ভারতকী প্রধানমন্ত্রী
প্রধান মন্ত্রী শ্রী নরেন্দ্র মোদীনা লুচিংবা কেন্দ্রগী মন্ত্রীমন্দলনা পতনা মেত্রো রেল প্রোজেক্ত (i) দানাপুরদগী মিথাপুর অমসুং (ii) পতনা জঙ্কসনদগী ন্যু আই.এস.বি.তি. ফাওবা কোরিদোর অনি লুপা কোতি ১৩,৩৬৫.৭৭ চংনা শেমগৎপদা অয়াবা পীখ্রে।
প্রোজেক্তকী অকুপ্পা ৱারোল:
পতনা মেত্রো প্রোজেক্তকী শম্লকপা ৱাফম:
পতনাগী অপুনবা মীশিং লাখ ২৬.২৩না লৈরিবা অপুনবা মফম পুম্নমক পতনা মেত্রো রেল প্রোজেক্তনা দাইরেক্ত ওইনা নত্রগা ইনদাইরেক্ত ওইনা কানবা ফংহল্লগনি।
অয়াবা পীরবা কোরিদোর অসিদা রেলৱে স্তেসনশিং অমসুং আই.এস.বি.তি. স্তেসনগা লোয়ননা মল্তিমোদেল ইন্তিগ্রেসন ওইরগনি অমসুং মসিদা বসশিংগী ফীদর নেৎৱার্ক, ইন্তর্মেদিয়েৎ পব্লিক ত্রান্সপোর্ত (আই.পি.তি.) অমসুং নন মোতোরাইজ ত্রান্সপোর্ত (এন.এম.তি.) ফংলগনি।
প্রোজেক্ত অসিনা মসিগী মেত্রো রেল কোরিদোর অসিগা লোয়ননা রেসিদেন্সিয়েল এরিয়াশিংবু চাউনা কানহল্লগনি। মফমশিং অসিগী মীওইশিংনা শহরগী অতোপ্পা মফমশিংদা য়াম্না লাইনা য়ৌবা ঙম্নবগীদমক মখোয়গী মনাক নকপদা লৈবা স্তেসনদগী মেত্রো রেল তোংদুনা চত্থোক চৎশিন তৌবা ঙমহল্লগনি।
