ভারতকী প্রধানমন্ত্রী
প্রধান মন্ত্রী শ্রী নরেন্দ্র মোদী ২০১৯গী মার্চ ৮দা উত্তর প্রদেশকী বরানসী, কানপুর অমসুং ঘাজীয়াবাদতা চৎকনি। মহাক্না রাজ্য অসিগীদমক চাউখৎ থৌরাংগী প্রোজেক্ত কয়া অমা মায়খুম হাংদোক্কনি।
বরানসীদা
প্রধান মন্ত্রীনা বরানসীদা কাশি বিশ্বনাথ তেম্পলদা চৎকনি। মহাক্না কাশি বিশ্বনাথ তেম্পলগী লম্বী-থোং, প্রোজেক্ত অসি ফজহন্নবা অমদি মপাঙ্গল হেঙ্গৎহন্নবা উরেপ-উয়ুং তমগনি। তুংদা প্রধান মন্ত্রীনা প্রোজেক্ত সাইত্তা চত্তুনা য়েংশিনগনি।
বরানসীদা প্রধান মন্ত্রীনা দীনদয়াল হস্থকালা সঙ্কুলদা পাংথোকপা নেস্নেল ৱুমেন লাইবলিহুদ মীত-২০১৯দা শরুক য়াগনি। মহাক্না ৱুমেন সেলফ হেল্প গ্রুপ মঙাদা থাগৎপগী চিথীশিং য়েন্থোক্কনি। ৱুমেন সেলফ হেল্প গ্রুপশিংগী মীহুৎশিংনা মখোয়গী এক্সপিরিয়েন্সশিং অদুসু প্রধান মন্ত্রীদা পাওদমগনি।
প্রধান মন্ত্রীনা বেনেফিসরীশিংদা ইলেক্ত্রিক চোক, সোলর চর্খা অমদি চেকশিং য়েন্থোক্কনি।
দীনদয়াল অন্ত্যোদয়া য়োজনা-এন.আর.এল.এম, উত্তর প্রদেশনা তেংবাংলিবা ৱুমেন সেলফ হেল্প গ্রুপশিংনা ‘ভারত কে বীর’ ফন্দা তেংবাংনবগীদমক প্রধান মন্ত্রীগী মফমদা চেক খুৎশিন্নগনি।
প্রধান মন্ত্রীনা মীয়ামগী মীফমদসু ৱা ঙাংগনি।
কানপুরদা
প্রধান মন্ত্রীনা অনৌবা ৬৬০ মেগাৱাৎ ইলেক্ত্রিসিতী পুথোক্লিবা অমদি দিস্ত্রীব্যুসন য়ুনিৎ ওইরিবা পানকী পৱার প্লান্ত মায়খুম হাংদোক্কনি। প্রধান মন্ত্রীনা লখনৌ মেত্রো রেল প্রোজেক্ত হৌদোক্কনি। মহাক্না ভিদিও লিঙ্ককী খুত্থাংদা সি.ঐচ. চরন সিংহ এয়রপোর্ত স্তেসন, লখনৌদগী মেত্রো রেলসু লমথাগনি। প্রধান মন্ত্রীনা আগ্রা মেত্রো রেল প্রোজেক্তকীদমক উরেপ-উয়ুং তমগনি।
প্রধান মন্ত্রীনা পি.এম.এ.ৱাই.গী বেনেফিসরীশিংদা শোজৈশিংসু য়েন্থোক্কনি।
তুংদা প্রধান মন্ত্রীনা থৌরম অসিদা তিল্লিবা মীয়ামদসু ৱা ঙাংগনি।
ঘাজীয়াবাদতা
প্রধান মন্ত্রীনা মেত্রোগী দিলশাদ গার্দেন – শহীদ স্থল (ন্যু বস অদ্দা) সেক্সন হৌদোক্কনি। মহাক্না শহীদ স্থল মেত্রো স্তেসন্দগী মেত্রো রেল লমথাগনি। মসিগী লৈমাই মথক্তা চেনবা মেত্রো কোরিদোর অসিদা স্তেসন ৮ লৈগনি।
হিন্দোন এয়রপোর্ত সিভিল তর্মিনেল, ঘাজীয়াবাদতা প্রধান মন্ত্রীনা হিন্দোন এয়রপোর্ত সিভিল তর্মিনেল শঙ্গাগনি। মসিগী হিন্দোন্দা লৈরিবা অনৌবা সিবিল এয়রপোর্ত তর্মিনেল অসিনা নোংচুপ থংবা উত্তর প্রদেশ অমসুং এন.সি.আর. রিজনগী পেসেঞ্জরশিংবু দোমেস্তিক ফ্লাইতশিংগী ওপরেসনদগী কান্নবা ফংলগনি।
প্রধান মন্ত্রীনা দিল্লী-ঘাজীয়াবাদ- মীরুৎ আর.আর.তি.এস.কী উরেপ-উয়ুং তমগনি। মসি অহানবা হাই স্পীদ অমসুং হাই ফ্রিক্বেন্সী রেলদা য়ুমফম ওইবা রিজনেল রেপিদ ত্রাঞ্জীৎ সিস্তেম (আর.আর.তি.এস.) প্রোজেক্ত অমনি।
প্রধান মন্ত্রীনা ঘাজীয়াবাদতা মহৈ-মশিং, হাউজিং, থক্নবা ঈশিং, সেনিতেসন অমসুং সিৱেজ মেনেজমেন্তকী ওইবা চাউখৎ-থৌরাংগী প্রোজেক্ত কয়া অমসু মায়খুম হাংদোক্কনি।
মহাক্না তোঙান তোঙানবা স্কিমশিংগী বেনেফিসরীশিংদা সর্তিফিকেৎশিং য়েন্থোক্কনি।
তুংদা মহাক্না মীয়ামগী মীফমদা ৱা ঙাংগনি।
