ভারতকী প্রধানমন্ত্রী
প্রধান মন্ত্রী নরেন্দ্র মোদীনা লুচিংবা কেন্দ্রগী মন্ত্রীমন্দলনা তেক্সতাইল সেক্তর শৌগৎনবা রাজ্য অমসুং কেন্দ্রগী তেক্সশিং রিবেৎ তৌনবা স্কিম অয়াবা পীরে। মসিনা ফিরোলশিং মপান্দা থাদোকপা অমসুং মেদ-অপশিং জিরো রেতেদ ওইহন্নবা তোঙান-তোঙানবা থৌরাংশিং সরকারনা লৌখৎপা ঙমহনগনি।
অকুপ্পশিং: ।
হৌজিক এপ্যরেল অমসুং মেদ-অপ কাংলুপ অসি রিবেৎ ওফ স্তেৎ লেভিজ (আর ও এস এল )গী মখাদা শৌগৎলি। অদুম ওইনমক মপানদা থাদোকপদা রাজ্য অমসুং কেন্দ্রগী তেক্সশিং মখা তানা লৌখিগনি। মন্ত্রীমন্দলগী ৱারেপ অসিনা ভারতকী তেক্সতাইল মপান্দা থাদোকপগী চাদা ৫৬ রোম ওইরিবা এপ্যরেল অমসুং মেদ-অপশিংগী রাজ্য অমসুং কেন্দ্রগী তেক্সশিং রিবেৎ তৌনবগী স্কিম অমা হৌদোক্নবা খন্নখিবনি। তেক্স/লেভিজশিং রিবেৎ তৌনবগী অয়াবা অসি নোতিফাইদ তৌরবা রেৎশিংদা আই তিনা লমজিংবা স্ক্রিপ সিস্তেম অমগী খুৎথাংদা পাংথোক্কনি। ।
কান্নবশিং: ।
পায়খৎনবা খন্নরিবা থবকশিং অসিনা তেক্সতাইল সেক্তর অসি চাংদম্নবা হেনগৎহনগনি হায়না থাজনরি। এপ্যরেল অমসুং মেদ-অপশিংগী রাজ্য অমসুং কেন্দ্রগী তেক্সশিং রিবেৎ তৌবা অসিনা মপান্দা থাদোকপা অসি তেক্স অমত্তা লৌদবা ওইহনগনি। মসিনা মপানদা থাদোকপগী কৈথেলদা ভারতনা চাংদম্নবদা শরুক য়াবা হেনগৎহনগনি অমসুং তেক্সতাইল অমসুং এপ্যরেল সেক্তর চাউখৎহনগনি। ।
