ভারতকী প্রধানমন্ত্রী

প্রধান মন্ত্রী শ্রী নরেন্দ্র মোদীনা ঙসি সিওলগী য়োনসৈ য়ুনিবর্সিতীদা মহাত্মা গান্ধীগী খ্বাং ফাওবগী মীতম অমা মায়খুম হাংদোকখ্রে।

থৌরম অদুদা রিপব্লিক ওফ কোরিয়াগী রাস্ত্রপতি, শ্রী মুন জে–ইন, রিপব্লিক ওফ কোরিয়াগী ফাস্ত লেদী, কিম জুং–সুক, অমসুং য়ুনাইতেদ নেসন্সকী হান্নগী সেক্রেতরী জেনরেল, শ্রী বান কি–মুন শরুক য়াখি।

থৌরম অদুদা ৱা ঙাংলদুনা, য়োনসৈ য়ুনিবর্সিতীদা বাপুগী খ্বাং ফাওবগী মীতম মায়খুম হায়দোকপা অসি ইকায় খুম্নবীবা অমনি হায়না প্রধান মন্ত্রীনা ফোংদোকখি।

মসি হেন্না অখন্নবা অমা ওইহল্লে মরমদি ঐখোয়না বাপুগী চহী ১৫০শুবা মপোক কুমওন পাংথোক্নবা শেম শারিবা মতম অসিদা মসি পাংথোক্লি হায়না প্রধান মন্ত্রীনা ফোংদোকখি।

মতম অসিদা মীওইবা জাতিনা মায়োক্নরিবা তেরোরিজম অমসুং ক্লাইমেৎ চেঞ্জনা কিহল্লক্লিবা অসি লাকথুবদা মতেং পাংনবা শক্তি অদু বাপুগী ৱাখল্লোন্দা লৈরি হায়না প্রধান মন্ত্রীনা হায়খি।

মহাক্কী পুন্সী মহিংগী থোংদা বাপুনা মহৌশাগা লোয়ননা মত তিন্ননা লৈবা অদু উৎপীরম্মি। তুংগী চারোল শুরোলগীদমক তরু তনানবা অমসুং অশংবা প্লানেৎ অমা থম্বিরম্বা মরু ওই হায়নসু মহাক্না উৎপীরম্মি হায়না প্রধান মন্ত্রীনা মথা তাখি।

য়োনসৈ য়ুনিবর্সিতী অসি খা কোরিয়াদা খ্বাইদগী মমিং চৎপা য়ুনিবর্সিতীশিংগী মরক্তা অমনি।

খা কোরিয়াদা মহাত্মা গান্ধী অসি মালেমগী শান্তিগী শক্তম অমগুম ভক্তি তৌনৈ।