ভারতকী প্রধানমন্ত্রী

মখাগী অসি প্রধান মন্ত্রী শ্রী নরেন্দ্র মোদীনা ওজাশিংগী নুমিৎতা পীখিবা ৱারোলনি।

“অদোম্বু, অমসুং ওজা পুম্নমকপু নুংঙাইরবা ওজাশিংগী নুমিৎ অমগী য়াইফ–পাউজেল পীজরি!

নুমিৎ অসি তাকপী তম্বীরিবা ওজা পুম্নমকপু মখোয়গী হোৎনবা কনবা, কত্থোকপা অমসুং ৱারেপকীদমক তৌবীমল খঙবা উৎচবা নুমিৎনি। ক্লাসরুমদা সবজেক্তশিং তম্বীবগী মথক্তা ওজাশিং অসি থোইদোক হেন্দোকপা লমজিং-লমতাকপা অমসুং মেন্তর ওইদুনা মখোয়গী মহৈরোইশিংগী পুন্সিদা মরুওইবা থৌদাং অমা লৌরি।

ওজাশিংগী মশাগী খন্দবা মতৌ অসি মালেম পুম্বদা শক্ন–শোন্নরি। অচিনবা মতম অমসুং ইমুং মনুংগী থৌদাং কয়া লৈরবসু ওজাশিংনা মহৈরোইশিংবু য়াম্না লায়না অনৌবা ৱাখল্লোনশিং তম্বা ঙমহল্লি।

ফংগদবা মহৈদা মিৎয়েং থম্বা:

ঙসিদি, ভারতকী এজুকেসন সেক্তরদা চাউনা অহোংবা অমা লাক্লে। ঐখোয়না শেনচৎতা মিয়েং থম্বা তোক্তুনা হৌজিক্তি ফংগদবা মহৈদা অখন্নবা মীৎয়েং থম্লে। ঐহাক্না ওজাশিংবু নহাশিংগী মরক্তা রিসর্স অমসুং ইনোভেসনদা পুক্নিং থৌগৎনবগীদমক কন্না হোৎনরিবা অদু উবদা নুংঙাইবা ফাওই। ঐখোয়গী নহাশিংবু মশাগী অমসুং জাতিগীদমক থোইদোক হেন্দোকপা থবকশিং তৌনবা শক্তি পীগদৌরিবা স্পিরিৎ অদু মসিমক্নি।”

সিঙ্গল য়ুজ প্লাস্তিক শিজিন্নবা থিংবদা তেংবাংবা:

ওজাশিংগী নুমিৎ অসিদা ঐহাক্না ঐহাক্কী মরূপ ওজাশিংগী মফমদা করিগুম্বা অমা হঙ্গৎচগে। অদোম্না খঙবীরিবা অদুনি, সিঙ্গল য়ুজ প্লাসতিক শিজিন্নবা থিংনবা ভারতনা অচৌবা খোংজং অমা চংশিল্লি। খোংজং অসিদা ঐহাক্না ওজাশিংগী অচেৎপা তেংবাং অমসুং থৌদাং অদু নীজরি। করিগুম্বা ওজাশিংনা মখোয়গী মহৈরোইশিংবু সিঙ্গল য়ুজ প্লাসতিক্না ঐখোয়গী মহৌশাগী ফিভমদা মাংহন তাকহল্লিবশিংগী মতাংদা শন্দোক্না তাকপীরবা অমদি মদু শিজিন্নদনবা পাউতাক পীরগদি মহৈরোইশিংসু খোংজং অসিদা শরুক য়ানবগীদমক পুক্নিং থৌগৎলগনি। মসিনা ঐখোয়গী নুংশিজরবা বাপুজীগী ১৫০শুবা মপোক কুমওন্দা অচৌবা ইকায় খুম্নবা অমা ওইবা য়াই।

নুমিৎ অসিদা, ঐহাক্না মশামক শক্নাইরবা ওজা অমসুং মেন্তর অমা ওইবীরম্বা অথোইবা দা. এস. রাধাকৃষ্ণগী মফমদসু ইকায় খুম্নবা উৎচরি। মহাক্কী পুন্সিনা মীওই কয়া অমবু ওজাগী শিনফমদা চংনবা পুক্নিং থৌগৎপা ওইরসনু।

অমুক হন্না ওজাশিংগী নুমিৎকী নুংঙাইবা ফোংদোকচরি!”