ভারতকী প্রধানমন্ত্রী

চন্দ্রয়ান ২ মিসন্না ইসরো হেদক্বাতর্সদা লৈরিবা মসিগী কন্ত্রোল সেন্তরগা কমুনিকেসন মাংখ্রবসু, ইসরোগী বিজ্ঞানিকশিংগা লোয়ননা বেঙ্গলোরদা চন্দ্রয়ান ২গী অরোইবা কুমথরকপগী শাক্ষি ওইরিবা প্রধান মন্ত্রী নরেন্দ্র মোদীনা হায়খি, “ভারতনা ঐখোয়গী বিজ্ঞানিকশিংদা চাউথোকচরি! মখোয়না মখোয়গী খ্বাইদগী ফবশিং অদু পীরি অমসুং মতম পুম্নমক্তা ভারতপু চাউথোকহল্লি। মসি পুক্নিং থৌগৎনীংঙাই ওইবা মিৎকুপনি অমসুং ঐখোয়না পুক্নিং থৌগৎকনি!”

বিজ্ঞানিকশিংগী মোরেল থৌগৎনবা মহাক্কী ওইনা হোৎনবা অমদা প্রধান মন্ত্রীনা হায়খি “লৈবাক অসিনা নখোয়গীদমক লেপ্লি, নখোয়গীদমক ঐহাক্না লেপ্লি। হোৎনখিবা অদু অতাংবনি অমসুং খোংচৎ অমনি।”

“ভারত ইমাগী মায় পাক্নবগীদম থবক তৌখিবা অমদি মদুগীদমক অৱাবা কয়া মায়োক্নখিবা অমসুং মহাকপু চাউথোকপা ফাওহন্নবা ক্রক ক্রক চিকখিবা অমসুং পুক্নিংদা চপ য়ুংনা লেপখিবা মীওইশিং অদু নখোয়নি।”

“ঙরাং নুমিদাং নখোয়গী নীংবা কায়বা অমসুং ইমোসনশিং অদু ঐঙোন্দা ফাওখি অমসুং খঙবা ঙমখি। ভেহিকল অদুদগী কমুনিকেসন মাংখিবা মতম অদুদা ঐহাকসু নখোয়গী মরক্তা য়াওখি। পাউখুম পীবা ঙমদবা ৱাহং কয়া অমা লৈরি অদুবু পাউখুমশিং অদু নখোয়না পুথোক্কনি হায়বা ঐহাক্না থাজবা থম্লি। মদুগীদমক কন্না হোৎনবা তাই হায়বা ঐহাক খঙই।”
“ঐখোয়গী খোংচৎতা ঐখোয়না সেৎবেক মচা অমা মায়োক্নবা য়াই অদুবু মসিনা ঐখোয়গী পান্দম অদু ফংবদা ঐখোয়গী থৱায় হকচিনবা অমসুং থৱায় য়াওবা অদু হন্থহল্লোইদবনি।”

হৌজিক্তি ঐখোয়না তৌগে খল্লিবা অদু হেন্না চেৎশিল্লে।

“ঙরাং নুমিদাং লৈবাক পুম্বনা ঐখোয়গী বিজ্ঞানিক ইচল-ইচে অমসুং ইচিল-ইনাওশিংগা লোয়ননা অমত্তা ওইনা তুমখিদে। থাগী লৈমায়দা ঐখোয় য়াম্না নকশিন্না চংশিনখি অমসুং হোৎনখিবা অদু য়াম্না থাগৎনীংঙাইনি।”

“ঐখোয়না ঐখোয়গী স্পেস প্রোগ্রাম অমসুং বিজ্ঞানিকশিংদা চাউথোকচরি, মখোয়গী হোৎনবা কনবা অমসুং পুক্নিং য়ুংবা অদুনা ঐখোয়গী নাগরিকশিংদা নত্তনা অতোপ্পা লৈবাক্কী নাগরিকশিংদসু হেন্না ফবা পুন্সি অমা ফংহল্লি।”

“হরাওবা ফোংদোক্নবগীদমক চাউথোচনীংঙাই ওইরবা মীকুপ কয়া অমা লাকখিনি হায়বা ভারতনা খঙই।”

“মসিনা স্পেস প্রোগ্রামদা লাকপা মতমদা খ্বাইদগী ফবা অদু লাক্কনি।”

“দিস্কোবর তৌনবা অনৌবা ফ্রন্তিয়রশিং অমসুং চৎনবা অনৌবা মফমশিং লৈরি।”

“ঐখোয়গী বিজ্ঞানিকশিংদা ঐহাক্না হায়জনিংবদি, ভারতনা নখোয়গীদমক লেপ্লি।”

“নখোয়না ঙম্লিবা মখৈ য়াম্না নকশিন্না চংশিনখি। হোৎনখিবা অদু অতাংবনি হায়না ঐহাক্না চাউথোক্না হায়জবা ঙমই।”
“ঙসিগী তমহৌবা অসিদগী ঐখোয়না অকনবা অমসুং হেন্না ফবা হয়েং অমা ফংলগনি।”

“ঐখোয়গী স্পেস বিজ্ঞানিকশিংগী ইমুং মনুংশিংবু ঐহাক্না থাগৎচরি। মখোয়গী মনা মনিল নাইদবা অদুবু মমল য়াম্লবা সপোর্তনা ঐখোয়না হোৎনরিবা অসিদা অচৌবা পাঙ্গল অমা পীরি।”

“ইচল-ইচে অমসুং ইচিল-ইনাওশিং, রেসিলিয়েন্স অমসুং তেনাসিতী অসি ভারতকী ইথোসদা সেন্তরনি। ঐখোয়গী পুৱারীদা ঐখোয়বু ক্রস তৌখিবা মীকুপ কয়া অমা ঐখোয়না মায়োক্নরম্বা য়াই অদুবু ঐখোয়না নিংহন্নখিদে। মরম অদুননি ঐখোয়না সিভিলাইজেসন্দা অৱাংবা থাক্তা লেপ্লিবা।”

“ঐখোয়না পুৱারী ওইরবা এচিবমেন্তশিং ফংখি। অনৌবা অয়ুক অমা অমসুং হেন্না ফবা হয়েং অমা লাকখিগনি। রিজল্তশিংগী মরমদা অৱাবা খল্লুদনা ঐখোয়না মাংলোমদা চংশিনলিবা অদুমক ঐখোয়গী পুৱারীনি।”

ঐহাক্না নখোয়দা থাজবা থম্লি। নখোয়গী মংলানশিং অদু ঐঙোন্দগী হেন্না ৱাংই। নখোয়গী মংলান্দা ঐহাক্না মপুং ফানা থাজবা থম্লি।

নখোয়দগী ইন্সপাইরেসন ফংনবগীদমক ঐহাক্না নখোয়গা উনরি। নখোয় ইন্সপাইরেসনগী সমুদ্র অমনি অমসুং ইন্সপাইরেসনগী অহিংবা খুদম অমনি।

ঐহাক্না ময়াম পুম্নমকপু নুংঙাইবা ফোংদোকচরি অমসুং নখোয়না হোৎনরিবশিং অদুদা য়াইফ-পাউজেল পীজরি।