ভারতকী প্রধানমন্ত্রী
হান্নগী প্রধান মন্ত্রী শ্রী অতল বিহারী বাজপায়গী অয়েকপা শক্তম অমা ভারতকী রাষ্ট্রপতি শ্রী রাম নাথ কোবিন্দনা পর্লিয়ামেন্তকী সেন্ত্রেল হোলদা মায়খুম হাংদোকখ্রে।
থৌরম অদুদা উপ-রাষ্ট্রপতি শ্রী বেনকাইয়া নাইদু, প্রধান মন্ত্রী শ্রী নরেন্দ্র মোদী, লোক সভাগী অধ্যক্ষ শ্রীমতী সুমিত্রা মহাজন অমসুং শক্নাইরবা কয়ানা শরুক য়াখি।
থৌরম অদুদা তিনখিবা মীয়ামদা প্রধান মন্ত্রীনা ৱা ঙাংখি। ত্বিতরদা থাগৎপা পরিং অমদা প্রধান মন্ত্রীনা হায়খি:
“হৌজিক্ততগী, মতম পুম্নমক্তা অতলজী পরর্লিয়ামেন্তকী সেন্ত্রেল হোলদা লৈদুনা ঐখোয়বু পুক্নীং থৌগৎপীরগনি অমসুং থৌজাল পীবীরগনি।
করিগুম্বা ঐখোয়না অতলজীনা তৌবীরম্বা অফবশিংগী মতাংদা ৱারী শান্নবা হৌখ্রগদি, মদুনা পুং কয়া কয়া চংগনি।
অতলজীগী শাংখ্রবা পোলিতিকেল কেরিয়র অমা লৈরি, কেরিয়র অদুগী শাংখ্রবা শরুক অমদি ওপোজিসন্দা লেনখি।
অদুম ওইনমক, মহাক্না মীয়ামগী য়াইফনবগী ৱাফমশিং মখা তানা পুখৎখি অমদি কৈদৌনুংদা মহাক্কী অইদোলোজীদগী নাথৈখিদে।
অতলজীগী ৱাহৈদা শক্তি য়াওই অমদি তুমিন্না লৈবদসু শক্তি অদুমক য়াওই।
মহাক্কী কম্মুনিকেসনগী হৈথোই শিংথোইবা অদু চাংদম্নীংঙাই লৈতে। মহাক্কী পুক্নীং মতাদা অচৌবা ইহুল অমা লৈরি।”
