ভারতকী প্রধানমন্ত্রী
প্রধান মন্ত্রী শ্রী নরেন্দ্র মোদীনা লুচিংবা কেন্দ্রগী মন্ত্রীমন্দলনা ভারতকী শন্দাইনা মরম ওইদুনা য়ুনাইতেদ নেসন্স কনবেন্সন ওন ইন্তর্নেস্নেল সেত্তলমেন্ত এগ্রীমেন্ত (য়ু.এন.আই.এস.এ.), ২০১৯গী ওগস্ত ৭তা সিঙ্গাপুরদা নত্ত্রগা য়ুনাইতেদ নেসন্স হেদক্বাতরদা খুৎয়েক পীনবদা অয়াবা পীখ্রে।
কান্নবা:
কনবেন্সন অসি খুৎয়েক পীনবা অসিনা শেল থাদরিবশিংগী থাজবা হেঙ্গৎহল্লগনি অমদি ওল্তরনেতিব দিসপ্যুৎ রিজোলুসন (এ.দি.আর.)দা ইন্তর্নেস্নেল প্রেক্তিস হাপচিন্নবা ভারতকী ৱারেপ অদুগী মতাংদা মীরমগী শেল থাদবশিংদা পোজিতিব সিগনেল অমা ফংহল্লগনি।
এ.দি.আর. মেকানিজমশিং প্রমোৎ তৌনবা খোংথাংশিং:
ভারত্তা ইন্তর্নেস্নেল কম্মর্সিয়েলগী ৱায়েলদা পুক্নিং থৌগৎনবা, ৱায়েলগী কমপ্রিহেন্সিব ইকোসিস্তেম অমা ফোংদোক্নবা সরকারনা আইন্না য়াবা বোদী অমা ওইনা ন্যু দিল্লী ইন্তর্নেস্নেল অর্বিতেসন সেন্তর (এন.দি.আই.এ.সি.) লিংখৎলি। কম্মর্সিয়েল কোর্তস এক্ত, ২০১৫ অসি মখা তানা শেমদোক্লে অমদি অর্বিতেসন এন্দ কোন্সিলিয়েসন এক্ত, ১৯৯৬ মখা তানা শেমদোক্নবা হৌজিক হৌজিকমক আইনগী ওইবা থবক লৌখৎলি। খোংথাংশিং অসিনা এ.দি.আর. মেকানিজম ওফ অর্বিতেসন, কোন্সিলিয়েসন অমসুং মেদিয়েসনগী খুত্থাংদা ভারত্তা কম্মর্সিয়েল দিসপ্যুৎশিং, দোমেস্তিক অমসুং ইন্তর্নেস্নেলগী সেতলমেন্তকী মিৎয়েং অমগা লোয়ননা পুক্নিং থৌগৎলি। কেসশিংগী অক্নবা কেতাগোরীদা মেন্দতরী প্রি-ইন্সতিত্যুসন মেদিয়েসন অমসুং সেত্তলমেন্তগীদমক কম্মর্সিয়েল কোর্তস এক্ত, ২০১৫দা অনৌবা পন্দুপ (IIIA) হাপচিল্লে।
য়ুম্ফম:
য়ুনাইতেদ নেসন্সকী জেনরেল এসেমব্লীনা ২০১৮গী দিসেম্বর ২০দা তাইশিন্নবনা মরম ওইদুনা য়ুনাইতেদ নেসন্স কনবেন্সন ওন ইন্তর্নেস্নেল সেত্তলমেন্ত এগ্রীমেন্ত এদোপ্ত তৌখি। জেনরেল এসেমব্লীনা ওথোরাইজ তৌরি মদুদি কনবেন্সন অসিনা ২০১৯গী ওগস্ত ৭তা সিঙ্গাপুরদা পাংথোক্কদৌরিবা খুৎয়েক পীনবগী থৌরমদা খুৎয়েক পীননবা হাংদোক্লগনি অমদি “সিঙ্গাপুর কনবেন্সন ওন মেদিয়েসন” হায়না খঙনগনি।
