ভারতকী প্রধানমন্ত্রী

হৌজিক কমিতী অসিগী মতম ২০১৯গী জুলাই ৩১ ফাওবা শাংদোকখ্রে

প্রধান মন্ত্রী শ্রী নরেন্দ্র মোদীনা লুচিংবা এন.দি.এ. সরকারনা তোঙান তোঙানবা লমশিংদা মীয়ামগী য়াইফনবা খোংথাংশিং পায়খৎলি। ৱাখল্লোন অসিগা লোয়ননা অতোপ্পা শোত্থরবা কাংলুপশিংগী মরক্তা চাং মান্ননা কান্নবা ফংহনবগী দরকার ওইবা অদু য়েংলদুনা সংবিধানগী আর্তিকল ৩৪০গী মখাদা সেন্ত্রেল লিস্তা অতোপ্পা শোত্থরবা কাংলুপশিংগী মনুংদা সব–কেতেগোরাইজেসনগী ইসুশিং থিজিন্নবা কমিসন অমা লিংখৎখি।

প্রধান মন্ত্রী শ্রী নরেন্দ্র মোদীনা লুচিংবা কেন্দ্রগী মন্ত্রীমন্দলনা অতোপ্পা শোত্থরবা কাংলুপশিংগী সব–কেতেগোরাইজেসনগী ইসুশিং থিজিন্নবা কমিসনগী মতম থা অনি অমগা শাংদোক্তুনা ২০১৯গী জুলাই ৩১ ফাওবা ওইহনবদা অয়াবা পীখ্রে।

মসিনা কমিসন অসিগী তরুকলক শুবা মতম শাংদোকপনি মসিগী মতম ২০১৯গী মে ৩১দা লোইখ্রে।

শাফু:

কমিসন অসিগী মতম শাংদোকপা অসিনা তোঙান তোঙানবা স্তেকহোল্দরশিংগা লোয়ননা হেন্না পাক চাউনা তাথোক তাশিন তৌবদা য়ুমফম ওইরগা সেন্ত্রেল লিস্তা অতোপ্পা শোত্থরবা কাংলুপশিংগী মনুংদা সব–কেতেগোরাইজেসনগী ইসুশিং তশেংনা খঙদোকপা ঙমহল্লগনি।

য়ুম্ফম:

কমিসন অসি সংবিধানগী আর্তিকল ৩৪০গী মখাদা রাস্ত্রপতিগী অয়াবা লৌরগা ২০১৭কী ওক্তোবর ২দা লিংখৎখিবনি। কমিসন অসি থবক্তগী পোত্থারবা জস্তিস শ্রীমতী জি. রোহিনীনা লুচিংদুনা ২০১৭কী ওক্তোবর থাদা থবক হৌখি অমদি মতম অদুদগী হৌরগা ও.বি.সি.শিংগী সব–কেতেগোরী লৈবা রাজ্যশিং/য়ুনিয়ন তেরিতোরীশিং অমসুং স্তেত বেকৱার্দ ক্লাসেস কমিসনশিংগা থবক তৌরি।

কমিসন অসিনা মসিগী মতম অসি ২০১৯গী জুলাই ৩১ ফাওবা, থা অনি অমগা শাংদোকহন্নীংবগী অপাম্বা ফোংদোকরকখি মদু মন্ত্রীমন্দলনা অয়াবা পীখ্রে।