ভারতকী প্রধানমন্ত্রী

প্রধান মন্ত্রী শ্রী নরেন্দ্র মোদীনা লুচিংবা কেন্দ্রগী মন্ত্রীমন্দলনা রুসিয়াগী মোস্কোদা ইসরো তেক্নিকেল লাইজন য়ুনিৎ (আই.তি.এল.য়ু.) লিংখৎপদা অয়াবা পীখ্রে।

চাগা চাদিং খঙহনবা: 

চহীগী ওইনা চাউরাক্না লুপা কোতি ১.৫০গী চহীগী চাদিং অমা রুসিয়াগী মোস্কোদা থমগদৌরিবা আই.তি.এল.য়ু.দা তলব, ওফিসকী চাদিংশিং, রেন্ত, তেক্সশিংনচিংবদা শিজিন্নগনি।

ৱারোল:

মোস্কোদা লৈগদৌরিবা ইসরো তেক্নিকেল লাইজন য়ুনিৎ (আই.তি.এল.য়ু.) অসিনা ইসরোগী প্রোগ্রাম তৌরবা তার্গেৎশিংগী রিয়েলাইজেসনগীদমক রুসিয়া অমসুং য়ুম্লোন্নবা লৈবাকশিংগা লোইননা হিরমশিং খাইদোকপদা মতম চানা মরক থৎনবগীদমক মতিক চাবা তেক্নিকেল কোওর্দিনেসন ফংহল্লগনি। ইসরোদগী আই.তি.এল.য়ু.দা থবক শিন্নগদৌরিবা লাইজন ওফিসরনা মরী লৈনবা লৈবাকশিংদা রিসর্স তৌরিবশিং, সরকারগী এজেন্সীশিং অমসুং ইন্দস্ত্রীশিংগা লোইননা মখোয়গা ফম্মিন্নদুনা ৱারী শান্নবদগী ফংলকপা মহয় অমসুং তেক্নোলোজী অমদি  দিবেলপমেন্তশিংগী মতাংদা তেক্নিকেল ইনফোর্মেসন ফংহনগনি। 

কান্নবশিং:

ইসরোনা নাকল অনিগী ওইবা কান্নগদবা মহয়গীদমক রুসিয়া অমসুং য়ুমলোন্নবা লৈবাকশিংদা স্পেস এজেন্সীশিং/ইন্দস্ত্রীশিংগা লোইননা পুন্না থবক তৌবা ঙমহল্লগনি।

ইসরোগী গগনয়ান প্রোগ্রাম্না মরুওইবা তেক্নোলোজীশিং অমসুং অখন্নবা খুদোংচাবা খরা দিবেলপ তৌবা দরকার ওইরি, মদু স্পেসতা হিংদুনা লৈনবা মথৌ তাই।

গগনয়ান হ্যুমেন স্পেস প্রোগ্রাম পাংথোক্নবা লেপখিবা মতম ওগস্ত ১৫,২০২২ অদু য়েংলগা, স্পেসকী লমদা মখোয়গী তেক্নিকেল কেপেবিলিতীশিং হান্ননা উৎতুনা লৈরবা ইন্তর্নেস্নেল স্পেস এজেন্সীদগী তেক্নিকেল কোওপরেসন ফংবা অসি দরকার ওই। রুসিয়া, স্পেসতা লাপনা লৈবা লৈবাক অমা ওইবনা তোঙান তোঙানবা লমশিংদা রুসিয়াগা লোইননা চৎমিন্ননবা মিৎয়েং থম্লি।

থেংনরিবা:

লাইজন ওফিসরশিংনা মরী লৈনবা লৈবাকশিংদা রিসর্স তৌরিবশিং, সরকারগী এজেন্সীশিং অমসুং ইন্দস্ত্রীশিংগা লোইননা মখোয়গা ফম্মিন্নদুনা ৱারী শান্নবদগী ফংলকপা মহৈ অমসুং তেক্নোলোজী অমদি  দিবেলপমেন্তশিংগী মতাংদা তেক্নিকেল ইনফোর্মেসন ফংহনগনি। মখোয়না স্পেস তেক্নোলোজীদা তেংবাং পীননবা হৌজিক চত্থরিবা লৈবাক অনিগী প্রোগ্রামশিংদসু মতেং পাংগনি।

য়ুম্ফম:

দিপার্তমেন্ত ওফ স্পেসনা ইসরো তেক্নিকেল লাইজন য়ুনিৎ (আই.তি.এল.য়ু.) হায়না মিংথোনবা তেক্নিকেল লাইজন য়ুনিৎশিং অমেরিকা অমসুং য়ুরোপতা লৈরিবা সরকার অমসুং স্পেস এজেন্সীশিংগা লোইননা থবক তৌমিন্ননবা পান্দমগা লোইননা অমেরিকাগী ৱাশিংতন অমসুং ফ্রান্সকী পেরিসতা লিংখৎখি। স্পেসকী য়ুগ হৌরকপদগী ভারত অমসুং রুসিয়াগী মরক্তা স্পেস কোওপরেসন অসি মরুওইবা লিঙ্ক অমা ওইরি। রুসিয়াগা লোইননা তেংবাং পীনবদগী হেন্দোক্তুনা ভারতনা মসিগী স্পেস কোওপরেসন অসি রুসিয়াগা নক্নবা লৈবাকশিংগা লোইননা হেন্না পাকথোক চাউথোক্লি।