ভারতকী প্রধানমন্ত্রী

ভারত ইমানা – য়াইফরে

ভারত ইমানা – য়াইফরে

ভারত ইমানা – য়াইফরে

মশিং য়াম্না লেংবীরক্লিবা খুন্নাইগী শক্নাইরবা পুম্নমক।

অসিগুম্লবা শেংলবা থৌরম অসিদা অদোম ময়ামগী মরক্তা লাকচনবা চেবাও ফংজবা অমদি অদোম ময়ামগী থৌজাল ফংজনবা পুন্য ফংজবা অসি ঐহাক্কী লাইবক ফবনি।

ঐখোয়গী লৈবাক অসিদা মালেমগী মীয়াম্না ঐখোয়গী ধর্ম, ঐখোয়গী চৎনবী, ঐখোয়গী নাৎ খঙবা অসি য়াম্না চাউবা থবক্নি, য়াম্না লুবা থবক্নি। মদুমক ঐখোয়গী থোইদোক হেন্দোকপা অমনি। ঐখোয়না নীংজরিবা অদুগী মতুং ইন্না ঈশ্বরসু হোংই। নীংজরিবা অদুনা মশা-মউ ফবা ওইরগদি ঈশ্বর অদু হনুমান ওইরি, নীংজরিবা অদুনা মহৈ-মশিংদা নীংজবা ওইরগনা ঈশ্বর অদু সরস্বতী ওইরি, নীংজরিবা অদুনা শেল-থুমদা নীংজবা ওইরগদি ঈশ্বর অদু লক্ষ্মী ওইরি।

নীংলিবা মীওই অদুগী মতুং ইন্না ঈশ্বর মদুমক ঐখোয়গী থোইদোক হেন্দোকপা অমা ওইরি অমদি মসিগী থোইদোক হেন্দোকপা অসিগী শরুক অমা ওইনা ঙসি চপ চাবা মওং-মতৌদা দেবী অন্নপুর্না ইমাগী তীর্থয়াত্রাগী মফম ঙসি শঙ্গাখ্রে। অদুগা নুংঙাইরিবা ৱাফমদি মসি ঐখোয়গী লৈবাক্কী থোইদোক হেন্দোকপা ওইদুনা লাক্লি, অদোম্না গুজরাত খক্তদা য়েংবীয়ু, মায়কৈ অমা হেক্তদা অদোম্না কিলোমীতর ২০-২৫-৩০ চৎপীয়ু, মায়কৈ অমা হেক্তদা চান-থক্নবা অমদি পোত্থাফমগী খুদোংচাবা ফংগনি, মায়কৈ অমা হেক্তদা চৎপীয়ু, কিলোমীতর ২০দগী ৩০ ফাওবদা মফম অমা নত্ত্রগা অমদা লাইনীংবা-লম্বোইবশিংগী লৈফম  অমা নত্ত্রগা অমা, মন্দির অমা নত্ত্রগা অমা, লাইনীংবা অমা নত্ত্রগা অমা ফমদুনা লৈরমগনি। য়ুমদা লাকপা অমত্তা চরা হেন্দুনা চৎহনখিদবা, করিগুম্বা নুমীদাং লেকপা তারবসু লেকফম চাফম শিনবা, মসি হিন্দুস্তানগী কাচিন কোয়া খুদিংদা চহী লিশিং কয়াদগী চৎনরক্লবা চৎনবীনি।

ঙসি ইমা অন্নপুর্না ধাম শাবগা লোয়ননা তুংগী চারোল-শুরোলগী তাকপী-তম্বীবা অমদি ধর্ম-কর্মগীদমক মহৈলোইশংগী সিস্তেম, খুন্নাইদা শোত্থরবা ইমুং মনুংশিংগী অঙাংশিংনা মফম অসিদা লাকপা, মখোয়দা অফবা মখলগী খুদোংচাবা ফংহনবা অমদি মখোয়গী পুন্সিদা চাউখৎপা পুরকনবা তঞ্জা ফংজনবা কলচরেল হেরিতেজদা এজুকেসনগী ত্রেদিসনবু শম্নহনবগী থবক অদোম ময়াম্না তৌবীরি। নরহরী ভাই অদোম অমদি অদোমগী অপুনবা তীম্বু অমসুং তেংবাংলকপা পুম্নমকপু ঐহাক্না হন্না-হন্না তৌবীমল খঙবা উৎচরি।

