ভারতকী প্রধানমন্ত্রী

ফম্বাকথক্তা লেংশিনবীরিবা লৈবাক অসিগী অহানবা মপাল থৌরম পুবা নুপী মন্ত্রী ইচন্নুপী সুশ্মা স্বরাজ, জেনরেল বি.কে. সিংহ, বিনয় সহস্ত্রবুদ্ধে অমদি মালেম অসিগী লৈবাক কয়াদগী লেংবীরক্লিবা শক্নাইরবা পুম্নমকপু ঐহাক্না থম্মোয় শেংনা তরাম্না ওকচরি।

ঐখোয়গী লৈবাক অসিদা হিন্দুগী চৎন লোনচৎতা তীর্থয়াত্রা তৌরুরগা হল্লকপা মীওই অদুদা খুরুমজরগদি তীর্থয়াত্রা অদুদা মহাক্না ফংলকপা পুন্য অদুগী শরুক খরা খুরুমজরিবা অদুনা ফংই হায়না লৌনৈ অদুনা ঐহাক্কীদমক্তদি হরাওনীংঙাই ৱাফম্নি মদুদি ময়াম পুম্নমক তাংলবা কলচরেল হেরিতেজকী তীর্থয়াত্র তৌরুদুনা লাক্লি অমদি ঙসি ঐহাক্না ময়ামগা উনজবগী তঞ্জা ফংজরে, অদুনা অদোম্না তৌরুরিবা পুন্য অদুগী শরুক খরাদি ঐহাক্না ফংজরে।

খুম্ভগী মেলা অসি মফম অদুদা চৎলুদ্রিবা মখৈ চহী লিশিং কয়াদগী চৎনরক্লিবা কয়া কাম্না চাউবা ত্রেদিসন্নো হায়বদু খঙবা ঙমদে। করিগুম্বা মখল অমত্তগী পাওজেল দরকার ওইদে। মীখুংলেন অমত্তা লৈতে, থৌরম মপু অমত্তা লৈতে। অদু ওইরবসু ইমা গঙ্গাগী খুয়াখাদা অমদি কুম্ভ পাংথোক্লিবা মফম অদুদা লৈবাক পুম্বগী মীওইশিং অমদি মালেম পুম্বগী মীওইশিং য়ৌরকই।

অদুগা ময়াম্না উবদা অঙকপা ফাওরিবা, অদোমগী পুক্নীংদা থুমহৎপা ফাওরিবা অসিসু পুর্ন কুম্ভ নত্তে, অর্ধ কুম্ভগী অসুক য়াম্না কনবা শক্তি লৈরগদি করিগুম্বা পুর্ন কুম্ভ ওইরগদি করম্বা ফিভম ওইগনি হায়বদু ময়াম্না খনবা ঙমলম্লগনি।

কলচরেল ওইবা মওংদা ভারত্তা য়ুনিতীবু য়াম্না চাউনা পুক্নীং থৌগৎলি। মসিগী চৎনবী মওং মতৌ অসি অমরোমদা স্পিরিচুয়েল ইন্সপিরেসন ওইজরবসু সোসিয়েল রিফোর্মগী খোংজংগী শরুক অমনি। অমরোমদা মসি মতম অদুগী পঞ্চায়ৎনি, মতম অদুগী দেমোক্রেতিক ফ্রেমৱার্ক ওইগনি মরমদি ধর্মগী লুচিংবা ওইগেরা সোসিয়েল লীদর ওইগেরা একাদেমিসিয়ন ওইগেরা, মখোয়না চহী অহুম ফাওবা মখোয় মখোয়গী লমদমদা কোয়চৎ চৎলম্মি, মীয়ামগা উন্নরম্মি, ৱারী শানরম্মি অমদি চহী অহুমগী মনুংদা পংচাউ চাউদবা কুম্ভ অমা পাংথোক্লম্মি, মফম অদুদা ময়াম ফম্মিন্নদুনা নুমিৎ ৪০–৪৫ ফাওবা হিন্দুস্তানগী করম্বা মফমদা করি চত্থরি হায়বদু অফ–ফৎতা খন্নরম্মি। অদুগা মদুদা ৱারেপ অমা নত্ত্রগা অমা লৌনরম্মি।  

ভারত তুরিজমগী দেস্তিনেসন অমা ওইরক্লগনি মরমদি মালেম অসিনা শান্তি থিরি। পর্সনেল ওইবা পুন্সি মহিংদগীসু মখোয়না মীকুপ খরা মশাগী ওইনা, মশাগী ইন্তর্নেলগীদমক লেনবা পাম্লি। লন–থুম, অরং–অরাক, চাউখৎপা, অচৌবা হোতেল পুম্নমক অসি অদোম্বু ইম্প্রেস তৌই অদুবু ইন্সপায়রদি তৌবা ঙম্দে। মখোয়না ইম্প্রেসিব ৱার্ল্দা পেল্লদুনা ইন্সপাইরিং ৱার্ল্দ থিরি।

নুমিৎ খুদিংগী গঙ্গাগী তোর্বান্দা মখল অমগী য়ুরোপকী লৈবাক অমা অমত্তা ওইনা পুল্লরি। মসিগী অঙকপা উন্নবগী প্রোগ্রাম অসি মালেম অসিগী মীয়াম্না ঙসি উরে অমদি ভারতনা অসিগুম্বা মখলগী অহানবা ওইনা হোৎনবনি। অদোম্না লেংবীরক্তুনা ঐখোয়না হোৎনরিবা অসি মায় পাকহনবদা চাউরবা থৌদাং লৌবীরি। মরম অদুনা ময়াম পুম্নমকপু তৌবীমল খঙবা উৎচরি। অদোম্বু হন্না–হন্না থাগৎচরি।

