ভারতকী প্রধানমন্ত্রী

প্রধান মন্ত্রী শ্রী নরেন্দ্র মোদী ২০১৯গী ফেব্রুৱরী ১২দা হরিয়নাগী কুরুক্ষেত্রদা চৎকনি। মহাক্না নুপী সর্পঞ্চশিংগী কনবেন্সন অমা ওইরিবা স্বচ্ছ শক্তি ২০১৯দা শরুক য়াগনি অমদি স্বচ্ছ শক্তি-২০১৯ মনা য়েন্থোক্কনি। প্রধান মন্ত্রীনা কুরুক্ষেত্রদা পাংথোকপা স্বচ্ছ সুন্দর শৌচালয় একজিবিসনদা চৎকনি অমসুং মীয়ামগী মীফমদা ৱা ঙাংগনি। প্রধান মন্ত্রীনা হরিয়নাদা দিবেলপমেন্ত প্রোজেক্ত কয়াসু শঙ্গাগনি/উরেপ উয়ুং তমগনি।

স্বচ্ছ শক্তি-২০১৯ অসি জাতিগী থৌরম অমনি মদুনা স্বচ্ছ ভারত মিসনদা খুঙ্গংগী নুপীশিংনা লৌরিবা লুচিংবগী থৌদাং অদুদা মীৎয়েং থম্নবা পান্দম থম্লি। থৌরম অসিদা লৈবাক্কী মফম কয়াদগী নুপী সর্পঞ্চশিং অমসুং পঞ্চশিংনা শরুক য়াগনি। চহী অসিগী স্বচ্ছ শক্তি থৌরমদা নুপীশিংদা শক্তি শিন্নবদা মীৎয়েং থম্দুনা নুপী ১৫০০০না শরুক য়ারবা য়ারি হায়না পানরি।

স্বচ্ছ শক্তি-২০১৯ অসি দ্রিঙ্কিং ৱাতর অমসুং সেনিতেসনগী মন্ত্রালয়না হরিয়নাগী সরকারগা পুল্লগা পাংথোকপনি। মখোয়না স্বচ্ছ ভারতকীদমক খুঙ্গংগী লমদমশিংদা গ্রাস রূৎকী থাক্তগী খ্বাইদগী ফবা প্রেক্তিসশিং শেয়র তৌগনি। থৌরম অসিনা স্বচ্ছ ভারত অমসুং হন্দক্তা পয়খৎখিবা তোপ তোপ্পা অমদি ৱার্ল্দ কেম্পেন্দা অসিগুম্বা মখলগী অহানবা ওইরিবা স্বচ্ছ সুন্দর শৌচালয়গী এচিবমেন্তশিং উৎকনি।

য়ুমফম:

প্রধান মন্ত্রী নরেন্দ্র মোদীনা স্বচ্ছ শক্তি প্রোগ্রাম অসি অহানবা ওইনা ২০১৭তা গুজরাতকী গান্ধীনগরদা হৌদোকখি। লৈবাক্কী মফম কয়াদগী নুপী সর্পঞ্চ ৬০০০না স্বচ্ছ শক্তি ২০১৭কী বেনর মখাদা মালেমগী নুপীশিংগী নুমীৎকী থৌরমদা গুজরাত্তা পুনখি। প্রধান মন্ত্রীনা মখোয়বু ইকায় খুম্নখি অমসুং ৱা ঙাংখি।

অনিশুবা স্বচ্ছ শক্তি থৌরম, স্বচ্ছ শক্তি-২০১৮ উত্তর প্রদেশকী লখনৌদা পাংথোকখি। থৌরম অদুদা লৈবাক্কী মফম কয়াদগী নুপী সর্পঞ্চ ৮০০০, নুপী স্বচ্ছগ্রহি ৩০০০ অমসুং অতোপ্পা খোংথাংশিংগী নুপী চেম্পিয়নশিংনা শরক য়াখি।
হৌজিক অহুমশুবা এদিসন অসি কুরুক্ষেত্রদগী হৌদোক্লগনি।

খোংজং অসি ২০১৯গী ওক্তোবর ২ ফাওবদা লু নানবা অমসুং মপান্দা অমাং-অশোই তৌদবা ভারত অমা ওইহন্নবা পান্দম থম্দুনা প্রধান মন্ত্রী শ্রী নরেন্দ্র মোদীনা ২০১৪গী ওক্তোবর ২দা হৌদোকখিবা স্বচ্ছ ভারত মিসনগী মখাদা চত্থরিবা থৌরমশিংগী শরুক অমনি।