ঐখোয়গী লৈবাক অসিদা হৌজিক্তি চৎনবী অসি লৈরে মদুদি থবক পুম্নমক সরকারনা তৌগদবনি অদুগা করিগুম্বা তৌদ্রগনা সরকারদগী পাওখুম ঙায়বা। ভারত্তা মসিগী ত্রেদিসন অসি লৈরমদে, ভারত্তা অসিগুম্বা চৎনবী লৈরমদে। ধর্মশালাশিং শারম্মি, শংগোলশিং শারম্মি, ঈশিং থকফমশিং শারম্মি। লাখা বনঝারানা অদালজকী বাব শেম্লম্মি, মসিগী থবক পুম্নমক অসি সরকারনা তৌখিবা লৈতে। খুন্নাইগী ওইবা শক্তিনা পাংথোক্লম্মি, ধর্মশালা ওইগেরা, ঈশিং থকফম ওইগেরা, লাইব্রেরী ওইগেরা, খুন্নাইনা পাংথোক্লম্মি।

তপ্ন-তপ্ন খুন্নাইগী শক্তশিং অদু খঙনা-খঙনা নমথখি অমদি রাজ্য সরকারগী শক্তিবু মথক্তা পুখৎলকখি। ঐখোয়না হোৎনরিবা অসিনা রাজ্যনা রাজ্যগী মথৌ তৌবা অদুগা শক্তিনা খুন্নাইদা শিন্নদুনা খুন্নাইপু মপুং ফাহনবা অদুনি। খুন্নাই মপাঙ্গল কল্লগদি লৈবাক অসি য়াম্না থুনা মপাঙ্গল কল্লগনি। লৈরিবা সরকারশিংনা শক্তি পায়শিন্দুনা থম্বগী মথৌ তাদে।

ঙসি ইমা অন্নপুর্না ধাম অসিদা পুন্সিগী দিগ্নিতীগী তঞ্জা লাক্লবনিনা খুন্নাইগীদমক অনৌবা মায়কৈ খনবা ঙম্লগনি। মন্দির খুদিংমক্তা প্রসাদ ফংই অদুবু অন্নপুর্না ধামদা প্রসাদকী ত্রেদিসন অসি হোংদোকপা য়াই, মতমগী মতুং ইন্না অহোংবা পুরকপা য়াই। অদুনা মফম অসিগী দাইরেক্তরশিংদা ঐহাক্না হায়জরি মদুদি অন্নপুর্না ধামদা লাকপা খুদিংমকপু প্রসাদ ওইনা পাম্বী অমা পীদুনা মদুবু মহাক্কী ময়ুমদা পুরদুনা পাম্বী অদু মপুং মরৈ ফানা চাউহন্নবা হায়বীয়ু, পুন্সিচুপ্পা ইমাগী প্রসাদ অদু মহাক্কী য়ুমগী শুমাংদা নত্ত্রগা মহাক্কী লবুক্কী কাচিন্দা ইমা অন্নপুর্নাগী প্রসাদ ওইরিবা অদুগুম্লবা পাম্বী অদুবু করিগুম্বা অমত্তা থোকহন্দনা থম্লগনি।

মহৌশাগী ফিভম কনবা ঙম্লদ্রা নত্ত্রগা ঙমলোয়দ্রা? লেৱুয়া পতেল খুন্নাইদা মখোয়গী ইমুংদা মচানুপী পোকপশিং অদুনা মচানুপীশিং অদুবু লাই খুরুম্নবা অন্নপুর্ন ধামদা লাকপীয়ু, শোয়দনমক্কী লাকপীয়ু। ইমা অন্নপুর্নাগী থৌজাল লৌবীরো অমদি মঙোন্দা পাম্বী মঙা পীরো, ইচানুপীদা পীবীরো মদুসু ফর্নিচরদা শিজিন্নবা য়াবা উ পাম্বী পীবীরো, অদুগা য়ারগদি সরকারগা ৱারী শান্নদুনা ঐখোয়গী ত্রস্ত অসিনা মফম অমদা একর চামা চানিগী লম নিদুনা ইমুং অদুগী মায়কৈদগী ফর্নিচরদা শিজিন্নবা য়াবা উ পাম্বী মঙা মফম অদুদা থাহনবীরো। পাম্বী অদু ইচানুপী অদুনা চহী কুন শুরবা মতমদা য়ান্দুনা কৈথেলদা য়োন্দুনা ফংলকপা শেনফম অদুনা ইচানুপী অদু হরাও-হরাওনা লুহোংবা য়াগদ্রা নত্ত্রগা য়ারোইদ্রা?

