ভারতকী প্রধানমন্ত্রী

প্রধান মন্ত্রী শ্রী নরেন্দ্র মোদীনা ঙসি লোক কল্যান মার্গতা নেস্নেল তিচর এৱার্দ ২০১৮ ফংলবশিংগা উন্নদুনা ৱারী শানখ্রে।
প্রধান মন্ত্রীনা মনা ফংলবশিংবু মখোয়গী থোইদোক হেন্দোকপা থবক্কীদমক থাগৎপা ফোংদোকখি। মহৈরোই খুদিংমক্কী পুন্সিদা অহোংবা পুরক্নবা মখা তানা কন্না হোৎননবা মহাক্না মখোয়দা তকশিনখি।

ৱারী শানখিবা অদুগী মনুংদা প্রধান মন্ত্রীনা তিচিং এদ অমা ওইনা তেক্নোলোজী শিজিন্নবগী মরুওইবা অদুগী মতাংদা প্রধান মন্ত্রীনা ঙাংখি। নুমিৎ খুদিংগী থেংনরিবা তোঙান তোঙানবা সমস্যাশিংগী ৱারোইশিন পুথোকপদা মহৈরোইশিংবু পুক্নিং থৌগৎনবা মহাক্না ওজাশিংদা খঙহনখি। অঙাং খুদিংদা তাঞ্জা অমমম পীনবা মহাক্না মনা ফংলবশিংদা তকশিনখি।

প্রধান মন্ত্রীনা মহৈরোইশিংগী মরক্তা ক্রিয়েতিবিতী হেঙ্গৎহনবগী দরকার ওইবা অদুদা অকনবা ৱাফম থমখি। ক্রিয়েতিবিতীদা পুক্নিং থৌগৎপনা অঙাংশিংবু মশা মথন্তা হোৎননিংবা ফাওহল্লগনি হায়না মহাক্না ফোংদোকখি। হিরম কয়াগী মতাংদা মহৈরোইশিংগী বিদ্যা অদু খঙবা দরকার ওই হায়না মহাক্না মখা তাখি।

প্রধান মন্ত্রীগা ৱারী শানরদুনা স্কুলশিংদা পোজিতিব ওইবা অহোংবা পুরকপদা মখোয়না তৌরিবা থবকশিং অদু মনা ফংলবশিং অদুনা লীদুনা তাহনখি। মতৌ করম্না অতল তিংকরিং লেবশিংনা মহৈরোইশিংবু ইনোভেৎ তৌবা অমসুং তেক্নোলোজী শিজিন্নবা ঙমহনবগে হায়বসু মখোয়না ফোংদোকখি।

হ্যুমেন রিসোর্স দিবেলপমেন্তকী কেন্দ্র মন্ত্রী, শ্রী রামেশ পোখ্রিয়াল অমসুং হ্যুমেন রিসোর্স দিবেলপমেন্তকী কেন্দ্রগী রাজ্য মন্ত্রী, শ্রী সঞ্জয় শামরাও ধোত্রেসু থৌরম অদুদা শরুক য়াখি।

*******