନ୍ତୁଳିତ କରିବ । ଆମେ ମଧ୍ୟ ଉଭୟ ତୈଳ ଓ ଗ୍ୟାସ ଲାଗି ଏକ ସ୍ୱଚ୍ଛ ଏବଂ ତନ୍ୟତା ବିଶିଷ୍ଟ ବଜାର ସୃଷ୍ଟି କରିବାକୁ ପଡିବ । ତେବେ ଯାଇଁ ମନୁଷ୍ୟତାର ଶକ୍ତି ଆବଶ୍ୟକତାକୁ ଆମେ ସର୍ବାଧିକ ଗୁରୁତ୍ୱର ସହ ସେବା ଦେଇପାରିବା

ଆଉ ଏକ ପ୍ରମୁଖ ବିଷୟ ହେଉଛି ପାଣିପାଗ ପରିବର୍ତ୍ତନ କ୍ଷେତ୍ରରେ ବିଶ୍ୱ ଏକାଠି ହେବାର ଆବଶ୍ୟକତା ରହିଛି । ମିଳିତ ଭାବେ ହିଁ ପ୍ୟାରିସଠାରେ ସିଓପି-21ରେ ଆମେ ଆମ ପାଇଁ ସ୍ଥିରୀକୃତ ଲକ୍ଷ୍ୟ ହାସଲ ଦିଗରେ ଆଗକୁ ବଢ଼ିବା ଆବଶ୍ୟକ । ଏହାର ସଂକଳ୍ପବଦ୍ଧତାକୁ ପୂରଣ କରିବାରେ ଭାରତ ଦୃତ ପ୍ରଗତି ହାସଲ କରିଛି । ଲକ୍ଷ୍ୟ ହାସଲ କରିବା ନେଇ ଆମେ ସଠିକ ବାଟରେ ରହିଛେ ।

ଶକ୍ତି କ୍ଷେତ୍ରର ଭବିଷ୍ୟତ ସମ୍ବନ୍ଧରେ ଗଭୀର ଭାବେ ଚିନ୍ତା କରିବା ପାଇଁ ପେଟ୍ରୋଟେକ ଏକ ସଠିକ ଭିତ୍ତିଭୂମି ପ୍ରଦାନ କରିଛି । ବୈଶ୍ୱିକ ପରିବର୍ତ୍ତନ, ନୀତି ଏବଂ ନୂତନ ଜ୍ଞାନକୌଶଳ କିପରି ଭାବେ ବଜାର ସ୍ଥିରତା ଏବଂ ଏହି କ୍ଷେତ୍ରରେ ଭବିଷ୍ୟତ ପୁଞ୍ଜିନିବେଶକୁ ପ୍ରଭାବିତ କରିବ ସେ ନେଇ ପ୍ରତିଫଳନ କରିବା ପାଇଁ ପେଟ୍ରୋଟେକ ଏକ ଉତ୍ତମ ଭିତ୍ତିଭୂମି ।

ମୁଁ ଆପଣମାନଙ୍କୁ ସମସ୍ତଙ୍କୁ ଏକ ଫଳପ୍ରଦ ସମ୍ମିଳନୀ ପାଇଁ ଶୁଭକାମନା ଜଣାଉଛି ।

ଧନ୍ୟବାଦ ।

**********