ভারতকী প্রধানমন্ত্রী

নত্তবা লীচৎ চত্থবদগী অঙাংবু ঙাকথোক্নবা পুৱারী ওইরবা ৱারেপ অমদা, প্রধান মন্ত্রী নরেন্দ্র মোদীনা লুচিংবা কেন্দ্রগী মন্ত্রীমন্দলনা প্রোতেক্সন ওফ চিলদ্রেন ফ্রোম সেক্সুয়েল ওফেন্সেস (পোক্সো) এক্ত ২০১২ শেমদোকপদা অয়াবা পীখ্রে। মসিনা অঙাংদা নত্তবা লীচৎ চৎপশিংবু শিবগী চৈরাক য়াওনা অহকপা চৈরাক ফংহল্লগনি। এক্ত শেমদোক্লিবা অসিদা চাইল্দ পোর্নোগ্রাফী থিংনবা ফাইন অমসুং জেলদা থম্বসু য়াওরি।

থেংনরিবা

• শেম্দোক্লিবা অসিনা এক্ত অসিদা অকনবা দন্দি পীনবগী থৌরাং হাপচিনবনা মরম ওইদুনা অঙাংদা নত্তবা লীচৎ চৎপদা পুক্নিং থৌগৎলরোই হায়বগী থাজবা থম্লি।
• মসিনা অৱাবা তারকপা মতমদা  তুশোন্নরবা অঙাংশিংগী য়াইফনবা তৌহল্লগনি অমদি মখোয়বু অশোই অঙাম য়াওহন্দবা অমদি মখোয়গী ইকাই খুম্নবা ঙাক্তুনা থম্লগনি।
• শেম্দোক্লিবা অসিগী পান্দমদি অঙাংশিংদা চত্থবা ত্রাইম অসিগী মতাংদা মরাল লৈরবশিংদা পীরিবা চৈরাক অসিদা হেন্না ময়েক শেংহনবনি।

য়ুম্ফম

পোক্সো এক্ত, ২০১২ অসি অঙাংশিংগী য়াইফবা ঙাক্তুনা থম্নবগা লোইননা অঙাংশিংবু নত্তবা লীচৎ চৎপা, সেক্সুয়েল ওইবা মওংদা ওৎ নৈবা অমসুং পোর্নোগ্রাফীদগী ঙাকথোক্নবগীদমক পাস তৌখিবা আইন্নি। এক্ত অসিনা চহী তরানিপালগী মখাদা লৈবা মীওই খুদিংমকপু অঙাং অমা ওইনা লৌরি। এক্ত অসি নুপী নুপা চপ মান্নৈ।