অন্নপুর্না ইমাগা লোয়ননা ঐখোয়না লোয়নরিবা অসিদা অতোপ্পা থৌদাং অমসু লৌরসি লৌমীশিংগা মরী লৈনবা থৌদাং। সরদার সাহবনা পুক্নীং থৌগৎপীদুনা অমুল লিংখৎখিবা অদুম্না অন্নপুর্না ধাম্না পুক্নীং থৌগৎপীদুনা ফুদ প্রোসেসিং লিংখৎলসি। ঐখোয়গী লৌমীশিংনা পুথোক্লিবা অদুদা মতিকচাবা মমল ফংনবা মপুংফানা সাইন্তিফিক ওইবা মওংদা সিস্তেম দিবেলপ তৌরসি।

শেরথাগী মোরোক মমিং চৎলি অদুবু শেরথাগী মোরোক্কী মচু ঙাংলগদি শেন্দোং হেন্না ফংই অদুগা অঙাংবা মোরোক অদুগী পাউদর শেম্লগদি হেন্না শেন্দোং ফংই মদুসু অফবা পেকিং তৌরগদি পৈশা হেন্না ফংই, মসি পুম্নমক ওইথোকপা য়াবা ঙাক্তনি। ফুদ প্রোসেসিং, ঐখোয়গী লৌমীনা পুথোক্লিবা পুম্নমক অদু মখোয়না ফুদ প্রোসেসিং য়ুনিৎ অসিগী কান্নবা ফংবা ঙমজবা, অৱাংবা থাক্তা মদুগী থবক পায়খৎপা, মদুদা রিসর্স তৌবা, তশেংনা হায়রবদা অন্নপুর্না ইমাগুম্না পুম্নমকপু মদুদা কোক নোনজবগী অদুগুম্লবা ফিভম অদু পুরকপা য়াই।

মফম অসিদা ইন্দস্ত্রীগী মরূপশিংসু ফম্বীরি, শুংশোই শোইদনা মায়কৈ অসোমদা মতৌ করম্না কান্নহনবা য়াগনি হায়বা অদুদা খন্থবীবা অদুনি ঐহাক্না পামজরিবদি। ঐখোয়গী লমদম অসিদা রামচরিতমানসকী মনুংদা শৈরেং তাঙ্কক অমা লৈরি, রামচরিতমানসকী শৈরেং তাঙ্কক অদুদা অসুম্না হায়রি-

ছিতি জল পাৱন গগন সমীরা।

পঞ্চ রচিৎ অতি অধম শরীরা॥

হায়বদি ঐখোয়গী হকচাং অসি পোৎশক মঙানা শাবনি, পোৎশক মঙানা শাবা হকচাংনি, পোৎশক মঙাগী হৌরকফম অদু পুন্সিন্নবা মফম অসিদা হোৎনরিবা অসিদা ঐহাক্না মপুং ফানা থাজবা থম্লি মদুদি মসিগী পোৎশকশিং অসি খঙনা খুন্নাইগী লাক্কদৌরিবা হয়েংগীদমক পুক্নীং চংনা মদু ঐখোয়না এক্সপোজ তৌগনি।

নরহরী ভাইনা ২০২০ ফাওবদা মসিবু শঙ্গাগনি অমদি অতোপ্পা অমনা উরেপ-উয়ুং তমগনি হায়না থাজবা থম্বীরিবা অদুদা অদোম্না থাজবা থম্লগদি ঐহাক্না মদুদগী হেন্না থাজবা থম্লি। অদুগা ইচিল-ইনাওশিং কনাগুম্বা অমবু য়ুমদা লাক্নবা হায়বা মতমদা য়ারক্লোইদবা অদুবু কনানো? মফম অসিদা ঐহাক মীথুংলেন নত্তে, মসিদি য়ুমদা লাকপবগী নুংঙাইজবনি, ইমা অন্নপুর্নাগী খোংয়াখাদা লাকচবনি। অদুগা ঙসি লৌমীশিংগী মরক্তা লাকচবা অসিদা জয় জৱান জয় কিসান অনিমক্কী মগুন লৈরি। লৌমীগী পাঙ্গল-শক্তি, জৱানগী পাঙ্গল-শক্তিনা লৈবাক অসিদা ফুদ সেক্যুরিতী পীরি, লৈবাক অসিদা বোর্দর সেক্যুরিতীসু পীরি অমসুং অনিমক্কী পাঙ্গল-শক্তিনা লৈবাক্কী দিবেলপমেন্তকী খুদোংচাবশিং মতম পুম্নমক্তা পীনবীরি। ঐহাক্না অমুক হন্না ময়াম পুম্নমক্কী মরক্তা লাকচবগী খুদোংচাবা ফংজবা অসিগীদমক ময়াম্বু থাগৎপা ফোংদোকচরি। ইমা অন্নপুর্নাগী খোংয়াখাদা ইকোক নোনজরি অমদি অদোম ময়াম পুম্নমক্কী তুংগী য়াইফনবগীদমক ইমা অন্নপুর্নাগী খোংয়াখাদা খুরুমজদুনা ঐহাক্কী ৱাফম লোইশিঞ্জরি।

থাগৎচরি।