ভারতকী প্রধানমন্ত্রী

প্রধান মন্ত্রী শ্রী নরেন্দ্র মোদীনা ঙসি ২০১৭ বেৎচকী নহা ওইরিবা আই.এ.এস. ১৬০গা উন্নদুনা ৱারী শানখ্রে, মখোয়শিং অসি হন্দক্তা ভারত সরকারগী এসিস্তেন্ত সেক্রেতরীশিং ওইনা এপোইন্ত তৌখিবনি।

প্রধান মন্ত্রীনা মসুরীদা মখোয়না ত্রেনিং তৌরিঙৈ মনুংদা মহাক্কা মীফম পাংথোকখিবা অদু নৌহৌনা নীংশিংখি।

ৱারী শানখিবা অদুগী মনুংদা, ওফিসরশিং অদুনা ফিল্দ ত্রেনিং মনুংদা মখোয়গী এক্সপিরিয়েন্সশিং অদু পাওদমখি। মখোয়না মসিগী এক্সপিরিয়েন্সশিং অসি মসুরীদা পাংথোকখিবা মখোয়গী ক্লাসরুম ত্রেনিং সেসনগা লোয়ননা মরী লৈনরিবা অদু উৎখি। শোত্থরবা জিলাশিংদা থবক তৌরুবা ওফিসরশিংনা মতৌ করম্না জিলাশিং অসিদা হন্দক্তা পায়খৎখিবা অনৌবা খোংথাংশিং অসি থবক ওইনা পাংথোকখিবগে হায়বদু পাওদমখি।

লাক্কদৌরিবা থা অহুম অসি ওফিসরশিং অসিবু ভারত সরকারদা এতেচ তৌগদৌরিবা অসি য়াম্না মরু ওই অমদি নীংথিজনা খন্থরবা থৌওং অমগী শরুক অমনি হায়না প্রধান মন্ত্রীনা ফোংদোকখি। মহাক্না হায়খি মদুদি মতম অসিগী মনুংদা ওফিসর খুদিংমক্না পোলিসী ফোর্মুলেসনগী ইথিল পীনবা তাঞ্জা ফংলগনি।

শ্রী নরেন্দ্র মোদীনা ওফিসরশিংবু অনৌবা মিৎয়েং, অনৌবা ৱাখল্লোন অমসুং সমস্যাশিংবু সোল্ব তৌবদা অনৌবা মিৎয়েং পুরক্নবা পুক্নীং থৌগৎখি।

থৌরম অসিগী পান্দমদি সরকারগী থবক থৌরমদা অনৌবা অমসুং ফ্রেসনেস পুরকপনি হায়না মহাক্না ফোংদোকখি। এক্সপরিয়েন্স অমসুং ফ্রেসনেসকী অপুনবা মতৌনা সিস্তেমদা কান্নবা ফংহল্লগনি হায়না মহাক্না মখা তাখি।

মখোয়না মখোয়দা শিন্নরিবা থবক অদু ফ্রেস অমসুং “সিতিজন-সেন্ত্রিক পর্সপেক্তিব” অমদগী এপ্রোচ তৌগদবনি হায়না মহাক্না হায়খি।

ওফিসরশিংনা মখোয়দা শিন্নরিবা সমস্যাশিংগী মতিক চাবা সোলুসন পুরক্নবা হোৎনগদবনি হায়নসু প্রধান মন্ত্রীনা অকনবা ৱাফম থমখি।

মখোয়না দিল্লীদা তৌগদৌরিবা থবক অদু লম অসিদা হন্দক্তা ফংলকপা মখোয়গী এক্সপিরিয়েন্সশিং অদুগা মরী লৈহন্নবা মহাক্না অকনবা ৱাফম থমখি। থৌরম অদুদা পি.এম.ও.গী রাজ্য মন্ত্রী, দা. জিতেন্দ্র সিংহ অমসুং প্রধান মন্ত্রী ওফিস অমসুং দিপার্তমেন্ত ওফ পর্সোনেল এন্দ ত্রেনিংগী মকোকথোংবা ওফিসরশিংনা শরুক য়াখি।

থৌরম অদুদা ভারত্তা সিভিল সর্বিসেসকী আর্কিতেক্তনি হায়না লৌনরিবা অদুগুম্লবা সর্দার ভল্লবভাই পতেলগী পুন্সি অমসুং এচিবমেন্ত উৎপা ওদিও ভিজুয়েল ফিল্ম অমা উৎখি।

**********