ভারতকী প্রধানমন্ত্রী

প্রধান মন্ত্রী শ্রী নরেন্দ্র মোদীনা লুচিংবা কেন্দ্রগী মন্ত্রীমন্দলনা আই.দি.বি.আই. বেঙ্কতা সরকারনা লুপা কোতি ৪,৫৫৭ পীথবদা অয়াবা পীখ্রে।

মসিনা আই.দি.বি.আই. বেঙ্ককী তর্নঅরাউন্দগী প্রোসেস মপুংফাহনবদা মতেং ওইরগনি অমসুং মসিনা প্রোফিতেবিলিতী অমসুং নোর্মেল লেন্দিংদা রিতর্ন ঙমহল্লগনি, অমদি তাঞ্জা চাবা মতম অমদা মসিগী ইনভেস্তমেন্তশিং খোমগৎনবগী খুদোংচাবসু সরকারনা পীরি।

আই.দি.বি.আই. বেঙ্কনা মসিগী লিগেসী বুক্কা লোয়ননা দিল তৌখিবা এক্সর্সাইজ মপুং ফাহন্নবা অমুক্তং পৈশা পীথবা দরকার ওইরি। মসি পীথখ্রবা মতুং, আই.দি.বি.আই. বেঙ্কনা মশাগী ওইবা শেনফম মখা তানা হেঙ্গৎহঞ্জবা ঙমদুনা মথংগী চহীদদি আর.বি.আই.গী প্রোম্প করেক্তিব এক্সন (পি.সি.এ.) ফ্রেমৱার্কতগী মপান থোক্লকপা ঙম্লগনি হায়না থাজবা থম্লি।

হৌখিবা চহী অমদা আই.দি.বি.আই. বেঙ্ককী ফাইনান্সিয়েল পেরামীতরশিং লেপ্পা লৈতনা ফগৎলক্লি:

• ৩০.০৯.১৮দা সি.আর.এ.আর. চাদা ৬.২২ ওইরম্বা অদু ৩১.৩.১৯দা চাদা ১১.৫৮দা হেঙ্গৎখি।
• ৩০.৯.১৮দা নেৎ এন.পি.এ. রেসিও চাদা ১৭.৩ ওইরম্বা অদু ৩১.৩.১৯দা চাদা ১০.১১দা হন্থরে  অমদি ২০১৯গী জুন ৩০দা মখা তানা চাদা ৮.০২দা হন্থরে।
• প্রোভিজন কোভরেজ রেসিও (পি.সি.আর.) চাদা ৬৯ (৩০.০৯.১৮)দগী চাদা ৮৩ (৩১.৩.১৯) দা হেঙ্গৎলে অমদি ২০১৯গী জুন ৩০দা মখা তানা চাদা ৮৮দা হেঙ্গৎলে।
• এল.আই.সি.গা লোয়ননা তেংবাং পীনবনা ব্রান্স ৩১৮৪দা শন্দোক্লিবা পোলিসী হোল্দর কোতি ২৯ অমসুং এজেন্ত লাখ ১১ অমদি এল.আই.সি.গী এমপ্লোই লাখ ২গা মরী থম্বা ঙমহল্লগনি।
• এল.আই.সি.গী তেংবাংদগী শেনবা চহী ২০২০গীদমক লুপা কোতি ৫০০গী রেভেন্যু  অদুগা শেনবা চহী ২০২১দগী হৌরগা লুপা কোতি ১০০০গী রেভেন্যু প্রোজেক্ত তৌরি।
•  ২০১৯গী মার্চ থাদা লুপা কোতি ১৬০গী প্রিমিয়মগা লোয়ননা ইন্সুরেন্স য়োনবা হৌখি। চহী অসিগী হৌরকপা থা মরি মখায়দা লুপা কোতি ২৫০ হেনবগী প্রিমিয়ম খোমজিনবগা লোয়ননা খোংজেল অসি মখা চত্থরি। শেনবা চহী ২০১৯–২০দা থম্লিবা পান্দম অসি লুপা কোতি ২০০০গী প্রিমিয়ম অমসুং লুপা কোতি ২০০গী রেভেন্যুনি।
• এল.আই.সি. এজেন্তশিংগী নেৎৱার্ককী কান্নবা লৌদুনা লুপা কোতি ৫০০০ (হাউজিং লোন, ওতো লোন, পর্সোনেল লোন)গী থাজবা থম্লি।