ভারতকী প্রধানমন্ত্রী

প্রধান মন্ত্রী শ্রী নরেন্দ্র মোদীনা লুচিংবা কেন্দ্রগী মন্ত্রীমন্দলনা মিনিস্ত্রী ওফ ন্যু এন্দ রেন্যুয়েবল ইনর্জী ওফ ইন্দিয়া অমসুং মিনিস্ত্রী ফোর ইনর্জী, য়ুতিলিতীজ এন্দ ক্লাইমেৎ ওফ দ কিংদম ওফ দেনমার্ক্কী মরক্তা সমুদ্র মপান্দগী লৌবা ৱিন্দ ইনর্জীদা মীৎয়েং থমদুনা রেন্যুয়েবল ইনর্জীগী লমদা তেংবাং পীননবা য়ানা চেরোল অমসুং ভারত্তা রেন্যুয়েবল ইনর্জীগীদমক ইন্দো দেনিশ সেন্তর ওফ এক্সিলেন্স অমা লিংখৎনবা লেত্তর ওফ ইন্তেন্ত অমদা অয়াবা পীখ্রে। য়ানা চেরোল অসি ২০১৯গী মার্চ থাদা নই দিল্লীদা খুৎয়েক পীনখি।

তেংবাং পীননবা য়ানা চেরোল অসিগী পান্দমদি সমুদ্র মপান্দগী ফংবা নুংশিৎতা অখন্নবা মীৎয়েং থম্বগা লোইননা রেন্যুয়েবল ইনর্জীগী লমদা লৈবাক অনিগী মরক্তা তেংবাং পীনবা হেঙ্গৎহনবনি। তেংবাং পীনগদবা লমশিংদা সমুদ্র মপান্দগী লৌবা ৱিন্দ প্রোজেক্তশিংগী মেনেজমেন্তকীদমক তেক্নিকেল কেপাসিতী বিলদিং, অৱাংবা থাক্কী ৱিন্দ ইন্দস্ত্রী অমা দিবেলপ তৌনবা খোংথাং, সমুদ্র মপাল লোয়ননা সমুদ্র মপান্দগী লৌবা, অৱাংবা থাক্কী নুংশিৎকী তর্বাইনশিং, মচাকশিং অমসুং সর্তিফিকেসনগী মথৌতাবশিংগী খোংথাং লৌখৎপা য়াওরি।

ইন্দো–দেনিস সেন্তর ওফ এক্সিলেন্স ইন ইন্তিগ্রেতেদ রেন্যুয়েবল পাৱরনা সমুদ্র মপান অমসুং সমুদ্র মপানদগী লাপ্না শিৎলিবা নুংশিৎ; নুংশিৎ, সোলর, হাইদ্রো অমসুং স্তোরেজ তেক্নোলোজীশিংগী হাইব্রিদাইজেসন্দা মীৎয়েং থম্দুনা রেন্যুয়েবল ইনর্জী রিসোর্সকী লনগৈদা থবক তৌগনি।

য়ানা চেরোল অসি খুৎয়েক পীনবনা লৈবাক অনিগী মরক্তা নাকল অনিগী তেংবাং পীনবা হেঙ্গৎহনবদা মতেং ওইরগনি।