অদুগা ঐহাক্না থাজবা থম্লি মদুদি মালেম অসিনা ভারতকী অনৌবা ভারতপুসু শকখঙবীগনি অমদি মমল নাইদ্রবা ত্রেদিসনশিংনা ভারতপু মালেম অসিনা মশক খঙনবা হোৎনগনি। লাক্কদৌরিবা নুমিৎশিংদা ঐখোয়গী লমদম অসিদা পর্লিয়ামেন্তকী মীখল পাথোক্লগনি। মীওই মিলিয়ন ৮০০ হেনবনা নীয়ম চুম্না ভোৎ থাদগনি। মদুগী মেকানিজম পুম্নমক অদু, মালেম অসিগী খ্বাইদগী চাউবা মীখল ওইরি।

মালেম অসিগী খ্বাইদগী চাউবা… অদুগা ঐহাক্না হোৎনগদৌরিবা অদুদি… ঐহাক্নদি ইলেক্সন কমিসন্দসু হায়খ্রে মদুদি মালেম অসিগী লৈবাক খুদিংমক্না ভারতকী ইলেক্সন তুরিজমগীদমক থোরক্নবা… হিন্দুস্তানগী তুরিজমবু য়েংনবা অদুগা ভোৎ থাদবা নুমিৎ খক্তা নত্তনা কনা কনাগুম্বনা মার্চ থাদা লাকসনু, কনা কনাগুম্বনা মার্চকী অনিসুবা হপ্তাদা লাকসনু, কনা কনাগুম্বনা মার্চকী অহুমশুবা হপ্তাদা লাকসনু, কনা কনাগুম্বনা এপ্রিলদা লাকসনু, কনা কনাগুম্বনা মে থাদা লাকসনু, লেপ্পা নাইদনা মালেমগী লৈবাক খুদিংমক্তগী মীহুৎ অনি–অনি হপ্তা খুদিংগী মফম অসিদা লাক্তুনা ভারত্তা দেমোক্রেসী অসি মীওই কয়াগী শিংলিদা য়াওবগে হায়বদু য়েংশনু।

অদোম্না অক্ষ্যবতপু উবা মতমদুদা, ভারতকী মীয়ামগীদি অক্ষ্যবত ভক্তি তৌনরিবা অমনি, অদুবু অদোম্না অদুগুম্লবা ভক্তি তৌনরিবা অদু খঙদ্রবসু লৈবাক অসিনা প্রকৃতিবু কয়া য়াম্না নুংশিজবগে হায়বদু অদোম্না খঙবা ঙমলমগনি। মদুদি চহী লিশিং কয়াদগী উপাল অমবু লাত্তুনা খুন্নাই অদুনা উপাল ৱাপালশিংদসু ইশ্বরবু উজবা ফংজরি, করিগুম্বা অসিগুম্লবা সমাজ অসিবু কনা কনাগুম্বনা খঙবা ঙম্লগদি কৈদৌনুংদা ক্লাইমেৎ চেঞ্জ নত্ত্রগা গ্লোবেল ৱার্মিংগী সমস্যাশিং মায়োক্নরম্লোই, করিগুম্বা ৱাফম অসি ঐখোয়না হান্ননা খঙলম্বা তারগদি!

মদু শুপ্নতগী উপাল অমা উরুবা নত্তে। মদু ভারতকী মীয়াম্না মদুগী মাইথোলোজী অদু খঙবা ওইরম্বা য়াই। ভারতকী মীয়ামগীদি মদু ওইরমগনি অদুবু মাইথোলোজী অদু খঙদবা মখোয়শিং অদুগী মফমদদি ঐখোয়না উ পাম্বীদসু ইশ্বরবু উজরি। অক্ষ্যবতপু খুরুমজবা ওইগেরা, তুরেলগী মফমদা ভক্তি ওইগেরা, অপ–তু–দেত মেনেঞ্জমেন্তকী ৱাফম ওইগেরা, মায়কৈ অমা হেক্তদা য়েংবদা মালেম অসিগীদি কেস স্তদীনি, য়ুনিবর্সিতীশিংগী ওইনদি কেস স্তদীনি অমদি ভারতকী মায়কৈদা পুক্নীং চিংশিনবা হেঙ্গৎহন্নবা, ভারতকী ফাওরবা ত্রেদিসনশিং, মীওইবা জাতিগী য়াইফনবা লম্বী উৎলিবা ত্রেদিসনশিংনি, মীৎয়েং অসিদগীসু য়াম্না মরু ওই। অসিগুম্লবা মরুওইবা তঞ্জা অসিদা ময়াম্না লেংবীরকপা অসি ঐহাক্কীদমক্তা য়াম্না চাউথোকচনিঙই ৱাফম্নি, নুঙাইরবা ৱাফম্নি।

ঐহাক্না অমুক হন্না ময়াম পুম্নমকপু থম্মোয় শেংনা তরাম্না ওকচরি। অমদি অদোম্না মফম অসিদা লৈথনবা ফংলিবা মতমশিং অদু ভারতপু মমুৎ তানা খঙনবা হোৎনবদা মতম অদু শিজিন্নগনি অমদি ইশা ইশাগী ইরমদমদা চৎতুনা হিন্দুস্তানগী মরমদা পাওদমলুগনি হায়না থাজবা থমজরি। তশেংনা হায়রবদা অদোম্না ভারতকী অসিগুম্লবা অথোইবা ত্রেদিসন অসিগী এম্বেসেদর ওইদুনা অমুক হল্লকখিগনি, মসিমক ময়াম পুম্নমক্কী মফমদা ঐহাক্না য়াইফ পাওজেল পীজরি।

হন্না–হন্না থাগৎচরি।